7/10/2020
Today from Hiiraan Online:  _
Wararka Maanta- Sabti, May 25, 2013
Tababar lagu kobcinayo Aqoonta Shaqaalaha Wasaaradda Arrimaha Gudaha Soomaaliya oo ka furtay Xarunta CRD (SAWIRRO)



Tababar sare loogu qaadayo aqoonta shaqaalaha wasaaradda arrimaha gudaha iyo amniga Qaranka Soomaaliya ayaa maanta ka furmay xarunta hay’adda CRD ee magaalada Muqdisho, kaasoo saddex maalmood socon doona.

Xarunta Hay’adda CRD ayaa sidoo kale lagu soo bandhigay boorar ka hadlaya nabadda oo agaasimaha hay’adda uu sheegay in loogu talogalay in lagu dhajin doono Muqdisho iyo gobollada dalka qaarkood si dadka loogu wacyi-gelinta qiimaha ay nabaddu leedahay.

Tababarkan oo ay casharro ka bixinayaan aqoonyahanno Soomaaliyeed oo uu ka mid yahay Prof. Mahad-Alle ayaa waxaa ka qaybqaadanaya 30-ruux oo ka tirsan wasaaradda arrimaha gudaha, kuwaasoo isugu jira dumar iyo rag.

Wasiir u dowlaha wasaaradda arrimaha gudaha ee Soomaaliya, Mahdi Maxamuud Cali oo furay tababarka ayaa sheegay in tababarkan uu yahay mid sare loogu qaadayo aqoonta shaqaalaha wasaaradda si ay awood ugu yeeshaan inay maamulaan barnaamijyada kala duwan ee wasaaradda.

“Howshan waa mid lagu doonayo in lagu kobciyo aqoonta shaqaalaha kala duwan ee dowladda Soomaaliya, waxaana lagu billaabay maanta qaar ka mid ah shaqaalaha wasaaradda arrimaha gudaha, sidoo kale waxaa loo qaban doonaan shaqaalaha wasaaradaha kale ee dowladda,” ayuu yiri Wasiiru dowlaha Arrimaha Gudaha.

Agaasimaha waaxda maamulka ee wasaaradda arrimaha gudaha, Nuur Axmed Diiriye oo isaguna ka hadlay furitaanka tababarka ayaa sheegay in tababarkan muhiimad gaar ah uu u leeyahay shaqaalaha wasaaradda.

Jabriil Ibraahim Cabdulle ayaa sheegay in hay’adda CRD iyo FCA ay ka caawinayaan dowladda tababarkan iyo kuwo kale oo la qaban doono; isagoo sheegay in dowladda Soomaaliya ay ka codsatay in hay’adahan ay u qabtaan shaqaalaha wasaaradah dowladda tababarro kor loogu qaadayo aqoontooda.

Sidoo kale dhanka kale waxaa la soo bandhigay boorar kala duwan oo sawirro ah, kuwaasoo lagu muujinayo barnaamijyada nabadda  sare loogu qaadayo iyo wacyi gelinta shacabka, si ay qayb uga qaataan dib u soo celinta ammaanka dalkooda iyo dib u dhiskiisa.

Ugu dambeyn, waxaa goobta lagu soo bandhigay sawirrada ka hadlay wasiir u dowlaha wasaaradda arrimaha gudaha iyo amniga Qaranka, isagoo xusay in boorarkan oo kale ay yihiin kuwa ugu fudud ee gudbin kara warbixinnada waaweyn dadkana saameyn ku yeelan kara.

Wasiir u dowlaha ayaa ugu dambeyn ka hadlay howlgallada ay booliiska Soomaaliya iyo kuwa AMISOM ka sameynayaan magaalada Muqdisho isagoo sheegay inay yihiin kuwo lagu sugayo ammaanka, shacabkana looga baahan yahay inay adkeystaan inta howgalladu socdaan maadaama ammaankooda la sugayo.

