7/10/2020
Today from Hiiraan Online:  _
Wararka Maanta- Arbaco, May 23, 2013
Xaflad loogu Mahadceliyay Xildhibaannadii ka laabtay Mooshinkii ka Dhanka ahaa Xukuumadda oo lagu qabtay Nairobi (SAWIRRO)


M1380045.jpg
Khamiis, May 23, 2013 (HOL) - Kulan ay isugu yimaadeen qaar kamid ah jaaliyadda Soomaaliyeed ee magaalada Nairobi ayaa loogu mahadceliyay xildhibaanadii ka noqday mooshinka ka dhanka ahaa xukuumada Soomaaliya, kaasoo dhicisoobay kadib markii ay ka laabteen tiro badan oo xildhibaano ah,  iyadoo ay soo hareen wax ka yar 40 xildhibaan.

Waxaana gudoomiyaha baarlamaanka Soomaaliya uu shalay shaaciyay in mooshinkaas u sharci darro yahay maadaama ay ka noqdeen xildhibaano badan kuwa soo harayna aysan kooramka buuxinayn.

Waxaa kaloo xafladda ka dhacday Nairobi taageero loogu muujiyay Col. Barre Aadan Shire Hiiraale oo kamid ah madaxweynayaasha dhawaan looga dhawaaqay Kismaayo ee isku haysta hogaanka maamul goboleedka Jubbaland.

Ugaas Shaafici Ugaas Aadan oo halkaas ka hadlay ayaa sheegay inay la dhacsanyihiin in xukuumada Soomaaliya ay sii shaqayso, isagoo ka codsaday baarlamaanka inay ka waantoobaan waxwalba oo dalka dib ugu celin kara isqabqabsiyadii taagnaa markii ay dalka ka jireen dawladihii KMG ahaa.

Farey Xaaji Jucuur oo hadal dheer  halkaas ka jeediyay ayaa sheegay inaysan aqbali doonin in Soomaaliya gadaal loogu celiyo dagaal sokeeye oo laga horyimaado dawlada dalka ka jirta.

“Dawladu iyadaa dalka masuul ka ah, cidii ka hortimaada ujeedkeedu waa inaan laga dhaqaaqin meesha aynu joogno, Soomaaliyi yeeli mayso” ayuu yiri.

M1380042.jpg

Col. Maxamuud Culusow oo kamid ahaa dadkii halkaas ka hadlay ayaa sheegay inuu muddo dheer kasoo shaqeeyay gobollada Jubbooyinka uuna yaqaano gobolladaas, isagoo ka codsaday dadka isku haya maamulkeeda inay tixgaliyaan rabitaanka shacabka.

Abwaanad Dhoofo Khaliif oo iyaduna goobtaas ka hadashay ayaa sheegtay inaan la aqbali Karin mooshinkii baarlamaanka oo ay ku tilmaantay inuu noqon lahaa mid dib u celiya dalka hadii uu guulaysan lahaa.

“ Xildhibaanadii ka noqday waa mahadsanyihiin, kuwa wali ku dhagganse waxaan ugu baaqaynaa ugaasyadoodii inay dad kale ku soo badashaan, annagu ma rabno isqabqabsi dambe” ayay tiri Dhoofo.

Suldaan Axmed Jimcaale ayaa isna mahad ballaaran u jeediyay xildhibaanada oo uu ku sheegay inay ku jiraan dad badan oo wanaagsan, balse loo baahanyahay kuwa fowdada wada in la iska qabto.

Ugu dambayntiina kasoo qaybgalayaashii shirka oo taageero u muujiyay Col. Barre Aadan Shire Hiiraale ayaa sheegay inay isaga u aqoonsanyihiin madaxweyne, balse ay ku qanci doonaan dawlada federaalka ah ee Soomaaliya go’aan walba oo ay qaadato ayna taageersanyihiin madaxda qaranka.

M1380009.jpg
M1380001.jpg
M1380015.jpg
M1380060.jpg
M1380020.jpgM1380036.jpg
M1380050.jpg
M1380065.jpg

Axmed C/samad, Hiiraan Online
[email protected]
Nairobi , Kenya
   








Click here
5/23/2013 1:08 PM EST
Khamiis, May 23, 2013 (HOL) — Urur goboleedka IGAD ayaa warbixin ay soo saareen maanta waxay ku sheegeen in dowladda Somalia looga dambeeyo dhismaha maamul goboleedyada dalka iyo hirgelinta habka federaalka ah ee dalka uu ku dhaqmayo, iyadoo la ixtiraamayo dastuurka Soomaaliya.

5/23/2013 12:44 PM EST
Khamiis, May 23, 2013 (HOL) — Shan qof ayaa siyaabo kala duwan loogu dilay xalay degmada Gaarisa ee xarunta gobolka Waqooyi-bari Kenya iyo xerada IFO oo ka mid ah xeryaha dhadhaab ee dalka Kenya, iyadoo kooxaha dilalkan geystay ay baxsadeen.

