7/10/2020
Today from Hiiraan Online:  _
Wararka Maanta- Khamiis, May 23, 2013
Guddigii Dowladda Somalia ay u xilsaartay Arrimaha Gobollada Jubbooyinka oo ka Warbixiyay halka ay wax u marayaan


Khamiis, May 23, 2013(HOL) :- Gudigii ka koobnaa 16-ka xubnood ee dowladda Soomaaliya u magacoowday arimaha Jubooyinka, mudooyinkii u danbeeyayna ku sugnaa magaalada Kismaayo ayaa ka warbixiyay halka ay u marayaan kulamo maalmihii u danbeeyay ay la lahaayeen waxgaradka iyo odoyaasha kasoo jeeda Jubooyinka.

Xildhibaan C/laahi Yuusuf Xasan (Alankey) oo ka mid ah gudiga oo warbaahinta la hadlay ayaa sheegay in ay meel wanaagsan u marayaan howlihii ay dowladda Soomaaliya usoo xilsaartay, isagoona xusay in ay kulamo la qaateen odoyaasha beelaha dega Jubooyinka, saraakiisha ciidamada, ururrada bulshada rayidka iyo weliba qaar kamid ah siyaasiyiinta kasoo jeeda Juboooyinka.

Masuulkan ayaa sheegay in ujeedada ay u yimaadeen magaalada Kismaayo ay ahayd sidii shir dib u heshiisiin ah loogu qaban lahaa beelaha dega Jubooyinka, wuxuuna tilmaamay in shirarkii ka dhacay magaalada Kismaayo iyo weliba doorashooyinkii madaxweeynayaasha sheeganaya Jubbaland ay ahayd mid aan waafaqsanayn sharciga iyo qaanuunka u yaal dalka.

“Dadka shacabka ah waan la kulannay, odoyaal dhaqameedyada ayaan la kulannay, waxaan la kulannay bulshada rayidka ah, dumarka ayaan gooni u aragnay, ciidamada saraakiishooda iyo iyagaba waan aragnay, koley fariinti aan wadnay way soo dhaweeyeen, ayaguna waxay lahaayeen waxaanu dooneynaa dowladnimo iyo in wadanka loo helo xal waara,” ayuu masuulkani hadalkiisii raaciyay.

Xildhibaan ayaa sidoo kale sheegay in ilaa imika aysan jirin wax kulamo ah oo ay la qaateen afarta madaxweeyne ee sheeganeeysa hogaanka Jubbaland, isagoona intaa ku daray in aysan jirin cid ay u aqoonsanyihiin madaxweeynenimada Jubbaland.

 Ugu danbeyn masuulkan ayaa ugu baaqay shacabka ku dhaqan Jubooyinka in ay taageeraan qorshaha dowladda Soomaaliya ay dooneeyso in ay ku xasiliso dalka, isagoona intaa ku daray in hadii aan sidaa la sameyn ay dhici karto in gobollada Jubooyinka ay dib ugu noqdaan colaadihii iyo dagaalladii sokeeye ee uu dalku kasoo gudbay.

Xasan Nuur, Hiiraan Online
[email protected]
Kismaayo-Soomaaliya










Click here
5/23/2013 1:08 PM EST
Khamiis, May 23, 2013 (HOL) — Urur goboleedka IGAD ayaa warbixin ay soo saareen maanta waxay ku sheegeen in dowladda Somalia looga dambeeyo dhismaha maamul goboleedyada dalka iyo hirgelinta habka federaalka ah ee dalka uu ku dhaqmayo, iyadoo la ixtiraamayo dastuurka Soomaaliya.

5/23/2013 12:44 PM EST
Khamiis, May 23, 2013 (HOL) — Shan qof ayaa siyaabo kala duwan loogu dilay xalay degmada Gaarisa ee xarunta gobolka Waqooyi-bari Kenya iyo xerada IFO oo ka mid ah xeryaha dhadhaab ee dalka Kenya, iyadoo kooxaha dilalkan geystay ay baxsadeen.

5/23/2013 12:11 PM EST
Khamiis, May 23, 2013 (HOL) — Xukuumadda Somalia ayaa soo dhaweysay go’aankii uu baarlamaanka Somaaliya uga laabtay mooshinkii xukuumadda laga keenay, kaddib shir ay golaha wasiirradu ku yeesheen maanta xarunta ay ku leeyihiin Muqdisho, kaasoo uu shir-guddoominayay ra’iisul wasaaraha Soomaaliya, Cabdi Faarax Shirdoon (Saacid).

