7/10/2020
Today from Hiiraan Online:  _
Wararka Maanta- Khamiis, May 23, 2013
Xukuumadda Soomaaliya oo soo dhaweysay ka laabashada Mooshinkii laga geeyay Baarlamaanka Somalia (SAWIRRO)



Khamiis, May 23, 2013 (HOL) — Xukuumadda Somalia ayaa soo dhaweysay go’aankii uu baarlamaanka Somaaliya uga laabtay mooshinkii xukuumadda laga keenay, kaddib shir ay golaha wasiirradu ku yeesheen maanta xarunta ay ku leeyihiin Muqdisho, kaasoo uu shir-guddoominayay ra’iisul wasaaraha Soomaaliya, Cabdi Faarax Shirdoon (Saacid).

Golaha wasiirrada ayaa sidoo kale shirkooda kaga hadlay arrimo ay ka mid yihiin federaalka, arrimaha ka taagan Jubbooyinka iyo weliba wadahadalka lagula jira maamulka Somaliland.

Ra’iisal wasaaraha oo warbaahinta la hadlay shirka golaha wasiirada kaddib ayaa sheegay inay soo dhaweyeen go,aankii baarlamaanka ee looga noqday mooshinka ka dhanka ahaa xukuumadda, wuxuuna ka hadlay xaaladda ka taagan magaalada Kismaayo iyo wadahadallada u dhexeeya Soomaaliya iyo Somaliland.

“Si wadajir ah baan u xallinay dareenkii xildhibaannadii mooshinka keenay hadaan nahay labada gole ee dowladda. Kala duwanaanta fikirka haddii si fiican loo isticmaalo wax badan baa laga faa’iidaa, waxaana oran karaa - ka dawlad ahaan waan ka faa’iidaysannay mooshinka. Maanta iyo maalintii la billaabay mooshinka - maantaan kalsooni badannahay oo aan dhihi karaa faham buuxa ayaan ka qabnaa qaabka wadashaqeynta labada gole,” ayuu yiri ra’iisul wasaaraha oo si weyn ugu mahadceliyay shacbiga Soomaaliyeed ee taageerada buuxda u muujiyay xukuumadda muddadii mooshinku socday.

Sidoo kale, ra’iisul waasaraha ayaa si kooban uga warbixiyay horumarka ay ka gaareen arrimha guddaha iyo dhaqaalaha dalka. Wuxuuna xusay inuu jiro kobac dhaqaale oo yididdiilo leh iyo in dalka dib loogu soo noqonayo muddao dheer kaddib.

 

Ra’iisul wasaare Saacid ayaa intaas kaddib ka hadlay arrimaha Kismaayo iyo barnaamijka dowladda ee ku aaddan Jubaland. Wuxuuna ugu horreyn xusay in xukuumaddu leedahay mas’uuliyada federaalka lagu gaarsiinayo dalka oo dha ayna doonayso inay maamul-goboleedyadu ku dhismaan sida dastuurku dhigayo ee ummadda Soomaaliyeed heshiiska ku tahay.

“Dariiqa loo marayo hirgelinta federaalka waa inuu noqdo dariiqa saxda ah ee uu dastuurku qabo, waa in dowladdu leedahay doorka hoggaamineed ee lagu samaynayo maamul-goboleedyada. Sidoo kale waa muhiim in shacabka deegaanku u dhan yihiin oo isku waafaqsan yihiin. Waxaa kaloo muhiim ah inaysan hakad galin la-dagaalanka argagixisada iyo sidii dalka loogu soo dabaali lahaa nabadgalyo buuxda,” ayuu yiri ra’iisul wasaaruhu yiri.

Dhanka kale ra’iisul wasaaruhu wuxuu ka hadlay wadahadaladii u dhexeeya dowladda Soomaaliya iyo Somaliland oo kulankiisa labaad lagu qaban doono magaalada Istanbuul ee dalka Turkiga bisha soo socota, isagoo sheegay inay wadahadaladaas muhiimad gooni ah u leeyihiin ummadda Soomaaliyeed ayna taas ku baraarugsan tahay dowladdu.

“Xukuumad ahaan waxaan doonaynaa inaan gaarno Soomaaliya oo mid ah; isla markaana federaal ah. Waddada aan u hayno jidkaas midnimada waa in aan la sharaysan ee nalagu taageero hawsha naloo igmaday. waxaana doonaynaa Soomaaliya oo mid ah, wax-dheeraad ahna ma doonayno,” ayuu hadalkiisa kusoo gabgabeeyay ra’iisul wasaaraha Soomaaliya.

Waa markii ugu horreysay oo xukuumadda Somalia ay muujiso mowqifkeeda ku aaddan mooshinkii laga geeyay baarlamaanka, iyadoo mooshinkan ay ka soo horjeesteen shacabka Soomaaliyeed.

 

Maxamed Xaaji Xuseen, Hiiraan Online
[email protected]
Muqdisho, Soomaaliya










Click here
5/23/2013 1:08 PM EST
Khamiis, May 23, 2013 (HOL) — Urur goboleedka IGAD ayaa warbixin ay soo saareen maanta waxay ku sheegeen in dowladda Somalia looga dambeeyo dhismaha maamul goboleedyada dalka iyo hirgelinta habka federaalka ah ee dalka uu ku dhaqmayo, iyadoo la ixtiraamayo dastuurka Soomaaliya.

