10/23/2019
Today from Hiiraan Online:  _
Wararka Maanta- Khamiis, May 30, 2013
Golaha Salaaddiinta Soomaaliya oo Magaalada Muqdisho kusoo dhaweeyay Salaadiinta ka socday Dalka Uganda (SAWIRRO)



Khamiis, May 30, 2013 (HOL) — Golaha Salaaddiinta Soomaaliyeed ayaa ku soo dhaweeyay maanta magaalada Muqdisho, salaadiin ka socday Uganda, waxaana xalfadda soo dhaweynta wafdiga ay ka dhacday hoteelka Shaamow ee magaalada Muqdisho.

Salaaddiinta ka socday dalka Uganda ayaa waxaa hoggaaminayay Dr. Rashiid Koywa, waxaana kulankii ay la qaateen salaaddiint Soomaaliyeed looga hadlay xiriirka ka dhaxeeya Soomaaliya iyo Uganda iyo sidii ay salaaddiinta Soomaaliyeed iyo salaaddiinta Uganda ay u dhexmari lahayd wadashaqeyn buuxda; isla markaasna loo mideyn lahaa labada dhinac si loo helo bulsho wada-shaqeysa.

Kulanka oo ay ka qaybgaleen ugaasyo, nabaddoonno, malaaqyo, indheer-garad, haween iyo qaybaha Soomaaliyeed waxaa hadallo kala duwan ka jeediyay guddoomiyaha golaha salaaddiinta Soomaaliyeed, Boqor Faarax Cabdi Guure, Dr. Rashiid, malaaq Showri, afhayeenka golaha salaaddiinta Soomaaliyeed, suldaan Cali Horseed, iyo xubno kale oo fara badan.

Dr. Rashiid Koywa oo goobta ka hadlay ayaa sheegay in iskaashi iyo wada-shaqeyn buuxda ay dhexmari-doonto golayaasha salaaddiinta Soomaaliya iyo kuwa Uganda, wuxuuna intaasi ku daray inay shir ka dhacaya Uganda ay ku casuumayaan golaha salaaddiinta Soomaaliyeed, isagoo xusay in in reer galbeedku ay kala qaybiyeen dadka Afrika arrinkaasina looga gudbi karo oo keliya iskaashi la yeesho.

“Waa muhiim midnimo inaan muujinn…  isla markaasna aan fahanno danaha gaalada oo ah inay dadka Afrika kala qeybqeybiyaan… sida aad la socotaana Uganda dhiig ayay u hurtay shacabka Soomaaliyeed oo ciidammo ayay u soo dirtay Soomaaliya, ciidamadeennu way joogi doonaan Somalia xitaa haddii ay Qaramada Midoobay dhaqaalaha ka jarto,” ayuu yiri Dr. Rashiid.

Ugu dambeyn, guddoomiyaha salaaddiinta Soomaaliyeed Boqor Faarax oo kulanka ka hadlay ayaa baaq-nabadeed u diray dhammaan Soomaalida isagoo ka dalbaday inay nabad ku dhameeyaan wax walba oo khilaaf ah oo soo dhexgala.

Sidoo kale, wuxuu ku baaqay in si shuruud la’aan ah lagu joojiyo dhammaan dhiigga daadanaya, isagoo dhinaca kalena sheegay inay ku faraxsan yihiin in iskaashi ay la sameystaan golaha salaadiinta dalka Uganda, guddoomiyuhu wuxuu intaa ku daray inay ka shaqeyn doonaan mideynta iyo isku keenidda ummadda Soomaaliyeed, isla markaasna ay geed dheer iyo mid gaaban u fuuli doonaan sidii ay uga mira-dhalin lahaayeen nabad kusoo dabaalidda Soomaaliya.








Maxamed Xaaji Xuseen, Hiiraan Online
[email protected]
Muqdisho, Soomaaliya










Click here
5/30/2013 3:04 PM EST
Khamiis, May 30, 2013 (HOL) — Kooxo hubeysan ayaa caawa ku dilay gudaha degmada Jowhar ee xarunta gobolka Shabeellada Dhexe guddoomiyihii xaafadda Hanti-wadaag ee degmadaas, Xuseen Cabdullaahi Cumar (Jicib).

