11/13/2019
Today from Hiiraan Online:  _
Wararka Maanta- Khamiis, May 30, 2013
Wasaaradda Gaashaandhigga Mareykanka oo qirtay iyo diyaarad nooca aan Duuliyaha lahayn ah ay kaga dhacday Somalia



Khamiis, May 30, 2013 (HOL) — Wasaaradda gaashaandhigga Mareykanka ee Pentagon ayaa xaqiijisay in diyaarad kuwa wax basaasa ah oo aan duuliye lahayn ay kaga dhacday Koonfurta Soomaaliya, gaar ahana deegaan ay ka taliso Xarakada Al-shabaab.

Saraakiisha Mareykanka ayaa diiday in diyaaraddaas la riday, balse waxay sheegeen inay cillad lasoo daristay awgeed u dhacday, waxaana burburka diyaaraddaas gacanta ku haya xoogagga Al-shabaaba ee xiriirka la leh Al-Qaacida.

Al-shabaab ayaa sheegatay inay diyaaraddaas oo rideen. “Diyaaraddan ma dhici doonto in mar dambe ay basaasto muslimiinta. Waayo waa la soo riday dhulka ayayna ku kala daadatay,” ayaa lagu sheegay warbixintay Tiwitter-ka ay soo dhigtay Al-shabaab.

Milateriga Marekanka ayaa sheegay in diyaaraddan ay ku duulaysay jawi aad u fog, sidaa daraadeedna aysan suurogal noqon karin in lasoo rido ama lala helo gantaal dhulka laga tuuray.

“Diyaaraddu waxay ku jirtay howlgal ay xogo kaga ururinayso Soomaaliya 27-kii May, diyaaraddu si lama filaan ah ay ku dhacday, iyadoo duulaysay deegaan Koonfur kaga beegan Muqdisho,“ ayuu yiri afhayeenka difaaca Mareykanka.

Afhayeenku wuxuu sheegay inay baaritaan ku wadaan sababta keentay inay diyaaraddu dhacdo. Iyadoo la ogyahay in diyaaradaha aan duuliyaha lahayn ee Mareykanka ay kasoo duulaan saldhig ay ku leeyihiin Jabuuti ayna baaris dhinaca hawada ah ka sameeyaan Soomaaliya.

Guddoomiyaha gobolka Shabeellada Hoose, C/qaadir maxamed Nuur (Siidii) oo la hadlay wakaaladda wararka ee Reuters ayaa sheegay in Al-shababa ay toogasho kusoo ridday diyaaradda, xilli ay dul maraysay deegaanka Buulo-Mareer ee gobolka Shabeellada hoose.

Si kasta oo ay tahay, madaxweynaha Mareykanka Barack Obama ayaa dhawaan sheegay in diyaaradaha aan duuliyaha lahayn ee loo yaqaanno (Drones) ay beegsan doonaan dagaalyahannada Al-qaacida ka tirsan ee ku sugan Soomaaliya, Yemen iyo Bakistaan.

Maxamed Xaaji Xuseen, Hiiraan Online
[email protected]
Muqdisho, Soomaaliya










Click here
5/30/2013 3:04 PM EST
Khamiis, May 30, 2013 (HOL) — Kooxo hubeysan ayaa caawa ku dilay gudaha degmada Jowhar ee xarunta gobolka Shabeellada Dhexe guddoomiyihii xaafadda Hanti-wadaag ee degmadaas, Xuseen Cabdullaahi Cumar (Jicib).

5/30/2013 2:38 PM EST
Khamiis, May 30, 2013 (HOL) — Shir ay golaha wasiirrada Soomaaliya ku yeesheen maanta Muqdisho, uuna shir guddoominayay ra’iisul wasaaraha Soomaaliya, Cabdi Faarax Shirdoon (Saacid) ayaa lagu ansixiyay hindise sharciyeedka dhismaha hay’adda maareeynta masiibooyinka Qaranka.

5/30/2013 2:37 PM EST
Khamiis, May 30, 2013 (HOL) — Golaha Salaaddiinta Soomaaliyeed ayaa ku soo dhaweeyay maanta magaalada Muqdisho, salaadiin ka socday Uganda, waxaana xalfadda soo dhaweynta wafdiga ay ka dhacday hoteelka Shaamow ee magaalada Muqdisho.

5/30/2013 11:12 AM EST
Khamiis, May 30, 2013Waxaa kasoo reeyneeysa xaaladda caafimaad ee wariye C/qaadir C/risaaq Soofe (Jiijiile) kaasoo kooxo hubeeysan ay xalay dhaawac ugu geeysteen gudaha magaalada Kismaayo ee xarunta gobolka J/hoose.

5/30/2013 8:32 AM EST
Khamiis, May 30, 2013 (HOL) — Ruux looga shakisan yahay inuu ka tirsan yahay Al-shabaab ayaa ku dhintay miino uu ku aasayay degmada Gaarisa oo la qaraxday xalay, sidaa waxaa sheegay sarkaal ka tirsan booliiska Kenya.

5/30/2013 8:12 AM EST
Khamiis, May 30, 2013 (HOL) — Xoogagga Al-shabaab ayaa xalay weerar kedis ku qaaday fariisan ay ciidamada dowladda ku lahaayeen degmada Ceel-barde ee gobolka Bakool, waana degmada keliya ee ciidamada dowaldda ay kaga sugan yihiin gobolka Bakool.

5/30/2013 7:45 AM EST
Khamiis, May 30, 2013 (HOL) - Shir labo maalmood soconayay oo ahaa kii ugu ballaarnaa ee loo qabto maalgashiga Soomaaliya ayaa waxaa lagu soo gabagabeeyay magaalada Nairobi ee xarunta dalka Kenya.

5/30/2013 7:41 AM EST
Khamiis, May 30, 2013 (HOL) — AMISOM ayaa bilihii ugu dambeeyay ka hir-gelisay goobihii Al-shabaab laga saaaray xarumo caafimaad oo dadka lagu daweeyo, kuwaasoo isugu jira siddeed xarumood iyo saddex isbitaal oo waaweyn.

5/30/2013 2:50 AM EST
Khamiis, May 30, 2013 (HOL) — Muwaadiniinta u dhashay dalka ee wata baasaboorka dalka Kanada ayaa laga qaaday xayiraaddii dhinaca fiisaha ahaa ee ay horay ugu soo rogtay dowladda Imaaraadka Carabta, kaddib heshiis dhexmaray labada dal.

5/30/2013 2:38 AM EST
Khamiis, May 30, 2013- Faah-faahin dheeraad ah ayaa kasoo baxeysa dab khasaare geestay habeen hore ka kacay suuqa weyn ee degmada BeledXaawo, gobalka Gedo. Dabka waxa uu ka kacay goob shiidaalka lagu koombeeyo islamarkiina uu sameeyay suuqa-bacadlaha iyadoo dhamaan suuqaasi inta badan uu basbeelay.

5/30/2013 1:59 AM EST
Khamiis, May 30, 2013 (HOL) — Guddoomiyaha gobolka Hiiraan, Cabdi Faarax Laqanyo oo la hadlay HOL ayaa beeniyay in go’aankii shalay ay beesha Xawaadle ku sheegtay inay kala laabtay kalsoonida dowladda Soomaaliya uu ahaa mid aysan beeshu u dhameyn.