5/23/2013 12:44 PM EST
Khamiis, May 23, 2013 (HOL) — Shan qof ayaa siyaabo kala duwan loogu dilay xalay degmada Gaarisa ee xarunta gobolka Waqooyi-bari Kenya iyo xerada IFO oo ka mid ah xeryaha dhadhaab ee dalka Kenya, iyadoo kooxaha dilalkan geystay ay baxsadeen.

5/23/2013 10:48 AM EST
Kulan ay isugu yimaadeen qaar kamid ah jaaliyadda Soomaaliyeed ee magaalada Nairobi ayaa loogu mahadceliyay xildhibaanadii ka noqday mooshinka ka dhanka ahaa xukuumada Soomaaliya, kaasoo dhicisoobay kadib markii ay ka laabteen tiro badan oo xildhibaano ah, iyadoo ay soo hareen wax ka yar 40 xildhibaan.

5/23/2013 8:11 AM EST
Khamiis, May 23, 2013 (HOL) —Maxkamadda ciidamada qalabka sida ee Puntland ayaa maanta xukun dil ah ku riddey eedaysaneyaal loo soo qabtay dilkii Sheekh C/qaadir Nuur Faarax – oo bishii lasoo dhaafay ee Febaraayo- lagu diley magaalada Garoowe ee xarunta gobolka Nugaal.

5/23/2013 8:07 AM EST
Khamiis, May 23, 2013 (HOL) — Madaxweynaha Soomaaliya oo ka hadlayay munaasabad loogu dabaal-dagayay 50-guuradii kasoo wareegtay markii la aasaasay ururuka Midowga Afirka oo maanta Muqdisho lagu qabtay ayaa sheegay inuu rajeynayo in dhawaan shirka ururka Midowga Afrika lagu qabto magaalada Muqdisho ee xarunta Soomaaliya.

5/23/2013 8:06 AM EST
Khamiis, May 23, 2013 (HOL) — Bannaanbax ay ka qaybagleen boqollaal qof iyo mas’uuliyiinta gobolka Banaadir laguna taageerayay dowladda Somalia iyo mooshinkii ay ka laabteen xubnaha baarlamaanka Soomaaliya ayaa lagu qabtay magaalada Muqdisho ee xarunta Soomaaliya.

5/23/2013 8:04 AM EST
Khamiis, May 23, 2013 (HOL) — Waxaa magaalada Addis Ababa ee dalka Itoobiya ka furmay shir looga hadlayo badbaadada iyo nabadda warbaahinta ku hadasha Afka Soomaaliga si oo ay ka qeybgalayaan saxafiyiin ka kala yimid Soomaaliya, Somaliland iyo Yurub.

5/23/2013 7:14 AM EST
Warbixin oo uu soo bandhigay guddiga runta, cadaalada iyo dib u hesheesiinta Kenya ee (TJRC) ayaa muujinaysa tacadiyadii lixaadka lahaa ee ay la kulmeen Soomaalida ku nool gobolka waqooyi bari ee dalka Kenya, kuwaasoo loo gaystay xadgudubyo ka dhan ah xuquuqda aadanaha xilliyadii gumaysiga iyo maamuladii ka dambeeyay ee ay kala hogaaminayeen madaxweynayaashii Jommo Kenyatta iyo Daniel Arab Moi.

5/23/2013 6:24 AM EST
Khamiis, May 23, 2013 (HOL) — Warar dheeraad ah oo ayaa ka soo baxaya dagaal culus oo deegaanno galbeedka kaga beegan magaalada Baladweyne ee xarunta gobollka Hiiraan ku dhaxmaray xoogagga Al-shabaab iyo dad xoola dhaqato ah, kadib markii sida wararku sheegayaan Al-shabaab weerar ku qaadeen deegaannka Far-libaax ee gobolka Hiiraan.

5/23/2013 5:30 AM EST
Khamiis, May 23, 2013(HOL) :- Gudigii ka koobnaa 16-ka xubnood ee dowladda Soomaaliya u magacoowday arimaha Jubooyinka, mudooyinkii u danbeeyayna ku sugnaa magaalada Kismaayo ayaa ka warbixiyay halka ay u marayaan kulamo maalmihii u danbeeyay ay la lahaayeen waxgaradka iyo odoyaasha kasoo jeeda Jubooyinka.

5/23/2013 2:08 AM EST
Khamiis, May 23, 2013 (HOL) — Dowladda Uganda ayaa waxay waddaa olole ay ku doonayso in dalalka Afrika ay go’aan cad kaga qaataan maxkamadda dambiyada dagaalka caalamiga ah ee ICC, taasoo ay ku eedeeyeen inay bar-tilmaameed ka dhigato madaxda Afrika.

5/23/2013 1:40 AM EST
Khamiis, May 23, 2013 (HOL) — Munaasabad lagu xusayo sannad-guuradii 50-aad ee kasoo wareegtay markii la aasaasay ururka Midowga Afrika ayaa maanta ka dhacay Muqdisho, iyadoo lagu wado in madaxda dowladda ugu sarreysa ay ka qaybgalaan munaasabaddaas.