5/30/2013 2:38 PM EST
Khamiis, May 30, 2013 (HOL) — Shir ay golaha wasiirrada Soomaaliya ku yeesheen maanta Muqdisho, uuna shir guddoominayay ra’iisul wasaaraha Soomaaliya, Cabdi Faarax Shirdoon (Saacid) ayaa lagu ansixiyay hindise sharciyeedka dhismaha hay’adda maareeynta masiibooyinka Qaranka.

5/30/2013 11:12 AM EST
Khamiis, May 30, 2013Waxaa kasoo reeyneeysa xaaladda caafimaad ee wariye C/qaadir C/risaaq Soofe (Jiijiile) kaasoo kooxo hubeeysan ay xalay dhaawac ugu geeysteen gudaha magaalada Kismaayo ee xarunta gobolka J/hoose.

5/30/2013 8:32 AM EST
Khamiis, May 30, 2013 (HOL) — Ruux looga shakisan yahay inuu ka tirsan yahay Al-shabaab ayaa ku dhintay miino uu ku aasayay degmada Gaarisa oo la qaraxday xalay, sidaa waxaa sheegay sarkaal ka tirsan booliiska Kenya.

5/30/2013 8:12 AM EST
Khamiis, May 30, 2013 (HOL) — Xoogagga Al-shabaab ayaa xalay weerar kedis ku qaaday fariisan ay ciidamada dowladda ku lahaayeen degmada Ceel-barde ee gobolka Bakool, waana degmada keliya ee ciidamada dowaldda ay kaga sugan yihiin gobolka Bakool.

5/30/2013 7:45 AM EST
Khamiis, May 30, 2013 (HOL) - Shir labo maalmood soconayay oo ahaa kii ugu ballaarnaa ee loo qabto maalgashiga Soomaaliya ayaa waxaa lagu soo gabagabeeyay magaalada Nairobi ee xarunta dalka Kenya.

5/30/2013 7:41 AM EST
Khamiis, May 30, 2013 (HOL) — AMISOM ayaa bilihii ugu dambeeyay ka hir-gelisay goobihii Al-shabaab laga saaaray xarumo caafimaad oo dadka lagu daweeyo, kuwaasoo isugu jira siddeed xarumood iyo saddex isbitaal oo waaweyn.

5/30/2013 2:50 AM EST
Khamiis, May 30, 2013 (HOL) — Muwaadiniinta u dhashay dalka ee wata baasaboorka dalka Kanada ayaa laga qaaday xayiraaddii dhinaca fiisaha ahaa ee ay horay ugu soo rogtay dowladda Imaaraadka Carabta, kaddib heshiis dhexmaray labada dal.

5/30/2013 2:38 AM EST
Khamiis, May 30, 2013- Faah-faahin dheeraad ah ayaa kasoo baxeysa dab khasaare geestay habeen hore ka kacay suuqa weyn ee degmada BeledXaawo, gobalka Gedo. Dabka waxa uu ka kacay goob shiidaalka lagu koombeeyo islamarkiina uu sameeyay suuqa-bacadlaha iyadoo dhamaan suuqaasi inta badan uu basbeelay.

5/30/2013 2:33 AM EST
Khamiis, May 30, 2013 (HOL) — Wasaaradda gaashaandhigga Mareykanka ee Pentagon ayaa xaqiijisay in diyaarad kuwa wax basaasa ah oo aan duuliye lahayn ay kaga dhacday Koonfurta Soomaaliya, gaar ahana deegaan ay ka taliso Xarakada Al-shabaab.

5/30/2013 1:59 AM EST
Khamiis, May 30, 2013 (HOL) — Guddoomiyaha gobolka Hiiraan, Cabdi Faarax Laqanyo oo la hadlay HOL ayaa beeniyay in go’aankii shalay ay beesha Xawaadle ku sheegtay inay kala laabtay kalsoonida dowladda Soomaaliya uu ahaa mid aysan beeshu u dhameyn.