10/15/2019
Today from Hiiraan Online:  _
Wararka Maanta- Axad, May 26, 2013
Faahfaahin ku Saabsan Howl-gallo ay Booliiska Dowladda iyo Kuwa AMISOM ay ka sameeyeen Muqdisho (SAWIRRO)



Axad, May 26, 2013 (HOL) — Ciidamada booliiska Soomaaliya oo gacan ka helaya kuwa nabadsugidda iyo booliiska AMISOM ayaa howlgallo dad badan lagu qabqabtay ka sameeyay shalay xaafadda Buulo-xuubeey ee degmada Wadajir.

Warbixin kooban oo AMISOM kasoo baxday ayaa lagu sheegay in howlgalladan ay ahaayeen kuwo lagu raadinayay kooxo ka tirsan Al-shabaab, waxayna xuseen in baaritaanku uu ahaa mid guri-guri ah.

“Howlgalladan waxay qayb ka yihiin kuwo lagu xaqiijinayo amniga Muqdisho, waana sii socon doonaan inta laga sifeynayo caasimadda kooxaha nabadda kasoo horjeeda,” ayaa lagu yiri warbixinta ay AMISOM soo saartay.

Goobjoogayaal ku sugan xaafadda Buulo-xuubeey ayaa saxaafadda u sheegay in ciidamadu ay waaberigii hore ee shalay oo Sabti ahayd soo galeen xaafadahooda ayna guryaha kala baxeen dhallinyaro iyo dad kale oo waaweyn.

“Ciidammo ayaa guryaha noosoo garaacay, markii laga furay waxay billaabeen inay meel walba baaraan, dhalliyarada iyo raggii kale ee guriga ku sugnaa oo dhanna way kaxeysteen,” ayay tiri Istar Nuur oo ka mid ahayd dadkii guryahooda la baaray.

Dadkii howlgalkaas lagu qabqabtay ayaa lagu xiray xarunta CID-da ee Muqdisho halkaasoo lagu arkayay dad badan oo ehelladooda raadinayay, waxaana howgalkan uu ka mid noqonayaa kuwii ugu xooganaa ee ay ka sameeyaan Muqdisho booliiska Soomaaliya iyo kuwa AMISOM oo iskaashanaya.

Qaar ka mid ah dadkii howgalka ayaa lasoo daayay kaddib markii ay lasoo baxeen kaararkooda waxbarasho, sidoo kalena waxaa la sii daayay dadkii watay kaararka muujinaya inay ka tirsan yihiin shaqaalaha dowladda iyo shaqaalaha hay’adaha kale ee dalka ka howlgala.

Afhayeenka AMISOM, Col. Cali Aadan Xumad ayaa horay u sheegay in guri-guri ay u baari doonaan Muqdisho, ayna raadinayaan kooxaha Al-shabaan ka tirsan oo uu sheegay inay magaalada falal ammaan-darro kawadaan.



Maxamed Xaaji Xuseen, Hiiraan Online
[email protected]
Muqdisho, Soomaaliya










Click here
5/26/2013 8:16 PM EST
Wariye Ibraahim Cumar Baafo ayaa wareysi la yeeshay Sheekh Axmed Madoobe, Madaxweynaha Jubalanda ee dhawaan lagu doortay magaalada Kismayo.

5/26/2013 11:03 AM EST
Axad, May 26, 2013 (HOL) — Ra’iisul wasaaraha Soomaaliya, Cabdi Faarax Shirdoon (Saacid) ayaa ka hadlay maanta mowqifka dowladda Soomaaliya ee ku aaddan maamul u sameynta gobollada Jubbooyinka, isagoo sheegay in loo marayo qodobbo ay horay dowladdu u dejisay.

5/26/2013 9:53 AM EST
Axad, May 26, 2013 (HOL) — Wasiirradii xukuumadda Soomaaliya ee shalay ka baaqday safar ay ku tegi lahaayeen Magaalada Kismaayo ayaa maanta gaaray halkaas, iyadoo ay garoonka diyaaradaha kusoo dhaweeyeen xubno ka tirsan dowladda oo ku sugnaa Kismaayo.

5/26/2013 9:28 AM EST
Axad, May 26, 2013 (HOL) — Kulan ay isugu yimaadeen wax-garadka kasoo jeeda gobollada Jubbooyinka, haweenka, culumada iyo dhallinyarada laguna taageerayay go’aannadii kasoo baxay shirkii IGAD ee maamul u sameynta Jubbooyinka ayaa maanta lagu qabtay Muqdisho.

5/26/2013 8:52 AM EST
Axad, May 26, 2013 (HOL) — Degmada Heliwaa ee gobolka Banaadir ayaa waxaa maanta ka dhacay kulan ay soo qabanqaabisay Hay'adda CCD oo looga hadlayay nabadda Soomaaliya, waxaana kulankaasi kasoo qyb-galay madax ka tirsan maamulka gobolka Banaadir, guddoomiyaha Heliwaa iyo dhallinyaro tiradoodu ka badan tahay 100-qof oo isugu jira rag iyo haween.

5/26/2013 7:50 AM EST
Axad, May 26, 2013 (HOL) — Kooxo hubeysan ayaa xadka ay wadaagaan Soomaaliya iyo Kenya ku dilay shan qof oo ay ku jiraan laba sarkaal oo ka tirsan booliiska dalka Kenay, sida ay maanta oo Axad ah sheegeen xubno ka tirsan booliiska Kenya.

5/26/2013 6:26 AM EST
Axad, 26 May, 2013(HOL) :- Waxaa maanta magaalada Kismaayo ka dhacay dibad bax ballaaran oo looga soo horjeedo madaxweeynaha dowladda Soomaaliya Mudane Xasan Sheekh Max’uud iyo weliba qodobadii kasoo baxa shirkii madaxda urur goboleedka IGAD ay ku yeesheen magaalada Adisababa ee dalka Itoobiya.

5/26/2013 3:32 AM EST
Axad, May 26, 2012(HOL) :- Dagaal culus ayaa xalay saqdii dhexe ka dhacay deegaanka Dhamaajaaleey oo ku yaal gudaha xadka ay Kenya ay la wadaagto Soomaaliya, waxaana dagaalkaasi uu u dhexeeya xoogagga Al-shabaab iyo cutubyo ka tirsan ciidamada Kenya oo ku sugnaa deegaankaasi.