7/10/2020
Today from Hiiraan Online:  _
Wararka Maanta- Jimco, May 24, 2013
Madaxda waddamada ku bahoobay IGAD oo Maanta ku kulmaya Magaalada Addis Ababa ee Xarunta Dalka Itoobiya


Jimco, May 24,  2013 (HOL) — Madaxweynayaasha dalalka Bariga Afrika ee ku bahoobay ururka IGAD ayaa maanta kulan ku yeelanaya magaalada Addis Ababa ee xarunta dalka Itoobiya, kaasoo ay kaga hadli doonaan arrinta ka taagan gobollada Jubbooyinka.

Kulankan ayay madaxweynayaashu ku dhageysan doonaan warbixin ay soo saareen guddi farsamo oo ay IGAD horraantii bishan u saartay inay arrinta Kismaayo baaritaan ku sameeyaan, waxaana guddigan ay kulammo kala duwan la yeesheen hoggaamiyeayaasha isku haysta madaxweynenimada Jubbaland.

Shirka madaxweynayaasha ka hor ayaa waxaa lagu wadaa inay shiraan wasiirrada arrimaha dibadda ee IGAD, kuwaaasoo dajin doona qorshayaasha ay ka doodayaan madaxda IGAD.

Guddiga farsamo ee IGAD ay u saartay arrinta Kismaayo ayaa waxaa madax u ah xoghayaha guud ee IGAD, Maxbuub Macallin waxaana warbixintooda ay u gudbiyeen madaxda ururka si ay go’aan cad uga gaaraan arrinta Kismaayo.

Madaxweynaha Soomaaliya, Xasan Sheekh oo ku sugan magaalada Addis Ababa ayaa qayb ka ah madaxda IGAD ee maanta kulanka yeelanaya, iyadoo lagu wado in maalinta berri ahna uu madaxweynuhu ka qaybgalo kulanka madaxda Afirka iyo xuska 50-guuradii aasaaska Midowga Afirka oo ka dhici doona Addis Ababa.

Magaalada Kismaayo ee gobolka Jubbada Hoose ayaa waxaa tan iyo baratmihii bishan ka taagnaa muran ku saabsan cidda hoggaaminaysa maamulka Jubaland oo magaaladaas looga dhawaaqay, iyadoo ay xilkan isku haystaan shan ruux oo ay ugu cad-cad yihiin Axmed Madoobe iyo Barre Hiiraale.

Go’aanka madaxda IGAD ay ka gaaraan arrinta Kismaayo ayaa wuxuu noqon doonaa mid ay soo dhaweyso dowladda Soomaaliya oo horay u sheegtay in sameynta maamulka Jubaland aan loo marin jidkii habboonaa.

Maxamed Xaaji Xuseen, Hiiraan Online
[email protected]
Muqdisho, Soomaaliya










Click here
5/24/2013 4:52 PM EST
Jimco, May 24, 2013 (HOL) — Xildhibaan C/raxmaan Xoosh Jabriil oo ka mid ah wafdi ay xukuumadda Soomaaliya u dirtay magaalada Kismaayo ee gobolka Jubbada Hoose si ay xal uga gaaraan khilaaf ku saabsan maamulka Jubaland ee dhawaan looga dhawaaqay degmadaas ayaa sheegay inay jirto wadashaqeyn la’aan u dhexeysa iyaga iyo ciidamad ka socda Kenya ee qaybta ka ah AMISOM.

5/24/2013 2:03 PM EST
Jimco, May 24, 2013 (HOL) — Xukuumadda Soomaaliya ayaa sheegtay inay diiwaan-gelisay 1,345 ruux oo ajnabi ah oo ku sugan Muqdisho, kuwaasoo la sheegay inay isugu jiraan dublamaasiyiin, shaqaale u shaqeeya NGO-yo iyo ganacsato.

5/24/2013 8:38 AM EST
Jimco, May 24, 2013 (HOL) — Ciidanka booliska magaalada Laascaanood ee gobolka Sool ayaa xabsiga u taxaabay dad haween u badan oo ku sugnaa guri ku yaalla bartamaha magaaladaas.

5/24/2013 7:26 AM EST
Jimco, May 24, 2013 (HOL) — Wasiirrada Arrimaha Dibadda ee IGAD oo kulan ku yeeshay magaalada Addis Ababa ee dalka Itoobiya ayaa waxay ku go'aansadeen in dowladda Somalia ay qabato shir deg-deg ah oo loogu yeerayo dhammaan qaybaha ay quseyso ee ku nool gobollada Jubbooyinka, si shirkaas uu uga soo baxo Road-map lagu dhisayo maamul KMG ah oo laga hirgeliyo Jubbooyinka.

5/24/2013 12:43 AM EST
Jimco, May 24, 2013 (HOL) — Xukuumadda Kenya ayaa dib u furtay diiwaan-gelinta dadka magan-galyo doonka ah ee dalkeeda galaya, kuwaas oo ay ku jiraan qoxootiga ka tagaya Soomaaliya, kaddib lix bilood oo aysan jirin wax diiwaan-gelin ah.

5/24/2013 12:11 AM EST
Jimco, May 24, 2013 (HOL) - Ururka u dhaqdhaqaaqa la dagaalan qabyaaladda ee loo yaqaano ATM (Anti-Tribalism Movement) iyo bahda Isboortiga ee magaalada London ayaa abaal-marin guddoonsiiyey shabakadda Hiiraan Online. Iyagoo ku abaal-mariyey heerka ay ka gaareen warbaahinta iyo sida ay u kasbatay kalsoonida shacabka Soomaaliyeed meel kasta oo ay adduunka ka joogaan.