“Boorarkan waxaa lagu dhajin doonaan magaalada oo dhan, sidoo kale waxaa la geyn doono gobollada dalka, sida Baydhabo, Kismaayo, Jowhar, Baladweyne iyo kuwo kale si shacabka loogu wacyigelinta inay nabadda xoojiyaan kana fogaadaan wax walba oo dhibaato u keeni kara dalka iyo dadka Soomaaliyeed” ayuu yiri Wasiiru dowlaha Arrimaha gudaha iyo Amniga Qaranka

Tababarkan ayaa soconaya muddo saddex maalmood, iyadoo ay xigi doonaan tababaro kale oo loo qabanayo shaqaalaha Wasaaradaha xukuumada, si aqoontooda sare loogu qaado, isla markaana la siiyo tababaro ku tacaluqa howlahooda shaqo iyo wasaarad kasta howsha ay heyso.

Agaasimaha waaxda maamulka ee wasaaradda arrimaha gudaha, Nuur Axmed Diiriye oo isaguna ka hadlay furitaanka tababarka ayaa sheegay in tababarkan muhiimad gaar ah uu u leeyahay shaqaalaha wasaaradda.

Sidoo kale, Jabriil Ibraahim Cabdulle ayaa sheegay in hay’adda CRD iyo FCA ay ka caawinayaan dowladda tababarkan iyo kuwo kale oo la qaban doono; isagoo sheegay in dowladda Soomaaliya ay ka codsatay in hay’adahan ay u qabtaan shaqaalaha wasaaradah dowladda tababarro kor loogu qaadayo aqoontooda.

Xarunta CRD ee Muqdisho ayaa dhanka kale lagu soo bandhigay boorar kala duwan sawirro ah, kuwaasoo la sheegay inay qayb ka yihiin barnaamijyada nabadda oo lagu wacyi-gelin doono shacabka Soomaaliyeed si ay qayb uga qaataan dib u soo celinta ammaanka dalkooda iyo dib u dhiskiisa.







Maxamed Xaaji Xuseen, Hiiraan Online
[email protected]
Muqdisho, Soomaaliya










Click here
5/25/2013 3:13 PM EST
Sabti, May 25, 2013 (HOL) — Dadweyne careysan ayaa albaabada isugu dhuftay xafiis uu dhowaan urur siyaasadeedka HORSEED ee uu hoggaamiyo madaxweynaha Puntland Cabdiraxmaan Maxamed Faroole, ka furtay degmada qadiimiga ah ee Isku-Shuban oo ka tirsan gobolka Bari.

5/25/2013 3:04 PM EST
Sabti, May 25, 2013 (HOL) — Munaasabad xariga looga jarayay hay’ad samafal oo lagu magcaabo Hormuud Foundation ayaa maanta lagu qabtay Muqdisho, taasoo ay kasoo qaybgaleen mas’uuliyiinta ugu sarreysa shirkadda Isgaarsiinta Hormuud iyo qaybaha kala duwan ee bulshada.

5/25/2013 2:16 PM EST
Sabti, May 25, 2013 (HOL) — Waxaa maanta ka furmay xarunta jaamacadda SIMAD ee Muqdisho bandhig socon doono muddo toddobaad ah kaasoo looga dan leeyahay noolaynta iyo kor u qaadista dhaqanka suuban ee Soomaliya. Bandhigan ayaa loogu magacdaray todobaadka dhaqanka (Caltural Week), iyadoo sanad walba ay sidan oo kale Jaamacaddu u qabato bandhiggan.

5/25/2013 2:15 PM EST
Sabti, May 25, 2013 (HOL) — Ardeyda wax ka barata Jaamacadda Muqdisho –laanteeda Boosaaso- ayaa maanta u fariistay imtixaankii simisterka 2-aad ee sanad dugsiyeedka 2012-2013.

5/25/2013 1:23 PM EST
Sabti, May 25, 2013 (HOL) — Ururka horumarinta haweenka ee IIDA ayaa maanta ugu dabaal-dagtay Muqdisho dagtay sannaguuradii 22-aad ee kasoo wareegtay markii la aasaasay, iyadoo munaasabadda ay kasoo qayb-galeen xubno ka tirsan ururrada bulshada rayidka ah iyo dadweyne kale.

5/25/2013 12:27 PM EST
Sabti, May 25, 2013 (HOL) — Ardeyda ka baxaysa fasalka afraad ee dugsiga sare iyo dugsiga dhexe ee deegaanada Puntland, kuwaasoo ay sanadkan tiradoodu tahay 8,515 ayaa saaka u fariistay imtixaanaadka shahaadiga ah ee 190 iskuul.

