12/14/2019
Today from Hiiraan Online:  _
Wararka Maanta- Khamiis, May 30, 2013
Xaaladda Wariye C/qaadir Jiijiile oo aad u wanaagsan Kadib Dhaawac xalay loogu geystay Magaalada Kismaayo (SAWIRRO)



Khamiis, May 30, 2013Waxaa kasoo reeyneeysa xaaladda caafimaad ee wariye C/qaadir C/risaaq Soofe (Jiijiile) kaasoo kooxo hubeeysan ay xalay dhaawac ugu geeysteen gudaha magaalada Kismaayo ee xarunta gobolka J/hoose.

Wariye C/qaadir Jiijiile oo u shaqeyn Tv-ga Royal ayaa xalay ka badbaaday isku day dil  kadib markii kooxo hubeeysan ay soo weerareen xilli uu sii socday gurigiisa.

Wariyaha oo Shabakadda HOL uga waramay sida ay wax u gaareen ayaa sheegay in xabadda ay uga dhacday qoorta islamarkaana ay ka baxday daanka, wuxuuna sheegay in uu aad u wanaagsan.

“Laba nin oo sita qoryo AK-47 ayaa isoo weerartay, waxay doonayeen in ay i dilaan, aniga oo xaafadeeyda u socdo ayaan dareemay in ragani i daba socdaan kadib rasaas ayay igu fureen dhaawacan ayayna i gaarsiiyeen, lugaheeyga ayaana uga baxsaday,” ayuu yiri wariye C/qaadir Jiijiile oo aan ku booqday.

Ilaa imika lama garanayo cidda rasmiga ah eek a danbeeysay weerarka haseyeeshee ciidamada ammaanka magaalada Kismaayo oo xalay howlgal ka sameeyay goobtii uu weerarka ka dhacay ayaa gacanta ku dhigay ruux looga shakisanyahay in uu ka tirsanaa kooxihii weerarka fuliyay.

Dhaawaca loo geeystay wariyaha ayaa waxa si kulul u cambaareeyay wariyeyaasha ku dhaqan magaalada Kismaayo ee xarunta gobolka J/hoose.

Waa weerarkii ugu horeeyay oo gudaha magaalada Kismaayo loogu geeysto wariye madax bannaan tan iyo wixii ka danbeeyay markii ciidamada dowladda Soomaaliya, kuwa Raaskaambooni iyo AMISOM ay magaalada Kismayao kala wareegeen xarakada Al-shabaab.

Xasan Nuur, Hiiraan Online
[email protected]
Kismaayo-Soomaaliya










Click here
5/30/2013 3:04 PM EST
Khamiis, May 30, 2013 (HOL) — Kooxo hubeysan ayaa caawa ku dilay gudaha degmada Jowhar ee xarunta gobolka Shabeellada Dhexe guddoomiyihii xaafadda Hanti-wadaag ee degmadaas, Xuseen Cabdullaahi Cumar (Jicib).

5/30/2013 2:38 PM EST
Khamiis, May 30, 2013 (HOL) — Shir ay golaha wasiirrada Soomaaliya ku yeesheen maanta Muqdisho, uuna shir guddoominayay ra’iisul wasaaraha Soomaaliya, Cabdi Faarax Shirdoon (Saacid) ayaa lagu ansixiyay hindise sharciyeedka dhismaha hay’adda maareeynta masiibooyinka Qaranka.

5/30/2013 2:37 PM EST
Khamiis, May 30, 2013 (HOL) — Golaha Salaaddiinta Soomaaliyeed ayaa ku soo dhaweeyay maanta magaalada Muqdisho, salaadiin ka socday Uganda, waxaana xalfadda soo dhaweynta wafdiga ay ka dhacday hoteelka Shaamow ee magaalada Muqdisho.

5/30/2013 8:32 AM EST
Khamiis, May 30, 2013 (HOL) — Ruux looga shakisan yahay inuu ka tirsan yahay Al-shabaab ayaa ku dhintay miino uu ku aasayay degmada Gaarisa oo la qaraxday xalay, sidaa waxaa sheegay sarkaal ka tirsan booliiska Kenya.

5/30/2013 8:12 AM EST
Khamiis, May 30, 2013 (HOL) — Xoogagga Al-shabaab ayaa xalay weerar kedis ku qaaday fariisan ay ciidamada dowladda ku lahaayeen degmada Ceel-barde ee gobolka Bakool, waana degmada keliya ee ciidamada dowaldda ay kaga sugan yihiin gobolka Bakool.

5/30/2013 7:45 AM EST
Khamiis, May 30, 2013 (HOL) - Shir labo maalmood soconayay oo ahaa kii ugu ballaarnaa ee loo qabto maalgashiga Soomaaliya ayaa waxaa lagu soo gabagabeeyay magaalada Nairobi ee xarunta dalka Kenya.

5/30/2013 7:41 AM EST
Khamiis, May 30, 2013 (HOL) — AMISOM ayaa bilihii ugu dambeeyay ka hir-gelisay goobihii Al-shabaab laga saaaray xarumo caafimaad oo dadka lagu daweeyo, kuwaasoo isugu jira siddeed xarumood iyo saddex isbitaal oo waaweyn.

5/30/2013 2:50 AM EST
Khamiis, May 30, 2013 (HOL) — Muwaadiniinta u dhashay dalka ee wata baasaboorka dalka Kanada ayaa laga qaaday xayiraaddii dhinaca fiisaha ahaa ee ay horay ugu soo rogtay dowladda Imaaraadka Carabta, kaddib heshiis dhexmaray labada dal.

5/30/2013 2:38 AM EST
Khamiis, May 30, 2013- Faah-faahin dheeraad ah ayaa kasoo baxeysa dab khasaare geestay habeen hore ka kacay suuqa weyn ee degmada BeledXaawo, gobalka Gedo. Dabka waxa uu ka kacay goob shiidaalka lagu koombeeyo islamarkiina uu sameeyay suuqa-bacadlaha iyadoo dhamaan suuqaasi inta badan uu basbeelay.

5/30/2013 2:33 AM EST
Khamiis, May 30, 2013 (HOL) — Wasaaradda gaashaandhigga Mareykanka ee Pentagon ayaa xaqiijisay in diyaarad kuwa wax basaasa ah oo aan duuliye lahayn ay kaga dhacday Koonfurta Soomaaliya, gaar ahana deegaan ay ka taliso Xarakada Al-shabaab.

5/30/2013 1:59 AM EST
Khamiis, May 30, 2013 (HOL) — Guddoomiyaha gobolka Hiiraan, Cabdi Faarax Laqanyo oo la hadlay HOL ayaa beeniyay in go’aankii shalay ay beesha Xawaadle ku sheegtay inay kala laabtay kalsoonida dowladda Soomaaliya uu ahaa mid aysan beeshu u dhameyn.