4/13/2021
Today from Hiiraan Online:  _
Wararka Maanta- Jimco, Oct 11, 2013
Qaraxyo siyaabo kala duwan uga dhacay Muqdisho iyo ruux xalay lagu dilay degmada Marko ee Gobolka Shabeellada Hoose


Jimco, Oktoobar 11, 2013 (HOL) — Qaraxyo ayaa xalay siyaabo kala duwan uga dhacay qaar ka mid ah degmooyinka magaalada Muqdisho, iyadoo qof rayid ah lagu dilay degmada Marko ee gobolka Shabeellada hoose.

Qaraxyadan oo ahaa kuwo loo adeegsaday bambaanooyin gacanta ayaa lagu weeraray saldhigyo iyo goobo ay ku sugnaayeen ciidamada dowladda iyadoo kooxaha weerarradan geystay ay baxsadeen.

Weerarradan ayaa waxay ka kala dhaceen degmooyinka Waaberi, Xamar Ja-jab iyo Xamar-weyne, waxaana qaraxyadan qaarkood lagu weeraray dhowr goobood oo ay ka mid ahaayeen, saldhigyada Waaberi iyo Xamarweyne iyo weliba dugsiga tababarka booliiska.

Bam ka mid ah bambaanooyinkan ayaa lagu weeraray goob ay ciidammo ka tirsan kuwa dowladda ku sugnaayeen oo ku taalla isgoyska Sayid, halkaasoo ay qaraxa kaddib soo buuxiyeen ciidammo ka tirsan kuwa dowladda.

Lama oga khasaaraha ka dhashay bambooyinkan, iyadoo hay’adaha amniga ee dowladdu aysan weli ka hadlin weerarradaas is-xigay ee xalay ka dhacay degmooyin ka tirsan Muqdisho.

Al-shabaab ayaa inta badan lagu eedeeyaan weerarrada noocan oo kale ah, balse ma jiro hadal weli kasoo baxay kooxdan oo qaybo ka mid ah dalka ka talisa.

Magaalada Muqdisho ayaa waxay sannadkan noqotay goobta ugu badan ee ay Al-shabaab ka geysato falalka ammaan-darro ee isugu jira dilalka iyo qaraxyada lagu bartilmaameedsado ciidamada dowladda iyo kuwa gacanta siinaya ee AMISOM.

Gellinkii dambe ee shalay ayay ahayd markii weerar qarax ah lala eegtay ciidammo ka tirsan kuwa dowladda oo ku sugnaa xaafadda Suuqa Xoolaha ee degmada Huriwaan, kaasoo geystay dhimashada laba qof oo shacab ah iyo dhaawac hal askari.

Dhanka kale, kooxo hubeysan ayaa xalay degmada Marko ku dilay wiil dhalinyaro ah, kaasoo la sheegay inuu ka tirsanaa ciidamada nabad-sugidda dowladda, balse ma jiro hadal kasoo baxay hay’adda oo ku saabtan in ruuxa la dilay uu ciidamadooda ka tirsanaa iyo in kale.

Maxamed Xaaji Xuseen, Hiiraan Online
[email protected]
Muqdisho, Soomaaliya












Click here
10/11/2013 2:01 PM EST
Jimco, Oktoobar 11, 2013 (HOL) — Madaxweynaha Somalia, Xasan Sheekh Maxamuud iyo wafdi uu hoggaaminayo oo ay ka mid ahaayeen wasiirrada arrimaha dibadda iyo difaaca ayaa u ambabaxay maanta magaalada Addis Ababa, iyadoo madaxweynuhu uu sheegay intii uusan dhoofin in la xoojiyo dagaallada lagula jiro Al-shabaab.

10/11/2013 1:57 PM EST
Jimco, Oktoobar 11, 2013 (HOL) — Guddoomiyaha gobolka Bay, Cabdi Aadan Hoosow ayaa maanta dib guu laabtay Muqdihso isgaoo ka warbixiyay safarro uu kusoo maray dalalka caalamka qaarkood, isagoo ka mid ahaa xubnihii ka qaybgalay shirkii Brussels.