5/25/2013 12:24 PM EST
Sabti, May 25, 2013 (HOL) — Roob geystey khasaare maaliyadeed oo badan ayaa xalay ka da’ay degmada Xingalool ee gobolka Sanaag. Roobka oo watey dabeylo aad u xooggan ayaa muddo saacad ka badan ka da’ayey degmada Xingalool iyo deegaanada miyiga ah ee ku hareeraysan.

5/25/2013 12:17 PM EST
Sabti, May 25, 2013 (HOL) — Bam-gacmeed ayaa maanta lagu weeraray gaari ay wateen ciidamada Itoobiya oo marayay bartamaha magaalada Baydhabo ee gobolka Bay, kaasoo sababay dhimashada hal qof iyo dhaawac soo gaaray 14-ruux oo kale.

5/25/2013 11:34 AM EST
Sabti, May 25, 2013 (HOL) — Wafdi uu hoggaaminayo wasiirka gaashaandhigga Somalia, C/xakiin Maxamuud Xaaji Fiqi oo ay ka mid yihiin: wasiirka warfaafinta, C/llaahi Ciilmooge Xirsi iyo wasiirka cadaaladda, C/llaahi Ayan Nuur ayaa ka baaqday safar ay maanta ku tegi lahaayeen magaalada Kismaayo ee xarunta gobolka Jubbada Hoose, kaddib buuq ka dhashay tegistooda Kismaayo.

5/25/2013 8:42 AM EST
Sabti, May 25, 2013 (HOL) — Ururka Suxufiyiinta Somaliland ee SOLJA, ayaa sheegay in aanay ku dhaqmi doonin xeer ay sheegeen inay xukuumaddu wadato oo ururo ay la bahwadaag tahay kala saxeexdeen.

5/25/2013 8:05 AM EST
Sabti, May 25, 2013 (HOL) — Madaxweynaha dalka Kenya, Uhuru Kenyatta ayaa Addis Ababa ka sheegay in dowladdiisu ay ka taageerayso dowladda Soomaaliya qorshaha maamullo u sameynta gobollada Jubbooyinka, isagoo sidoo kale sheegay in ciidamadiisa ku sugan Kismaayo ay qayb ka qaadan doonaan dib dajinta Soomaaliya.

5/25/2013 8:01 AM EST
Sabti, May 25, 2013 (HOL) — Gargaar laga caawinayo dadkii ku xoolo beelay abaartii ku dhuftay qeybo ka tirsan gobolka Hiiraan sanadkii 2011 ayaa waxaa deegaanno hoos-taga degmada Matabaan ee gobolka Hiiraan ka fulisay hay'adda Sustianable Developent Peapce Building Intiative oo loosoo gaabiyo SYPD.

5/25/2013 7:28 AM EST
Sabti, 25 May, 2013(HOL) :- Shir maanta ka dhacay xarunta Jaamacadda Kismaayo islamarkaasina ay kasoo qeybgaleen qaar kamid ah ergadii ka qeybqaadatay shirkii maamul u sameynta Jubooyinka, masuuliyiin ka tirsan maamulkii KMG ahaa ee Kismaayo, siyaasiyiin iyo waxgarad kale ayaa dowladda Soomaaliya loogu baaqay in ay faraha kala baxdo arimaha Jubooyinka islamarkaasina ay sida ugu dhaqsaha badan dib ugu celiso saraakiisha iyo gudiga ay magaalada usoo dirtay.

5/25/2013 1:36 AM EST
Sabti, May 25, 2013 (HOL) — Ciidamada booliiska iyo nabadsugidda Soomaaliya iyo booliiska AMISOM ayaa howgallo baaritaanno ah kawada saakay xaafadda Buulo-xuubeey ee degmada Wadajir iyo jidka weyn ee Maka Al-Mukarama; iyadoo la joojiyay gaadiidkii mari jiray waddaadaas oo ah midda ugu mashquulka badan Muqdisho.

5/25/2013 1:05 AM EST
Sabti, May 25, 2013 (HOL) — Madaxda dalalka ku bahoobay urur goboleedka IGAD oo shir socday illaa xalay ku yeeshay magaalada Addis Ababa ee dalka Itoobiya ayaa isku raaceen in dowladda Soomaaliya ay Muqdisho ku qabato shir maamul KMG ah loogu sameynayo gobollada Jubbooyinka.