7/6/2020
Today from Hiiraan Online:  _
Wararka Maanta- Sabti, May 25, 2013
Ururka Horumarinta Haweenka ee IIDA oo u Dabaal-dagtay Sannadguuradii 22-aad ee kasoo wareegtay aasaaskeeda SAWIRRO)



Sabti, May 25, 2013 (HOL) — Ururka horumarinta haweenka ee IIDA ayaa maanta ugu dabaal-dagtay Muqdisho dagtay sannaguuradii 22-aad ee kasoo wareegtay markii la aasaasay, iyadoo munaasabadda ay kasoo qayb-galeen xubno ka tirsan ururrada bulshada rayidka ah iyo dadweyne kale.

Warbixin ay munaasabadda kasoo jeediyeen mas’uuliyiin ka tirsan IIDA ayaa waxay ku sheegeen in aasaaska ururkan uu kusoo beegmay markii ay dalka ka dhaceen dagaallada sokeeye, ayna xoogga saareen sidii ay ugu adeegi lahaayeen haweenka oo ah kuwii ugu darnaa ee ay dagaalladu saameynta xooggan ku yeesheen.

“Intii uu ururku jiray wuxuu ku guuleystay inuu wax ka qabto dhibaatooyinkii dalka ka jiray, iyagoo kaashanaya hay’ado caalami ah oo dalka ku sugnaa,” ayaa lagu yiri warbixin uu ururkan soo saaray maanta oo Sabti ah.

Howlihii uu ururku qabtay intii uu jiray ayaa waxaa ka mid aha quudinta iyo daryeelka dadkii ku jiray Isbitaalkii Forlanini ee qabay cudurrada qaaxada, dhimirka, juudaanka, iyo quudinta carruurtii dadkii ku noolaa xerada booli-tiknimo iyo kuwii ku dhawaa.

“IIDA waxay kaloo qabatay isku keenista iyo wacyi-galinta haweeenka ku jiray xeryaha qaxootiga, si loo dareensiiyo aafada dagaalka oo aan u aabo-yeelin dhibaateeynta haweenka nooc kasta oo ay yihiin, inkastoo ay u kala qaybsanaayeen haweenkii xeryaha ku jiray qabaa’illo,” ayaa lagu warbixinta ururka lagu sheegay.

Sidoo kale, waxaa la sheegay in IIDA ay ku guuleysatay inay dib ugu celiso deegaannadii ay markii hore ka yimaadeen illaa 2,000 iyadoo siisay agabyo ay ku noolaadaan, waxaana qoysaskaas la sheegay inay kasoo barakaceen degmooyin iyo deegaanno ku yaalla gobolka Shabeellada dhexe, kuwaasoo qaarkood dagaallada ku waayay aabbayaashood.



Howlaha kale ee uu ururku qabtay intii uu jiray ayaa waxaa ka mid ahaa in ay fureen xarumo waxbarasho, quudinta carruurta agoonta iyo darbi-jiifka ah, dhallinyarada iyo haweeenka.

Ururka IIDA ayaa sidoo kale howlihii uu qabtay waxaa ka mid ahaa inuu dayactirro ku sameeyay ceelaha, kannaalo, taakuleeynta iyo maal-galinta haweenka beeraleeyda gobolka Shabeellada Hoose qaarkood si ay cagahooda ugu istaagaan. Waxay kaloo fuliyeen mashaariic ay kula dagaalameen gudniinka fircooniga ah ee haweenka iyo ku wacyi-gelinta bulshadda dhibaatada uu leeyahay, kuwaasoo lagu gudbinayay fariimmo, iyo heeso iyo murtiyo kal duwan iyadoo lasii marinayay warbaahinta.

Sannadkii 1997-kii IIDA waxay noqotay ururkii ugu horreeyay ee hirgaliyay barnaamijkii la magac baxay “Qoriga dhig ee qalinka qaado”. IIDA waxay dadaal u gashay kuna guuleeysatay hub ka dhigista iyo jiheeynta 152-qof oo dhallinyaro hubeysan ah, dhallinyaradaas oo lix bil lagu baray akriska iyo qoraalka, kaddibna iyadoo la tixigalinayo rabitaankooda  loo kala jiheeyay xirfadaha ah beeraleey iyo kallumeeysato.