5/23/2013 10:48 AM EST
Kulan ay isugu yimaadeen qaar kamid ah jaaliyadda Soomaaliyeed ee magaalada Nairobi ayaa loogu mahadceliyay xildhibaanadii ka noqday mooshinka ka dhanka ahaa xukuumada Soomaaliya, kaasoo dhicisoobay kadib markii ay ka laabteen tiro badan oo xildhibaano ah, iyadoo ay soo hareen wax ka yar 40 xildhibaan.

5/23/2013 8:11 AM EST
Khamiis, May 23, 2013 (HOL) —Maxkamadda ciidamada qalabka sida ee Puntland ayaa maanta xukun dil ah ku riddey eedaysaneyaal loo soo qabtay dilkii Sheekh C/qaadir Nuur Faarax – oo bishii lasoo dhaafay ee Febaraayo- lagu diley magaalada Garoowe ee xarunta gobolka Nugaal.

5/23/2013 8:07 AM EST
Khamiis, May 23, 2013 (HOL) — Madaxweynaha Soomaaliya oo ka hadlayay munaasabad loogu dabaal-dagayay 50-guuradii kasoo wareegtay markii la aasaasay ururuka Midowga Afirka oo maanta Muqdisho lagu qabtay ayaa sheegay inuu rajeynayo in dhawaan shirka ururka Midowga Afrika lagu qabto magaalada Muqdisho ee xarunta Soomaaliya.

5/23/2013 8:06 AM EST
Khamiis, May 23, 2013 (HOL) — Bannaanbax ay ka qaybagleen boqollaal qof iyo mas’uuliyiinta gobolka Banaadir laguna taageerayay dowladda Somalia iyo mooshinkii ay ka laabteen xubnaha baarlamaanka Soomaaliya ayaa lagu qabtay magaalada Muqdisho ee xarunta Soomaaliya.

5/23/2013 8:04 AM EST
Khamiis, May 23, 2013 (HOL) — Waxaa magaalada Addis Ababa ee dalka Itoobiya ka furmay shir looga hadlayo badbaadada iyo nabadda warbaahinta ku hadasha Afka Soomaaliga si oo ay ka qeybgalayaan saxafiyiin ka kala yimid Soomaaliya, Somaliland iyo Yurub.

5/23/2013 7:14 AM EST
Warbixin oo uu soo bandhigay guddiga runta, cadaalada iyo dib u hesheesiinta Kenya ee (TJRC) ayaa muujinaysa tacadiyadii lixaadka lahaa ee ay la kulmeen Soomaalida ku nool gobolka waqooyi bari ee dalka Kenya, kuwaasoo loo gaystay xadgudubyo ka dhan ah xuquuqda aadanaha xilliyadii gumaysiga iyo maamuladii ka dambeeyay ee ay kala hogaaminayeen madaxweynayaashii Jommo Kenyatta iyo Daniel Arab Moi.

5/23/2013 6:24 AM EST
Khamiis, May 23, 2013 (HOL) — Warar dheeraad ah oo ayaa ka soo baxaya dagaal culus oo deegaanno galbeedka kaga beegan magaalada Baladweyne ee xarunta gobollka Hiiraan ku dhaxmaray xoogagga Al-shabaab iyo dad xoola dhaqato ah, kadib markii sida wararku sheegayaan Al-shabaab weerar ku qaadeen deegaannka Far-libaax ee gobolka Hiiraan.

5/23/2013 2:08 AM EST
Khamiis, May 23, 2013 (HOL) — Dowladda Uganda ayaa waxay waddaa olole ay ku doonayso in dalalka Afrika ay go’aan cad kaga qaataan maxkamadda dambiyada dagaalka caalamiga ah ee ICC, taasoo ay ku eedeeyeen inay bar-tilmaameed ka dhigato madaxda Afrika.

5/23/2013 1:40 AM EST
Khamiis, May 23, 2013 (HOL) — Munaasabad lagu xusayo sannad-guuradii 50-aad ee kasoo wareegtay markii la aasaasay ururka Midowga Afrika ayaa maanta ka dhacay Muqdisho, iyadoo lagu wado in madaxda dowladda ugu sarreysa ay ka qaybgalaan munaasabaddaas.