5/23/2013 12:11 PM EST
Khamiis, May 23, 2013 (HOL) — Xukuumadda Somalia ayaa soo dhaweysay go’aankii uu baarlamaanka Somaaliya uga laabtay mooshinkii xukuumadda laga keenay, kaddib shir ay golaha wasiirradu ku yeesheen maanta xarunta ay ku leeyihiin Muqdisho, kaasoo uu shir-guddoominayay ra’iisul wasaaraha Soomaaliya, Cabdi Faarax Shirdoon (Saacid).

5/23/2013 8:11 AM EST
Khamiis, May 23, 2013 (HOL) —Maxkamadda ciidamada qalabka sida ee Puntland ayaa maanta xukun dil ah ku riddey eedaysaneyaal loo soo qabtay dilkii Sheekh C/qaadir Nuur Faarax – oo bishii lasoo dhaafay ee Febaraayo- lagu diley magaalada Garoowe ee xarunta gobolka Nugaal.

5/23/2013 8:07 AM EST
Khamiis, May 23, 2013 (HOL) — Madaxweynaha Soomaaliya oo ka hadlayay munaasabad loogu dabaal-dagayay 50-guuradii kasoo wareegtay markii la aasaasay ururuka Midowga Afirka oo maanta Muqdisho lagu qabtay ayaa sheegay inuu rajeynayo in dhawaan shirka ururka Midowga Afrika lagu qabto magaalada Muqdisho ee xarunta Soomaaliya.

5/23/2013 8:06 AM EST
Khamiis, May 23, 2013 (HOL) — Bannaanbax ay ka qaybagleen boqollaal qof iyo mas’uuliyiinta gobolka Banaadir laguna taageerayay dowladda Somalia iyo mooshinkii ay ka laabteen xubnaha baarlamaanka Soomaaliya ayaa lagu qabtay magaalada Muqdisho ee xarunta Soomaaliya.

5/23/2013 8:04 AM EST
Khamiis, May 23, 2013 (HOL) — Waxaa magaalada Addis Ababa ee dalka Itoobiya ka furmay shir looga hadlayo badbaadada iyo nabadda warbaahinta ku hadasha Afka Soomaaliga si oo ay ka qeybgalayaan saxafiyiin ka kala yimid Soomaaliya, Somaliland iyo Yurub.

5/23/2013 7:14 AM EST
Warbixin oo uu soo bandhigay guddiga runta, cadaalada iyo dib u hesheesiinta Kenya ee (TJRC) ayaa muujinaysa tacadiyadii lixaadka lahaa ee ay la kulmeen Soomaalida ku nool gobolka waqooyi bari ee dalka Kenya, kuwaasoo loo gaystay xadgudubyo ka dhan ah xuquuqda aadanaha xilliyadii gumaysiga iyo maamuladii ka dambeeyay ee ay kala hogaaminayeen madaxweynayaashii Jommo Kenyatta iyo Daniel Arab Moi.

5/23/2013 6:24 AM EST
Khamiis, May 23, 2013 (HOL) — Warar dheeraad ah oo ayaa ka soo baxaya dagaal culus oo deegaanno galbeedka kaga beegan magaalada Baladweyne ee xarunta gobollka Hiiraan ku dhaxmaray xoogagga Al-shabaab iyo dad xoola dhaqato ah, kadib markii sida wararku sheegayaan Al-shabaab weerar ku qaadeen deegaannka Far-libaax ee gobolka Hiiraan.

5/23/2013 5:30 AM EST
Khamiis, May 23, 2013(HOL) :- Gudigii ka koobnaa 16-ka xubnood ee dowladda Soomaaliya u magacoowday arimaha Jubooyinka, mudooyinkii u danbeeyayna ku sugnaa magaalada Kismaayo ayaa ka warbixiyay halka ay u marayaan kulamo maalmihii u danbeeyay ay la lahaayeen waxgaradka iyo odoyaasha kasoo jeeda Jubooyinka.

5/23/2013 2:08 AM EST
Khamiis, May 23, 2013 (HOL) — Dowladda Uganda ayaa waxay waddaa olole ay ku doonayso in dalalka Afrika ay go’aan cad kaga qaataan maxkamadda dambiyada dagaalka caalamiga ah ee ICC, taasoo ay ku eedeeyeen inay bar-tilmaameed ka dhigato madaxda Afrika.

5/23/2013 1:40 AM EST
Khamiis, May 23, 2013 (HOL) — Munaasabad lagu xusayo sannad-guuradii 50-aad ee kasoo wareegtay markii la aasaasay ururka Midowga Afrika ayaa maanta ka dhacay Muqdisho, iyadoo lagu wado in madaxda dowladda ugu sarreysa ay ka qaybgalaan munaasabaddaas.