Dhanka kale, ururku wuxuu sannadkii 2003 billaabay dhirri-gelinta inay haweenka ganacasatada ah, kuwa caafimaadka ka shaqeeya iyo kuwa ka shaqeeya waxbarashada inay sameeystaan ururro, kaddibna ururradaas loo sameeyey sharciyo hoosyeedyo ayna ku midoobaan dallado.

Xilligan waxay hay’addu ku howlan tahay badbaadinta carruunta iyo ka hor-tagga xad-gudubyada loo geeysto dumarka. Waxaana ay dhistay dhaqaaqa aayo-ka-talinta haweenka Soomaaliyeed ee SWA oo ay ku mideysan yihiin ururro badan.

IIDA ummaddeeda waxay ku mutaysatay abaalmarrinno waddani iyo kuwa caalami ah. Waxaana ka mid ah in ururka uu la tartamay sannadkii 2008-dii 150 urur oo caalami ah; waxay ku heshay abaalmarin loogu magac-daray ‘Laureate of the French Republic Award on Human Rights "Prix des Droits de l'homme de la République française - Liberté - Égalité - Fraternité", Edition 2008.

Ugu dambeyn, ururka IIDA wuxuu ballanqaaday inuu wax ka qabato intii karaankiisa ah danaha shacabka iyo horumarinta dalka, iyadoo gacan ka geysan doonta howlaha baarlamaanka iyo dowladda, si asluubeeysanna ugu muuji doona haddii qaldaad jiraan fikraddeeda saalimka ahna ku biiriso.

Maxamed Xaaji Xuseen, Hiiraan Online
[email protected]
Muqdisho, Soomaaliya










Click here
5/25/2013 3:13 PM EST
Sabti, May 25, 2013 (HOL) — Dadweyne careysan ayaa albaabada isugu dhuftay xafiis uu dhowaan urur siyaasadeedka HORSEED ee uu hoggaamiyo madaxweynaha Puntland Cabdiraxmaan Maxamed Faroole, ka furtay degmada qadiimiga ah ee Isku-Shuban oo ka tirsan gobolka Bari.

5/25/2013 3:04 PM EST
Sabti, May 25, 2013 (HOL) — Munaasabad xariga looga jarayay hay’ad samafal oo lagu magcaabo Hormuud Foundation ayaa maanta lagu qabtay Muqdisho, taasoo ay kasoo qaybgaleen mas’uuliyiinta ugu sarreysa shirkadda Isgaarsiinta Hormuud iyo qaybaha kala duwan ee bulshada.

5/25/2013 2:16 PM EST
Sabti, May 25, 2013 (HOL) — Waxaa maanta ka furmay xarunta jaamacadda SIMAD ee Muqdisho bandhig socon doono muddo toddobaad ah kaasoo looga dan leeyahay noolaynta iyo kor u qaadista dhaqanka suuban ee Soomaliya. Bandhigan ayaa loogu magacdaray todobaadka dhaqanka (Caltural Week), iyadoo sanad walba ay sidan oo kale Jaamacaddu u qabato bandhiggan.

5/25/2013 2:15 PM EST
Sabti, May 25, 2013 (HOL) — Ardeyda wax ka barata Jaamacadda Muqdisho –laanteeda Boosaaso- ayaa maanta u fariistay imtixaankii simisterka 2-aad ee sanad dugsiyeedka 2012-2013.

5/25/2013 12:27 PM EST
Sabti, May 25, 2013 (HOL) — Ardeyda ka baxaysa fasalka afraad ee dugsiga sare iyo dugsiga dhexe ee deegaanada Puntland, kuwaasoo ay sanadkan tiradoodu tahay 8,515 ayaa saaka u fariistay imtixaanaadka shahaadiga ah ee 190 iskuul.

5/25/2013 12:24 PM EST
Sabti, May 25, 2013 (HOL) — Roob geystey khasaare maaliyadeed oo badan ayaa xalay ka da’ay degmada Xingalool ee gobolka Sanaag. Roobka oo watey dabeylo aad u xooggan ayaa muddo saacad ka badan ka da’ayey degmada Xingalool iyo deegaanada miyiga ah ee ku hareeraysan.

