4/13/2021
Today from Hiiraan Online:  _
Wararka Maanta- Jimco, Oct 11, 2013
Doomo ay la Socdaan Tahriibayaal Soomaali u badan oo kusii dhawaanaya Xeebaha Koonfureed ee dalka Talyaaniga


Jimco, Oktoobar 11, 2013 (HOL) — Doomo ay saaran yihiin in ka badan 200 oo ruux oo tahriibayaal ah ayaa ku dhawaaday xeebaha Talyaaniga, sida ay sheegeen ciidmada badda Talyaaniga. iyadoo la sheegayo in doomahan oo labada ay weli ku jiraan biyaha dalka Liibiya.

Aadan Sabriye oo u warrama BBC-da ayaa sheegay in lagu wargeliyay in tahriibayaasha doomahan la socda ay 120-qof oo ka mid ah yihiin Soomaali ah ayna ku jiraan 30 haween iyo 20 carruur ah.

Wariyaha ayaa sheegay in dadka doonidan la socda ay dhibaato xooggan ku haysato doonyaha dushooda, ayna badda ku jiraan maalintii saddexaad tan iyo markii ay kasoo ambabaxeen xeebaha dalka Liibiya.

Sidoo kale, wararka ayaa sheegaya in 100 qof oo ka mid ah dadka doomaha saaran ay u dhasheen dalka Eriteriya, kuwaasoo ay ku jiraan haween iyo carruur, iyadoo laga baqdin qabo in doomahan ay ku dagaan badda.

Tahriibayaasha doomahan la socda ayaa waxay billaabeen inay codsadaan in gacan la siiyo si ay uga badbaadaan inay badda ku dhacaan, balse ciidanka Talyaaniga ayaa sheegay inaysan u tallaabi karin xeebaha Liibiya, iyagoo sugaya inay kasoo tallaabaan.

Arritan ayaa waxay kusoo beegmaysaa iyadoo ciidamada badda Talyaaniga ayaa soo gabgabeeyay howl ay badda kaga soo saareen maydadka 300 oo qof oo tahriibayaal Afrikaan ah, kuwaasoo khamiistii lasoo dhaafay dooni kula dagtay xeebaha jasiiradda Lambaduse kaddib markii uu dab qabasday.

Sideeddii bilood ee lasoo dhaafay ayaa la sheegay in tahriibayaal gaaraya 2013, 21,241 ay gaareen xeebaha Talyaaniga, iyadoo sannadkii hore 2012 ay iyaguna gaareen xeebaha Talyaaniga tahriibayaal tiradoodu tahay 15,570 sida lagu baahiyeen warbixin lasoo saaray.

Maxamed Xaaji Xuseen, Hiiraan Online
[email protected]
Muqdisho, Soomaaliya












Click here
10/11/2013 2:01 PM EST
Jimco, Oktoobar 11, 2013 (HOL) — Madaxweynaha Somalia, Xasan Sheekh Maxamuud iyo wafdi uu hoggaaminayo oo ay ka mid ahaayeen wasiirrada arrimaha dibadda iyo difaaca ayaa u ambabaxay maanta magaalada Addis Ababa, iyadoo madaxweynuhu uu sheegay intii uusan dhoofin in la xoojiyo dagaallada lagula jiro Al-shabaab.

10/11/2013 1:57 PM EST
Jimco, Oktoobar 11, 2013 (HOL) — Guddoomiyaha gobolka Bay, Cabdi Aadan Hoosow ayaa maanta dib guu laabtay Muqdihso isgaoo ka warbixiyay safarro uu kusoo maray dalalka caalamka qaarkood, isagoo ka mid ahaa xubnihii ka qaybgalay shirkii Brussels.

10/11/2013 10:22 AM EST
Jimco, October 11, 2013 (HOL) - Taliyaha ciidamada booliska Soomaaliya Gen. C/xakiim Daahir Siciid (Saacid) ayaa dhagax dhigay xarunta kulleejka gabdhaha agoonta booliska Soomaaliyeed isagoo sidoo kalana kormeeray xarunta oo ay hadda ka socoto dhib u dhis balaaran.

