11/11/2019
Today from Hiiraan Online:  _
Wararka Maanta- Khamiis, May 30, 2013
Faahfaahin dheeraad ah oo ku saabsan dabkii suuqa degmada Beled-xaawo iyo Dowladda Federaalka oo aad loo dhaliilay



Khamiis, May 30, 2013- Faah-faahin dheeraad ah ayaa kasoo baxeysa dab khasaare geestay habeen hore ka kacay suuqa weyn ee degmada BeledXaawo, gobalka Gedo.  Dabka waxa uu ka kacay goob shiidaalka lagu koombeeyo islamarkiina uu sameeyay suuqa-bacadlaha iyadoo dhamaan suuqaasi inta badan uu basbeelay.

Mudane Liibaan Aadan Bule Ergal oo ah madaxa ururka Gedo DIASPORA Intellectuals (GDI) oo xiriir la sameeyay odayaasha dhaqanka degmadda BeladXaawo ayaa u sheegay Warbaahinta in dabka uu ahaa mid xoogan islamarkaana uu baabi’yay hanti badan, hadal u jeediyey xubnaha GDI maanta ayaa uu ku dhaliilay dowladda Federalka inay ka gaabisay dhamaan baahida ka jirta G. Gedo, ayadoo ayuu yiri ay dowladu sheegato ama ku faanto inay ayadu gacanta ku heyso G. Gedo.

Mr. Bule ayaa hadalkiisii waxa uu raaciyay, “Ma’aha markii ugu horeysa, Gedo waxaa horay uga dhacay dab qasaarooyin geystay meelo kala duwan, roobab waxyeelo geystay, abaaro, cudurada faafa,  dagaalo, dhibaatooyin kale oo baahsan, waxbarasho la’aan, xarumo-Caafimaad la’aan, Marwalba Dowladda Federalka, waa ay ka waji-qarsataa, waanu ku dhaliilaynaa taa.”

Sidoo kale Liibaan Bule ayaa dowladda Soomaaliya ka dalbaday inay dadkaasi ay wax uqabato maadaama suuqa hanti badan ay ku gubatay, Muhiimada koowaad waa in Dowladda Federalka tababaro usameyso Ciidamadda Booliiska iyo kuwa Dab-demiska ee G. Gedo iyo dhamaan Gobolada kale, siiba kuwa ay baahida ka jirto.

Suuqa dabka uu ka kacay ayaa waxaa halkaasi ku basbeelay raxan dukaamo ah, kuwaasi oo ay lahaayeen ganacsato Soomaaliyeed.

 Maxamuud Cartan, (Maxamuud Yare)
GDI Press
[email protected]
Columbus, Ohio










Click here
5/30/2013 3:04 PM EST
Khamiis, May 30, 2013 (HOL) — Kooxo hubeysan ayaa caawa ku dilay gudaha degmada Jowhar ee xarunta gobolka Shabeellada Dhexe guddoomiyihii xaafadda Hanti-wadaag ee degmadaas, Xuseen Cabdullaahi Cumar (Jicib).

5/30/2013 2:38 PM EST
Khamiis, May 30, 2013 (HOL) — Shir ay golaha wasiirrada Soomaaliya ku yeesheen maanta Muqdisho, uuna shir guddoominayay ra’iisul wasaaraha Soomaaliya, Cabdi Faarax Shirdoon (Saacid) ayaa lagu ansixiyay hindise sharciyeedka dhismaha hay’adda maareeynta masiibooyinka Qaranka.

5/30/2013 2:37 PM EST
Khamiis, May 30, 2013 (HOL) — Golaha Salaaddiinta Soomaaliyeed ayaa ku soo dhaweeyay maanta magaalada Muqdisho, salaadiin ka socday Uganda, waxaana xalfadda soo dhaweynta wafdiga ay ka dhacday hoteelka Shaamow ee magaalada Muqdisho.

5/30/2013 11:12 AM EST
Khamiis, May 30, 2013Waxaa kasoo reeyneeysa xaaladda caafimaad ee wariye C/qaadir C/risaaq Soofe (Jiijiile) kaasoo kooxo hubeeysan ay xalay dhaawac ugu geeysteen gudaha magaalada Kismaayo ee xarunta gobolka J/hoose.

5/30/2013 8:32 AM EST
Khamiis, May 30, 2013 (HOL) — Ruux looga shakisan yahay inuu ka tirsan yahay Al-shabaab ayaa ku dhintay miino uu ku aasayay degmada Gaarisa oo la qaraxday xalay, sidaa waxaa sheegay sarkaal ka tirsan booliiska Kenya.

5/30/2013 8:12 AM EST
Khamiis, May 30, 2013 (HOL) — Xoogagga Al-shabaab ayaa xalay weerar kedis ku qaaday fariisan ay ciidamada dowladda ku lahaayeen degmada Ceel-barde ee gobolka Bakool, waana degmada keliya ee ciidamada dowaldda ay kaga sugan yihiin gobolka Bakool.

5/30/2013 7:45 AM EST
Khamiis, May 30, 2013 (HOL) - Shir labo maalmood soconayay oo ahaa kii ugu ballaarnaa ee loo qabto maalgashiga Soomaaliya ayaa waxaa lagu soo gabagabeeyay magaalada Nairobi ee xarunta dalka Kenya.

5/30/2013 7:41 AM EST
Khamiis, May 30, 2013 (HOL) — AMISOM ayaa bilihii ugu dambeeyay ka hir-gelisay goobihii Al-shabaab laga saaaray xarumo caafimaad oo dadka lagu daweeyo, kuwaasoo isugu jira siddeed xarumood iyo saddex isbitaal oo waaweyn.

5/30/2013 2:50 AM EST
Khamiis, May 30, 2013 (HOL) — Muwaadiniinta u dhashay dalka ee wata baasaboorka dalka Kanada ayaa laga qaaday xayiraaddii dhinaca fiisaha ahaa ee ay horay ugu soo rogtay dowladda Imaaraadka Carabta, kaddib heshiis dhexmaray labada dal.

5/30/2013 2:33 AM EST
Khamiis, May 30, 2013 (HOL) — Wasaaradda gaashaandhigga Mareykanka ee Pentagon ayaa xaqiijisay in diyaarad kuwa wax basaasa ah oo aan duuliye lahayn ay kaga dhacday Koonfurta Soomaaliya, gaar ahana deegaan ay ka taliso Xarakada Al-shabaab.

5/30/2013 1:59 AM EST
Khamiis, May 30, 2013 (HOL) — Guddoomiyaha gobolka Hiiraan, Cabdi Faarax Laqanyo oo la hadlay HOL ayaa beeniyay in go’aankii shalay ay beesha Xawaadle ku sheegtay inay kala laabtay kalsoonida dowladda Soomaaliya uu ahaa mid aysan beeshu u dhameyn.