10/22/2019
Today from Hiiraan Online:  _
Wararka Maanta- Axad, May 26, 2013
Al-shabaab iyo Ciidamada Kenya oo ku Dagaalamay Deegaan ku yaal xadka kala qeybiya dalalka Soomaaliya iyo Kenya


Axad, May 26, 2012(HOL) :- Dagaal culus ayaa xalay saqdii dhexe ka dhacay deegaanka Dhamaajaaleey oo ku yaal gudaha xadka ay Kenya ay la wadaagto Soomaaliya, waxaana dagaalkaasi uu u dhexeeya xoogagga Al-shabaab iyo cutubyo katirsan ciidamada Kenya oo ku sugnaa halkaasi.

Sida ay inoo xaqiijiyeen dadka deegaanka, waxaa xalay saqdii dhexe deegaankaasi weerar xooggan oo gaadmo ah ku qaaday dagaalyahannada Al-shabaab, waxaana dagaal culus uu gudaha deegaanka ku dhexmaray ciidamada Kenya iyo kuwa Al-shabaab ee weerarka qaaday.

Masuuliyiin ka tirsan Al-shabaab oo ka hadlay warbaahinta afkooda ku hadasha ayaa sheegay in dagaalkii xalay ay ku dileen ilaa todobo askari oo ka tirsan ciidamada Kenya, askar kalena ay ku qafaasheen, waxayna sidoo kale sheegeen in ay la wareegeen saaanad Militari oo ay ciidamadaasi lahaayeen.

Dhanka ciidamada Kenya ilaa imika ma jiro wax war ah oo arintaasi ku saabsan oo kasoo baxay, haseyeeshee dadka deegaanka Dhamaajaaleey ayaa HOL u xaqiijiyay in Al-shabaab ay xalay soo weerareen deegaanka islamarkaasina uu gudaha deegaanka ka dhacay dagaal xoogga.

Tan iyo wixii ka danbeeyay markii ciidamada dowladda Soomaaliya oo garab ka helaya kuwa Kenya ay Al-shabaab kala wareegeen qeybo ka tirsan gobolka J/hoose waxaa isa soo tarayay weerarrada gaadmada ah oo ay Al-shabaab la beegsadaan saldhigyada ciidamada Dowladda iyo kuwa Kenya ay ku leeyihiin gobolka J/hoose, iyagoona sidoo kale weerro la beegsada deegaanada xuduuda ku yaal ee dalka Kenya.

 

Xasan Nuur, Hiiraan Online
[email protected]
Kismaayo-Soomaaliya.

 










Click here
5/26/2013 8:16 PM EST
Wariye Ibraahim Cumar Baafo ayaa wareysi la yeeshay Sheekh Axmed Madoobe, Madaxweynaha Jubalanda ee dhawaan lagu doortay magaalada Kismayo.

5/26/2013 11:03 AM EST
Axad, May 26, 2013 (HOL) — Ra’iisul wasaaraha Soomaaliya, Cabdi Faarax Shirdoon (Saacid) ayaa ka hadlay maanta mowqifka dowladda Soomaaliya ee ku aaddan maamul u sameynta gobollada Jubbooyinka, isagoo sheegay in loo marayo qodobbo ay horay dowladdu u dejisay.

5/26/2013 9:53 AM EST
Axad, May 26, 2013 (HOL) — Wasiirradii xukuumadda Soomaaliya ee shalay ka baaqday safar ay ku tegi lahaayeen Magaalada Kismaayo ayaa maanta gaaray halkaas, iyadoo ay garoonka diyaaradaha kusoo dhaweeyeen xubno ka tirsan dowladda oo ku sugnaa Kismaayo.

5/26/2013 9:28 AM EST
Axad, May 26, 2013 (HOL) — Kulan ay isugu yimaadeen wax-garadka kasoo jeeda gobollada Jubbooyinka, haweenka, culumada iyo dhallinyarada laguna taageerayay go’aannadii kasoo baxay shirkii IGAD ee maamul u sameynta Jubbooyinka ayaa maanta lagu qabtay Muqdisho.

5/26/2013 8:52 AM EST
Axad, May 26, 2013 (HOL) — Degmada Heliwaa ee gobolka Banaadir ayaa waxaa maanta ka dhacay kulan ay soo qabanqaabisay Hay'adda CCD oo looga hadlayay nabadda Soomaaliya, waxaana kulankaasi kasoo qyb-galay madax ka tirsan maamulka gobolka Banaadir, guddoomiyaha Heliwaa iyo dhallinyaro tiradoodu ka badan tahay 100-qof oo isugu jira rag iyo haween.

5/26/2013 7:50 AM EST
Axad, May 26, 2013 (HOL) — Kooxo hubeysan ayaa xadka ay wadaagaan Soomaaliya iyo Kenya ku dilay shan qof oo ay ku jiraan laba sarkaal oo ka tirsan booliiska dalka Kenay, sida ay maanta oo Axad ah sheegeen xubno ka tirsan booliiska Kenya.

5/26/2013 6:26 AM EST
Axad, 26 May, 2013(HOL) :- Waxaa maanta magaalada Kismaayo ka dhacay dibad bax ballaaran oo looga soo horjeedo madaxweeynaha dowladda Soomaaliya Mudane Xasan Sheekh Max’uud iyo weliba qodobadii kasoo baxa shirkii madaxda urur goboleedka IGAD ay ku yeesheen magaalada Adisababa ee dalka Itoobiya.

5/26/2013 3:11 AM EST
Axad, May 26, 2013 (HOL) — Ciidamada booliiska Soomaaliya oo gacan ka helaya kuwa nabadsugidda iyo booliiska AMISOM ayaa howlgallo dad badan lagu qabqabtay ka sameeyay shalay xaafadda Buulo-xuubeey ee degmada Wadajir.