10/11/2013 9:29 AM EST
Jimco, Oktoobar 11, 2013 (HOL) — Markab ganacsi ayaa badbaadiyay dad tahriibayaal ah oo u badan Soomaali, kuwaasoo la socday laba doomood oo saddexdii maalmood ee lasoo dhaafay ay doomihii siday dul sabbeynayeen biyaha u dhexeeya Talyaaniga iyo Liibiya.

10/11/2013 9:01 AM EST
Jimco, Oktoobar 11, 2013 (HOL) — Wasiirka warfaafinta Somalia, Cabdullaahi Ciilmooge Xirsi ayaa maanta sheegay in sababihii shirkadda SKA & Logistic ee maamuli jirtay garoonka diyaaradaha Muqdisho shaqada looga joojiyay ay tahay waxqabad la’aan, isagoo xusay inay muddo badan ka fikirayeen sidii ay u heli lahaayeen shirkad bedesha.

10/11/2013 9:01 AM EST
Jimco, Oktoobar 11, 2013 (HOL) — Danjiraha Somalia u fadhiya dalka Kenya, Maxamed Cali Ameerika ayaa ka hadlay xujey Soomaaliyeed oo lagu qabtay garoonka diyaaradaha Nairobi ee Jommo Kenyatta, kuwaasoo haatan ku xiran magaalada Nairobi.

10/11/2013 8:24 AM EST
Jimco, Oktoobar 11, 2013 (HOL) — Kaddib shir jaraa'id oo guddoomiyaha maamulka gobolka Hiiraan, Cabdi Faarax Laqanyo uu maanta ku qabtay magaalada Baladweyne ayuu ku sheegay inuu kasoo horjeedo kulamo shirar maalmihii ugu danbeeyayba ka socday magaalada Muqdisho oo sida uu sheegay la doonayo in lagu dhiso maamul lagu magacaabo Gal-Hiiraan.

10/11/2013 3:10 AM EST
Jimco, Oktoobar 11, 2013 (HOL) — Madaxweynaha Somaliland, Axmed Maxamed Maxamuud (Siilaanyo) oo dalka dib ugu soo noqday, ayaa sheegay inay Turkiga u sharaxeen inay Somaliland iyo Soomaaliya laba dal kala tahay, isla markaana loo baahan yahay inay laba dal ula kala dhaqmaan.

10/11/2013 2:51 AM EST
Jimco, Oktoobar 11, 2013 (HOL) — Wasiirka Boosaha iyo Isgaadhsiinta Somaliland, Maxamed Jaamac Abgaal, ayaa markii ugu horeysay sheegay in inta aanu sanadkani dhamaanuu dalka ka hirgalin doono Boos ay yeelato Somaliland.

10/11/2013 2:09 AM EST
Jimco, Oktoobar 11, 2013 (HOL) — Xarakada Al-shabaab ayaa ku goodisay inay weerarro ka geysan doono dalalka Uganda iyo Kenya oo ay ciidammo kaga sugan yihiin Soomaaliya.

10/11/2013 2:07 AM EST
Jimco, Oktoobar 11, 2013 (HOL) — Qaraxyo ayaa xalay siyaabo kala duwan uga dhacay qaar ka mid ah degmooyinka magaalada Muqdisho, iyadoo qof rayid ah lagu dilay degmada Marko ee gobolka Shabeellada hoose.

10/11/2013 2:06 AM EST
Jimco, Oktoobar 11, 2013 (HOL) — Ra’iisul wasaaraha Somalia, Cabdi Faarax Shirdoon (Saacid) ayaa hay’adaha ammaanka ee dowladda Somalia ugu baaqay inay adkeeyaan ammaanka deegaannada ay dowladdu gacanta ku hayso.