4/16/2021
Today from Hiiraan Online:  _
Wararka Maanta- Jimco, Oct 11, 2013
Wasiirka Isgaarsiinta Somaliland oo sheegay inuu is-bedelay sidii uu u hadli jiray Wakhtigii uu Mucaaradka ku ahaa Xukuumadda


Jimco, Oktoobar 11, 2013 (HOL) — Wasiirka Boosaha iyo Isgaadhsiinta Somaliland, Maxamed Jaamac Abgaal, ayaa markii ugu horeysay sheegay in inta aanu sanadkani dhamaanuu dalka ka hirgalin doono Boos ay yeelato Somaliland.

Sidoo kale wasiir Abgaal ayaa xusay inuu cashuurihii ku waajibay shirkadaha isgaadhsiinta ka qaadi doonno, isla markaana soo iibin doono qalab lagu oogaado inta jeer ee dibaddda laga soo garaacay iyo gudahaba si shirkadaha u bixiyaan cashuurtii xaqa loogu lahaa oo uu sheegay inay ku baaqato.

Wasiir Maxamed Jaamac Abgaal oo hore u ahaa siyaasi aad u dhaliili jiray xukuumadan, isla markaana soo bandhigi jiray ceebaha ay leedahay xukuumaddu, ayaa sheegay in dhaliilihii uu wakhtigi mucaaradka ahaa sheegi jiray uu imika si ka duwan qaabkii uu u hadli jiray u saxayo, isla markaana uu ka mid yahay golihii fulinta oo aanu dhaliileen balse uu toosinayo, maadaama oo uu wixii dhaliil ah ee xukuumaddu yeelato uu la yeelanayo.

“Waxaan dhagaha dadka si mugleh u maqashiinayaa in sida ugu dhakhsiyaha badan in wixii waajibka dalku ugu lahaa ka qaadayno (shirkadaha isgaadhsiinta), iyagay dantooda tahay oo inaga ayey dantahay waxaana ku dhamaaynaysa si aan khilaaf ku jirin anagoo xisaabtan dhab ah oo dalku xaq ugu lahaa ka qaadayno”ayuu yidhi wasiir Abgaal oo ka hadlaya cashuurta uu ka qaadi doono shirkadaha Isgaadhsiinta..

“Afar iyo labaatan sanno ka bacdi wasaarada Boosta iyo Isgaadhsiintu waxay dhaqaajinaysaa Boostii loo baahnaa inta aanay dhamaan sanadkan aan ku jirno ayey shaqayn doontaa Boos ay Somaliland leedahay”ayuu wasiirku ugu bushaareeyey shacabka Somaliland.

Wasiirka Boosaha iyo Isgaadhsiinta oo HOL waydiisey inay wax iska bedeleen dhaliilihi markii uu mucaaradka ahaa sheegi jiray iyo faraqa u dhexeeya markii uu dibadda jooga iyo imika oo uu xukuumadad ka mid yahay, waxaanu wasiirku arrintaasi kaga jawaabay “ In la is dhaliilo mucaarad iyo muxaafad dimuqraadiyada dalkeenna fasaxaysa, macnaheeddu maaha qofku haddii uu wax mucaarado xaq dalka umalaha inuu shaqeeyo iyo inuu masuuliyad qabto maaha, maalintaan soo galayna dunida oo dhan baa nimcoobay oo aniga ka dhinnaa maaha, haddii ay dhaliili jirtay qaabkii aan u sheegi jiray ayaa ka duwan ta aan maanta rabo in aan u sheego, waxaan awal hore soo marin jiray saxaafadda, laakiin maanta dhaliil ma noqonayso ee waxay noqonaysaa toosin oo shaqadaadii ayey noqotay oo waxaad ka mid tahay golihii fulinta”ayuu yidhi

“Waxaa aniga talo-galkaygu yahay waan ka qaadayaa haddii la I eryo iyo hadii aan shaqo waayo, macno badan oo ay leedahay malaha , mana filayo shaqo la qabtay in la isku eryeyo,wanaagu hadii uu soo kordho xukuumadu usoo kordhay oo ana xukumadan ka mid ahay”ayuu yidhi wasiirku mar wax laga waydiiyey inay cashuurtaasi uu ka qaadayo shirkadaha ay galaafato oo uu xilkiisa ku waayo.

“Anigu nin reer Awdal baan ahay oo in badan ka hadli jiray waar meeshaasi tabasho jirta, laakiin hadii la I waydiiyo waxa Awdal ka dhiman number go’an ma sheegi karo oo ma odhan karo waa laba iyo waa saddex, dalkeena oo dhan bay ka jirta beel hebel waxaygii  ma haysato hadii aad waydiiso imisa idinka maqan ma sheegi karaan, laakiin haddii tabasho kasta wax laga hagaajiyo oo la xaliyo dalkeena ayey dan u tahay, waan qabaa inay halkaasi tabasho jirto  ilaa maantana waan qabaa, horana waxaan idinku sheegay qaabkii aan wax u gudbin jiray ayaa is bedelaya”ayuu kaga jawaabay wasiirku mar la waydiiyey tabashooyinkii odayaasha Awdal ay usoo fareen madaxweynaha inuu gaadhsiiyey iyo in kale, waxaanu intaas ku daray “marka tabasho la xalilo dhibaato jirta ayaa la xaliyey,laakiin qaabkii baa isbedelaya oo xukumadii ayuu ninkii ka mid noqday oo wuu iska aamusay maaha, laakiin dhegtii baa inoo soo dhowaatay oo aan leeyahay madaxweyne taas iyo taas inaga hagaaji, halka aan markii hore jaraa’idka u marin jiray,waana ku rajo weynahay in wixii dhib ah ee jira ee wasaaradayda iyo wasaaradaha kale iyo dalkaba ka jira aan gudbiyo oo aynu xalino”.

