3/28/2024
Today from Hiiraan Online:  _
Wararka Maanta- Khamiis, May 30, 2013
AMISOM oo Xarumo Caafimaad ka Hirgelisay Deegaannadii Al-shabaab laga saaray ee Koonfurta iyo Bartamaha Somalia


Khamiis, May 30, 2013 (HOL) — AMISOM ayaa bilihii ugu dambeeyay ka hir-gelisay goobihii Al-shabaab laga saaaray xarumo caafimaad oo dadka lagu daweeyo, kuwaasoo isugu jira siddeed xarumood iyo saddex isbitaal oo waaweyn.

Afhayeenka AMISOM, Col. Cali Aadan Xumad ayaa sheegay in goobahaas lagu daweeyo dadka deegaannadaas ku nool iyadoo aan wax lacago ah laga qaadin, isagoo sheegay in xarumahan ay ku yaallaan gobollada Jubbooyinka, Hiiraan iyo Shabeellooyinka.

"Xarumahan caafimaad ee aan ka hirgelinnay gobollada dalka gaar ahaan goobihii Al-shabaab laga saaray waxaa yaalla qalab casri ah oo isugu jira shaybaarro, raajooyin, mishiinno lagu baaro cudurrada dhiig-karka iyo kaadi-macaanka, waxaana ka howlgala dhakhaatiir aqoon sare leh,” ayuu yiri Col. Xumad.

Sidoo kale, afhayeenku wuxuu sheegay in xarumahaas caafimaad ay ka howlgalaan min laba dhakhtar iyo toban kalkaaliye, kuwaasoo baaritaanno iyo daweyn u sameeya 300-qof oo maalin walba booqda xarumahaas.

“Furitaanka xarumahan caafimaad waxaan kala tashannay wax-garadka ku nool deegaannada laga hirgeliyay,” ayuu afhayeenku hadalkiisa ku daray. Isagoo xusay inay iyaga iyo waxgaradku isla garteen in daweynaha dadka ay tahay mid aad u muhiisan.

Col. Xumad oo sii hadlay ayaa yiri: "AMISOM waxay howshan wadaysaa inta ay dowladda Soomaaliya awood uga yeelanayso inay goobahaas ka hirgeliso goobo caafimaad oo bukaannada loogu adeego.”

Bukaanno lagu daweeyay xarumahaas ayaa sheegay inay aad ugu farxeen goobaha caafimaadka ee laga hirgeliyay deegaannadooda, iyagoo xusay in looga daweeyo cudurro kala duwan oo uu ku jiro cudurka halista ah ee daacuun caloolaha.

Ciidamada AMISOM iyo kuwa dowladda Soomaaliya ayaa tan iyo sannadkii hore Al-shabaab ka saaray deegaanno muhiim ah oo ku yaalla Koonfurta iyo bartamaha Soomaaliya oo ay ka mid yihiin Jowhar iyo Kismaayo.

Maxamed Xaaji Xuseen, Hiiraan Online
[email protected]
Muqdisho, Soomaaliya













Click here
5/30/2013 3:04 PM EST
Khamiis, May 30, 2013 (HOL) — Kooxo hubeysan ayaa caawa ku dilay gudaha degmada Jowhar ee xarunta gobolka Shabeellada Dhexe guddoomiyihii xaafadda Hanti-wadaag ee degmadaas, Xuseen Cabdullaahi Cumar (Jicib).

5/30/2013 2:38 PM EST
Khamiis, May 30, 2013 (HOL) — Shir ay golaha wasiirrada Soomaaliya ku yeesheen maanta Muqdisho, uuna shir guddoominayay ra’iisul wasaaraha Soomaaliya, Cabdi Faarax Shirdoon (Saacid) ayaa lagu ansixiyay hindise sharciyeedka dhismaha hay’adda maareeynta masiibooyinka Qaranka.

5/30/2013 2:37 PM EST
Khamiis, May 30, 2013 (HOL) — Golaha Salaaddiinta Soomaaliyeed ayaa ku soo dhaweeyay maanta magaalada Muqdisho, salaadiin ka socday Uganda, waxaana xalfadda soo dhaweynta wafdiga ay ka dhacday hoteelka Shaamow ee magaalada Muqdisho.

5/30/2013 11:12 AM EST
Khamiis, May 30, 2013Waxaa kasoo reeyneeysa xaaladda caafimaad ee wariye C/qaadir C/risaaq Soofe (Jiijiile) kaasoo kooxo hubeeysan ay xalay dhaawac ugu geeysteen gudaha magaalada Kismaayo ee xarunta gobolka J/hoose.

5/30/2013 8:32 AM EST
Khamiis, May 30, 2013 (HOL) — Ruux looga shakisan yahay inuu ka tirsan yahay Al-shabaab ayaa ku dhintay miino uu ku aasayay degmada Gaarisa oo la qaraxday xalay, sidaa waxaa sheegay sarkaal ka tirsan booliiska Kenya.

5/30/2013 8:12 AM EST
Khamiis, May 30, 2013 (HOL) — Xoogagga Al-shabaab ayaa xalay weerar kedis ku qaaday fariisan ay ciidamada dowladda ku lahaayeen degmada Ceel-barde ee gobolka Bakool, waana degmada keliya ee ciidamada dowaldda ay kaga sugan yihiin gobolka Bakool.

5/30/2013 7:45 AM EST
Khamiis, May 30, 2013 (HOL) - Shir labo maalmood soconayay oo ahaa kii ugu ballaarnaa ee loo qabto maalgashiga Soomaaliya ayaa waxaa lagu soo gabagabeeyay magaalada Nairobi ee xarunta dalka Kenya.

5/30/2013 2:50 AM EST
Khamiis, May 30, 2013 (HOL) — Muwaadiniinta u dhashay dalka ee wata baasaboorka dalka Kanada ayaa laga qaaday xayiraaddii dhinaca fiisaha ahaa ee ay horay ugu soo rogtay dowladda Imaaraadka Carabta, kaddib heshiis dhexmaray labada dal.

5/30/2013 2:38 AM EST
Khamiis, May 30, 2013- Faah-faahin dheeraad ah ayaa kasoo baxeysa dab khasaare geestay habeen hore ka kacay suuqa weyn ee degmada BeledXaawo, gobalka Gedo. Dabka waxa uu ka kacay goob shiidaalka lagu koombeeyo islamarkiina uu sameeyay suuqa-bacadlaha iyadoo dhamaan suuqaasi inta badan uu basbeelay.

5/30/2013 2:33 AM EST
Khamiis, May 30, 2013 (HOL) — Wasaaradda gaashaandhigga Mareykanka ee Pentagon ayaa xaqiijisay in diyaarad kuwa wax basaasa ah oo aan duuliye lahayn ay kaga dhacday Koonfurta Soomaaliya, gaar ahana deegaan ay ka taliso Xarakada Al-shabaab.

5/30/2013 1:59 AM EST
Khamiis, May 30, 2013 (HOL) — Guddoomiyaha gobolka Hiiraan, Cabdi Faarax Laqanyo oo la hadlay HOL ayaa beeniyay in go’aankii shalay ay beesha Xawaadle ku sheegtay inay kala laabtay kalsoonida dowladda Soomaaliya uu ahaa mid aysan beeshu u dhameyn.