5/25/2013 12:17 PM EST
Sabti, May 25, 2013 (HOL) — Bam-gacmeed ayaa maanta lagu weeraray gaari ay wateen ciidamada Itoobiya oo marayay bartamaha magaalada Baydhabo ee gobolka Bay, kaasoo sababay dhimashada hal qof iyo dhaawac soo gaaray 14-ruux oo kale.

5/25/2013 11:34 AM EST
Sabti, May 25, 2013 (HOL) — Wafdi uu hoggaaminayo wasiirka gaashaandhigga Somalia, C/xakiin Maxamuud Xaaji Fiqi oo ay ka mid yihiin: wasiirka warfaafinta, C/llaahi Ciilmooge Xirsi iyo wasiirka cadaaladda, C/llaahi Ayan Nuur ayaa ka baaqday safar ay maanta ku tegi lahaayeen magaalada Kismaayo ee xarunta gobolka Jubbada Hoose, kaddib buuq ka dhashay tegistooda Kismaayo.

5/25/2013 11:13 AM EST
Sabti, May 25, 2013 (HOL) — Tababar lagu kobcinayo aqoonta shaqaalaha wasaaradda arrimaha gudaha iyo amniga Qaranka Soomaaliya ayaa maanta ka furmay xarunta hay’adda CRD ee magaalada Muqdisho, kaasoo saddex maalmood socon doona, sida uu sheegay agaasimaha CRD, Jabriil Ibraahim Cabdulle.

5/25/2013 8:42 AM EST
Sabti, May 25, 2013 (HOL) — Ururka Suxufiyiinta Somaliland ee SOLJA, ayaa sheegay in aanay ku dhaqmi doonin xeer ay sheegeen inay xukuumaddu wadato oo ururo ay la bahwadaag tahay kala saxeexdeen.

5/25/2013 8:05 AM EST
Sabti, May 25, 2013 (HOL) — Madaxweynaha dalka Kenya, Uhuru Kenyatta ayaa Addis Ababa ka sheegay in dowladdiisu ay ka taageerayso dowladda Soomaaliya qorshaha maamullo u sameynta gobollada Jubbooyinka, isagoo sidoo kale sheegay in ciidamadiisa ku sugan Kismaayo ay qayb ka qaadan doonaan dib dajinta Soomaaliya.

5/25/2013 8:01 AM EST
Sabti, May 25, 2013 (HOL) — Gargaar laga caawinayo dadkii ku xoolo beelay abaartii ku dhuftay qeybo ka tirsan gobolka Hiiraan sanadkii 2011 ayaa waxaa deegaanno hoos-taga degmada Matabaan ee gobolka Hiiraan ka fulisay hay'adda Sustianable Developent Peapce Building Intiative oo loosoo gaabiyo SYPD.

5/25/2013 7:28 AM EST
Sabti, 25 May, 2013(HOL) :- Shir maanta ka dhacay xarunta Jaamacadda Kismaayo islamarkaasina ay kasoo qeybgaleen qaar kamid ah ergadii ka qeybqaadatay shirkii maamul u sameynta Jubooyinka, masuuliyiin ka tirsan maamulkii KMG ahaa ee Kismaayo, siyaasiyiin iyo waxgarad kale ayaa dowladda Soomaaliya loogu baaqay in ay faraha kala baxdo arimaha Jubooyinka islamarkaasina ay sida ugu dhaqsaha badan dib ugu celiso saraakiisha iyo gudiga ay magaalada usoo dirtay.

5/25/2013 1:36 AM EST
Sabti, May 25, 2013 (HOL) — Ciidamada booliiska iyo nabadsugidda Soomaaliya iyo booliiska AMISOM ayaa howgallo baaritaanno ah kawada saakay xaafadda Buulo-xuubeey ee degmada Wadajir iyo jidka weyn ee Maka Al-Mukarama; iyadoo la joojiyay gaadiidkii mari jiray waddaadaas oo ah midda ugu mashquulka badan Muqdisho.

5/25/2013 1:05 AM EST
Sabti, May 25, 2013 (HOL) — Madaxda dalalka ku bahoobay urur goboleedka IGAD oo shir socday illaa xalay ku yeeshay magaalada Addis Ababa ee dalka Itoobiya ayaa isku raaceen in dowladda Soomaaliya ay Muqdisho ku qabato shir maamul KMG ah loogu sameynayo gobollada Jubbooyinka.