10/11/2013 10:22 AM EST
Jimco, October 11, 2013 (HOL) - Taliyaha ciidamada booliska Soomaaliya Gen. C/xakiim Daahir Siciid (Saacid) ayaa dhagax dhigay xarunta kulleejka gabdhaha agoonta booliska Soomaaliyeed isagoo sidoo kalana kormeeray xarunta oo ay hadda ka socoto dhib u dhis balaaran.

10/11/2013 9:29 AM EST
Jimco, Oktoobar 11, 2013 (HOL) — Markab ganacsi ayaa badbaadiyay dad tahriibayaal ah oo u badan Soomaali, kuwaasoo la socday laba doomood oo saddexdii maalmood ee lasoo dhaafay ay doomihii siday dul sabbeynayeen biyaha u dhexeeya Talyaaniga iyo Liibiya.

10/11/2013 9:01 AM EST
Jimco, Oktoobar 11, 2013 (HOL) — Wasiirka warfaafinta Somalia, Cabdullaahi Ciilmooge Xirsi ayaa maanta sheegay in sababihii shirkadda SKA & Logistic ee maamuli jirtay garoonka diyaaradaha Muqdisho shaqada looga joojiyay ay tahay waxqabad la’aan, isagoo xusay inay muddo badan ka fikirayeen sidii ay u heli lahaayeen shirkad bedesha.

10/11/2013 9:01 AM EST
Jimco, Oktoobar 11, 2013 (HOL) — Danjiraha Somalia u fadhiya dalka Kenya, Maxamed Cali Ameerika ayaa ka hadlay xujey Soomaaliyeed oo lagu qabtay garoonka diyaaradaha Nairobi ee Jommo Kenyatta, kuwaasoo haatan ku xiran magaalada Nairobi.

10/11/2013 8:24 AM EST
Jimco, Oktoobar 11, 2013 (HOL) — Kaddib shir jaraa'id oo guddoomiyaha maamulka gobolka Hiiraan, Cabdi Faarax Laqanyo uu maanta ku qabtay magaalada Baladweyne ayuu ku sheegay inuu kasoo horjeedo kulamo shirar maalmihii ugu danbeeyayba ka socday magaalada Muqdisho oo sida uu sheegay la doonayo in lagu dhiso maamul lagu magacaabo Gal-Hiiraan.

10/11/2013 3:10 AM EST
Jimco, Oktoobar 11, 2013 (HOL) — Madaxweynaha Somaliland, Axmed Maxamed Maxamuud (Siilaanyo) oo dalka dib ugu soo noqday, ayaa sheegay inay Turkiga u sharaxeen inay Somaliland iyo Soomaaliya laba dal kala tahay, isla markaana loo baahan yahay inay laba dal ula kala dhaqmaan.

10/11/2013 2:52 AM EST
Jimco, Oktoobar 11, 2013 (HOL) — Doomo ay saaran yihiin in ka badan 200 oo ruux oo tahriibayaal ah ayaa ku dhawaaday xeebaha Talyaaniga, sida ay sheegeen ciidmada badda Talyaaniga. iyadoo la sheegayo in doomahan oo labada ay weli ku jiraan biyaha dalka Liibiya.

10/11/2013 2:51 AM EST
Jimco, Oktoobar 11, 2013 (HOL) — Wasiirka Boosaha iyo Isgaadhsiinta Somaliland, Maxamed Jaamac Abgaal, ayaa markii ugu horeysay sheegay in inta aanu sanadkani dhamaanuu dalka ka hirgalin doono Boos ay yeelato Somaliland.

10/11/2013 2:09 AM EST
Jimco, Oktoobar 11, 2013 (HOL) — Xarakada Al-shabaab ayaa ku goodisay inay weerarro ka geysan doono dalalka Uganda iyo Kenya oo ay ciidammo kaga sugan yihiin Soomaaliya.

10/11/2013 2:06 AM EST
Jimco, Oktoobar 11, 2013 (HOL) — Ra’iisul wasaaraha Somalia, Cabdi Faarax Shirdoon (Saacid) ayaa hay’adaha ammaanka ee dowladda Somalia ugu baaqay inay adkeeyaan ammaanka deegaannada ay dowladdu gacanta ku hayso.