Wasiirka Boosaha iyo isgaadhsiinta Maxamed Jaamac Abgaal ayaa saddex bilood ka hor loo magacaabay xilkan, isagoo markii horana ka tirsanaa siyaasiyiinta mucaaradka ahaa ee sida adag u dhaliili jiray madaxweynaha iyo xukuumadiisa.

Barkhad-Ladiif  M. Cumar, Hiiraan Online 
[email protected] 

Hargeysa, Somaliland












Click here
10/11/2013 2:01 PM EST
Jimco, Oktoobar 11, 2013 (HOL) — Madaxweynaha Somalia, Xasan Sheekh Maxamuud iyo wafdi uu hoggaaminayo oo ay ka mid ahaayeen wasiirrada arrimaha dibadda iyo difaaca ayaa u ambabaxay maanta magaalada Addis Ababa, iyadoo madaxweynuhu uu sheegay intii uusan dhoofin in la xoojiyo dagaallada lagula jiro Al-shabaab.

10/11/2013 1:57 PM EST
Jimco, Oktoobar 11, 2013 (HOL) — Guddoomiyaha gobolka Bay, Cabdi Aadan Hoosow ayaa maanta dib guu laabtay Muqdihso isgaoo ka warbixiyay safarro uu kusoo maray dalalka caalamka qaarkood, isagoo ka mid ahaa xubnihii ka qaybgalay shirkii Brussels.

10/11/2013 10:22 AM EST
Jimco, October 11, 2013 (HOL) - Taliyaha ciidamada booliska Soomaaliya Gen. C/xakiim Daahir Siciid (Saacid) ayaa dhagax dhigay xarunta kulleejka gabdhaha agoonta booliska Soomaaliyeed isagoo sidoo kalana kormeeray xarunta oo ay hadda ka socoto dhib u dhis balaaran.

10/11/2013 9:29 AM EST
Jimco, Oktoobar 11, 2013 (HOL) — Markab ganacsi ayaa badbaadiyay dad tahriibayaal ah oo u badan Soomaali, kuwaasoo la socday laba doomood oo saddexdii maalmood ee lasoo dhaafay ay doomihii siday dul sabbeynayeen biyaha u dhexeeya Talyaaniga iyo Liibiya.

10/11/2013 9:01 AM EST
Jimco, Oktoobar 11, 2013 (HOL) — Wasiirka warfaafinta Somalia, Cabdullaahi Ciilmooge Xirsi ayaa maanta sheegay in sababihii shirkadda SKA & Logistic ee maamuli jirtay garoonka diyaaradaha Muqdisho shaqada looga joojiyay ay tahay waxqabad la’aan, isagoo xusay inay muddo badan ka fikirayeen sidii ay u heli lahaayeen shirkad bedesha.

10/11/2013 9:01 AM EST
Jimco, Oktoobar 11, 2013 (HOL) — Danjiraha Somalia u fadhiya dalka Kenya, Maxamed Cali Ameerika ayaa ka hadlay xujey Soomaaliyeed oo lagu qabtay garoonka diyaaradaha Nairobi ee Jommo Kenyatta, kuwaasoo haatan ku xiran magaalada Nairobi.

10/11/2013 8:24 AM EST
Jimco, Oktoobar 11, 2013 (HOL) — Kaddib shir jaraa'id oo guddoomiyaha maamulka gobolka Hiiraan, Cabdi Faarax Laqanyo uu maanta ku qabtay magaalada Baladweyne ayuu ku sheegay inuu kasoo horjeedo kulamo shirar maalmihii ugu danbeeyayba ka socday magaalada Muqdisho oo sida uu sheegay la doonayo in lagu dhiso maamul lagu magacaabo Gal-Hiiraan.

10/11/2013 3:10 AM EST
Jimco, Oktoobar 11, 2013 (HOL) — Madaxweynaha Somaliland, Axmed Maxamed Maxamuud (Siilaanyo) oo dalka dib ugu soo noqday, ayaa sheegay inay Turkiga u sharaxeen inay Somaliland iyo Soomaaliya laba dal kala tahay, isla markaana loo baahan yahay inay laba dal ula kala dhaqmaan.

10/11/2013 2:52 AM EST
Jimco, Oktoobar 11, 2013 (HOL) — Doomo ay saaran yihiin in ka badan 200 oo ruux oo tahriibayaal ah ayaa ku dhawaaday xeebaha Talyaaniga, sida ay sheegeen ciidmada badda Talyaaniga. iyadoo la sheegayo in doomahan oo labada ay weli ku jiraan biyaha dalka Liibiya.

10/11/2013 2:09 AM EST
Jimco, Oktoobar 11, 2013 (HOL) — Xarakada Al-shabaab ayaa ku goodisay inay weerarro ka geysan doono dalalka Uganda iyo Kenya oo ay ciidammo kaga sugan yihiin Soomaaliya.

10/11/2013 2:07 AM EST
Jimco, Oktoobar 11, 2013 (HOL) — Qaraxyo ayaa xalay siyaabo kala duwan uga dhacay qaar ka mid ah degmooyinka magaalada Muqdisho, iyadoo qof rayid ah lagu dilay degmada Marko ee gobolka Shabeellada hoose.

10/11/2013 2:06 AM EST
Jimco, Oktoobar 11, 2013 (HOL) — Ra’iisul wasaaraha Somalia, Cabdi Faarax Shirdoon (Saacid) ayaa hay’adaha ammaanka ee dowladda Somalia ugu baaqay inay adkeeyaan ammaanka deegaannada ay dowladdu gacanta ku hayso.