10/16/2019
Today from Hiiraan Online:  _
Wararka Maanta- Axad, May 26, 2013
Dood Cilmiyeed ku Saabsan Ammaanka Soomaaliya oo ka dhacay Degmada Heliwaa ee Gobolka Banaadir (SAWIRRO)



Axad, May 26, 2013 (HOL) — Degmada Heliwaa ee gobolka Banaadir ayaa waxaa maanta ka dhacay kulan ay soo qabanqaabisay Hay'adda CCD oo looga hadlayay nabadda Soomaaliya, waxaana kulankaasi kasoo qyb-galay madax ka tirsan maamulka gobolka Banaadir, guddoomiyaha Heliwaa iyo dhallinyaro tiradoodu ka badan tahay 100-qof oo isugu jira rag iyo haween.

Guddoomiyaha degmada Heliwaa, Cumar Cabdulle Axmed (Cumar Jacfaan) oo furitaankii kulanka ka jeediyay khudbad ayaa kula dardaarmay dhamaan dhallinyarada degmadaas inay waxyaabaha doodad kasoo baxa ay u sii gudbiyaan bulshada ay la nool yihiin, wuxuuna ku boorriyay dhallinyarada inay horseed u noqdaan soo celinta nabadda Somalia, gaar ahaan degmada Heliwaa.

"Nabadda degmada Heliwaa waxaa kaalin muuqata ka qaatay gabdhaha, mana garanayo waxa ku dhacay raga," ayuu yiri Cumar Jacfaan oo intaa ku daray in looga baahan yahay rag iyo dumar ay inay xoojiyaan nabadda guud ee degmada.

Guddoomiye ku-xigeenka amniga ee maamulka gobolka Banaadir, Warsame Maxamed Xasan (Joodax) oo khudbad u jeedinayay dhallinyaradii kulanka ka qaybgalayay ka ayaa ugu baaqay inay la dagaalamaan kuwa yar ee doonaya inay kharibaad sameeyaan, wuxuuna xusay in degmadu ay tahay mid ay ka muuqato nabad.

Sidoo kale, afhayeenka maamulka gobolka Banaadir, Maxamed Yuusuf oo isna ka hadlay kulank ayaa sheegay in dhallinyaradu ay yihiin kuwii berri dalkan xukumi lahaa, sidaas darteedna looga baahan yahay inay muujiyaan isku xirnaan, ayna had iyo goor su'aalo ka weydiiyaan maamulka degmada waxyaabihii lasoo qabtay iyo waxyaabaha aan la qaban.

Dhinaca kale, waxaa kulanka khudbado kala duwan ka jeediyay qaar ka mid ah guddoomiyeyaasha 17-ka degmo ee gobolka Banaadir, kuwaasoo xusaay in kulammada noocaan ah ay muhiimad gaar ah u leeyihiin dhallinyarada ku dhaqan degmooyinka gobolka oo dhan.

Ugu dambeyn, waxaa hadlay guddoomiyaha dhallinyarada degmooyinka gobolka Banaadir isagoo hoosta ka xariiqay in kulammada oo kale ay wax weyn ka bedeli karana xalaadda ammaan ee gobolka iyo dalka oo dhan, isagoo u mahadceliyay hay’adda CCD oo kulankan soo abaabushay.




Maxamed Xaaji Xuseen, Hiiraan Online
[email protected]
Muqdisho, Soomaaliya










Click here
5/26/2013 8:16 PM EST
Wariye Ibraahim Cumar Baafo ayaa wareysi la yeeshay Sheekh Axmed Madoobe, Madaxweynaha Jubalanda ee dhawaan lagu doortay magaalada Kismayo.

5/26/2013 11:03 AM EST
Axad, May 26, 2013 (HOL) — Ra’iisul wasaaraha Soomaaliya, Cabdi Faarax Shirdoon (Saacid) ayaa ka hadlay maanta mowqifka dowladda Soomaaliya ee ku aaddan maamul u sameynta gobollada Jubbooyinka, isagoo sheegay in loo marayo qodobbo ay horay dowladdu u dejisay.

5/26/2013 9:53 AM EST
Axad, May 26, 2013 (HOL) — Wasiirradii xukuumadda Soomaaliya ee shalay ka baaqday safar ay ku tegi lahaayeen Magaalada Kismaayo ayaa maanta gaaray halkaas, iyadoo ay garoonka diyaaradaha kusoo dhaweeyeen xubno ka tirsan dowladda oo ku sugnaa Kismaayo.

5/26/2013 9:28 AM EST
Axad, May 26, 2013 (HOL) — Kulan ay isugu yimaadeen wax-garadka kasoo jeeda gobollada Jubbooyinka, haweenka, culumada iyo dhallinyarada laguna taageerayay go’aannadii kasoo baxay shirkii IGAD ee maamul u sameynta Jubbooyinka ayaa maanta lagu qabtay Muqdisho.

5/26/2013 7:50 AM EST
Axad, May 26, 2013 (HOL) — Kooxo hubeysan ayaa xadka ay wadaagaan Soomaaliya iyo Kenya ku dilay shan qof oo ay ku jiraan laba sarkaal oo ka tirsan booliiska dalka Kenay, sida ay maanta oo Axad ah sheegeen xubno ka tirsan booliiska Kenya.

5/26/2013 6:26 AM EST
Axad, 26 May, 2013(HOL) :- Waxaa maanta magaalada Kismaayo ka dhacay dibad bax ballaaran oo looga soo horjeedo madaxweeynaha dowladda Soomaaliya Mudane Xasan Sheekh Max’uud iyo weliba qodobadii kasoo baxa shirkii madaxda urur goboleedka IGAD ay ku yeesheen magaalada Adisababa ee dalka Itoobiya.

5/26/2013 3:32 AM EST
Axad, May 26, 2012(HOL) :- Dagaal culus ayaa xalay saqdii dhexe ka dhacay deegaanka Dhamaajaaleey oo ku yaal gudaha xadka ay Kenya ay la wadaagto Soomaaliya, waxaana dagaalkaasi uu u dhexeeya xoogagga Al-shabaab iyo cutubyo ka tirsan ciidamada Kenya oo ku sugnaa deegaankaasi.

5/26/2013 3:11 AM EST
Axad, May 26, 2013 (HOL) — Ciidamada booliiska Soomaaliya oo gacan ka helaya kuwa nabadsugidda iyo booliiska AMISOM ayaa howlgallo dad badan lagu qabqabtay ka sameeyay shalay xaafadda Buulo-xuubeey ee degmada Wadajir.