12/14/2019
Today from Hiiraan Online:  _
Wararka Maanta- Khamiis, May 30, 2013
Dalka Imaaraadka Carabta oo Xayiraadii Fiisaha ka qaaday Muwaadiniinta u dhashay dalka Kanada ee u safra Dalkaas



Khamiis, May 30, 2013 (HOL) — Muwaadiniinta u dhashay dalka ee wata baasaboorka dalka Kanada ayaa laga qaaday xayiraaddii dhinaca fiisaha ahaa ee ay horay ugu soo rogtay dowladda Imaaraadka Carabta, kaddib heshiis dhexmaray labada dal.

Arrintan ayaa waxay meesha ka saaraysa in dadka u dhashay dalka Kanada oo dalban jiray baasaboorrada aysan wixii ka dambeeya 01-da bisha Juun ee soo socota dalban doonin fiiso, ayna ka qaadan doonaan fiisayaashooda marka ay tagaan garoommada diyaaradha ee dalkaas.

Xayiraadda lagu soo rogay dadka Kanadiyanka ah ee u safraya Imaaraadka Carabta ayaa soo billaabatay sannadkii 2010, kaddib markii uu xumaaday xiriirka dublamaasiyadeed ee labada dal.

Wasiirka arrimaha dibadda ee dalka Kanada, John Baird iyo danjiraha dalka Imaaraadka u jooga dalka Kanada ayaa kala saxiixday heshiiskan, taasoo lagu joojinayo in muwaadiniinta Kanada ay sii dalbadaan fiisayaasha ay ku galayaan dalkaas inta aysan safarkooda billaabin.

Danjiraha Imaaraadka Carabta ee Kanada ayaa sheegay in tani ay qayb ka tahay soo celinta xiriirka dublamaasiyadeed ee labada dal u dhexeeyay, kaas oo xumaaday sannado ka hor.

“Heshiiskan wuxuu dhaqangalayaa maalinta Sabtida (June 1, 2013), waana tallaabo horumar leh oo labada dal ay ku xoojinayaan xiriirkooda arrimaha dibadda,” ayuu yiri Baird.

Dalka Kanada ayaa waxaa ku nool muwaadiniin badan oo Soomaali iyo ajnabi kale ah, kuwaasoo safarro ku taga dalka Imaaraadka Carabta oo ka mid ah dalalka ku yaalla khaliijka Carabta.

Maxamed Xaaji Xuseen, Hiiraan Online
[email protected]
Muqdisho, Soomaaliya










Click here
5/30/2013 3:04 PM EST
Khamiis, May 30, 2013 (HOL) — Kooxo hubeysan ayaa caawa ku dilay gudaha degmada Jowhar ee xarunta gobolka Shabeellada Dhexe guddoomiyihii xaafadda Hanti-wadaag ee degmadaas, Xuseen Cabdullaahi Cumar (Jicib).

5/30/2013 2:38 PM EST
Khamiis, May 30, 2013 (HOL) — Shir ay golaha wasiirrada Soomaaliya ku yeesheen maanta Muqdisho, uuna shir guddoominayay ra’iisul wasaaraha Soomaaliya, Cabdi Faarax Shirdoon (Saacid) ayaa lagu ansixiyay hindise sharciyeedka dhismaha hay’adda maareeynta masiibooyinka Qaranka.

5/30/2013 2:37 PM EST
Khamiis, May 30, 2013 (HOL) — Golaha Salaaddiinta Soomaaliyeed ayaa ku soo dhaweeyay maanta magaalada Muqdisho, salaadiin ka socday Uganda, waxaana xalfadda soo dhaweynta wafdiga ay ka dhacday hoteelka Shaamow ee magaalada Muqdisho.

5/30/2013 11:12 AM EST
Khamiis, May 30, 2013Waxaa kasoo reeyneeysa xaaladda caafimaad ee wariye C/qaadir C/risaaq Soofe (Jiijiile) kaasoo kooxo hubeeysan ay xalay dhaawac ugu geeysteen gudaha magaalada Kismaayo ee xarunta gobolka J/hoose.

5/30/2013 8:32 AM EST
Khamiis, May 30, 2013 (HOL) — Ruux looga shakisan yahay inuu ka tirsan yahay Al-shabaab ayaa ku dhintay miino uu ku aasayay degmada Gaarisa oo la qaraxday xalay, sidaa waxaa sheegay sarkaal ka tirsan booliiska Kenya.

5/30/2013 8:12 AM EST
Khamiis, May 30, 2013 (HOL) — Xoogagga Al-shabaab ayaa xalay weerar kedis ku qaaday fariisan ay ciidamada dowladda ku lahaayeen degmada Ceel-barde ee gobolka Bakool, waana degmada keliya ee ciidamada dowaldda ay kaga sugan yihiin gobolka Bakool.

5/30/2013 7:45 AM EST
Khamiis, May 30, 2013 (HOL) - Shir labo maalmood soconayay oo ahaa kii ugu ballaarnaa ee loo qabto maalgashiga Soomaaliya ayaa waxaa lagu soo gabagabeeyay magaalada Nairobi ee xarunta dalka Kenya.

5/30/2013 7:41 AM EST
Khamiis, May 30, 2013 (HOL) — AMISOM ayaa bilihii ugu dambeeyay ka hir-gelisay goobihii Al-shabaab laga saaaray xarumo caafimaad oo dadka lagu daweeyo, kuwaasoo isugu jira siddeed xarumood iyo saddex isbitaal oo waaweyn.

5/30/2013 2:38 AM EST
Khamiis, May 30, 2013- Faah-faahin dheeraad ah ayaa kasoo baxeysa dab khasaare geestay habeen hore ka kacay suuqa weyn ee degmada BeledXaawo, gobalka Gedo. Dabka waxa uu ka kacay goob shiidaalka lagu koombeeyo islamarkiina uu sameeyay suuqa-bacadlaha iyadoo dhamaan suuqaasi inta badan uu basbeelay.

5/30/2013 2:33 AM EST
Khamiis, May 30, 2013 (HOL) — Wasaaradda gaashaandhigga Mareykanka ee Pentagon ayaa xaqiijisay in diyaarad kuwa wax basaasa ah oo aan duuliye lahayn ay kaga dhacday Koonfurta Soomaaliya, gaar ahana deegaan ay ka taliso Xarakada Al-shabaab.

5/30/2013 1:59 AM EST
Khamiis, May 30, 2013 (HOL) — Guddoomiyaha gobolka Hiiraan, Cabdi Faarax Laqanyo oo la hadlay HOL ayaa beeniyay in go’aankii shalay ay beesha Xawaadle ku sheegtay inay kala laabtay kalsoonida dowladda Soomaaliya uu ahaa mid aysan beeshu u dhameyn.