7/10/2020
Today from Hiiraan Online:  _
Wararka Maanta- Khamiis, May 23, 2013
Dowladda Uganda oo wada qorshe ay ku doonayso in Waddamada Afrika ay go’aan uga qaataan Maxkamadda ICC



Khamiis, May 23, 2013 (HOL) — Dowladda Uganda ayaa waxay waddaa olole ay ku doonayso in dalalka Afrika ay go’aan cad kaga qaataan maxkamadda dambiyada dagaalka caalamiga ah ee ICC, taasoo ay ku eedeeyeen inay bar-tilmaameed ka dhigato madaxda Afrika.

Hindisahan ayaa waxaa si weyn u soo dhaweeyay dalal ay ka mid tahay Kenya oo madaxweynaheeda iyo ku xigeenkiisaba ay dacwad ka dhan ah bani’aadamnimadu kaga socoto maxkamadda dambiyada dagaalka ee caalamiga ah.

“Madaxda Afrika waa inay go’aan ka qaataan maxkamadda ICC oo inta badan beegsata madaxda Afirka, haddii kale waxaa imaanaysa in dal walba oo Afirkaan ha uu iskiis go’aan uga gaaro maxkamadda” ayaa lagu yiri warbixin ay soo saartay dowladda Uganda.

Warbixintan ayaa waxaa la hordhigi doonaa maanta shirka ay wasiirrada arrimaha dibadda ee Afirka ku yeelanayaan magaalada Addis Ababa kaasoo gogol-xaar u ah shirka madaxweynayaasha Afirka oo dhaca 25-ka bishan May.

Dadaalka dowladda Uganda ayaa wuxuu u muuqdaa mid iyada keligeed ay qaadatay oo aysan la qabin dalalka kale ee Afrika, balse ay doonayso inay kaga dhaadhiciso in go’aankan ay la qaataan.

Maxkamadda dambiyada caalamiga ah ee ICC ayaa waxay horay amar ugu bixisay in lasoo qabto madaxweynaha Sudan, Cumar Xasan Al-Bashiir uu galay dambiyo ka dhan ah bani’aadamnida, laakiin isagu wuu ku gacan-saray.

Dalka Uganda ayaa wuxuu ka mid tahay dalalka aqoonsan maxkamadda lana shaqeeya, iyadoo aan la ogeyn sida uu noqon doono go’aanka ay ku doonayaan inay dalalka Afrika fikir mideysan uga qaataan maxkamadda.

Maxamed Xaaji Xuseen, Hiiraan Online
[email protected]
Muqdisho, Soomaaliya










Click here
5/23/2013 1:08 PM EST
Khamiis, May 23, 2013 (HOL) — Urur goboleedka IGAD ayaa warbixin ay soo saareen maanta waxay ku sheegeen in dowladda Somalia looga dambeeyo dhismaha maamul goboleedyada dalka iyo hirgelinta habka federaalka ah ee dalka uu ku dhaqmayo, iyadoo la ixtiraamayo dastuurka Soomaaliya.

5/23/2013 12:44 PM EST
Khamiis, May 23, 2013 (HOL) — Shan qof ayaa siyaabo kala duwan loogu dilay xalay degmada Gaarisa ee xarunta gobolka Waqooyi-bari Kenya iyo xerada IFO oo ka mid ah xeryaha dhadhaab ee dalka Kenya, iyadoo kooxaha dilalkan geystay ay baxsadeen.

5/23/2013 12:11 PM EST
Khamiis, May 23, 2013 (HOL) — Xukuumadda Somalia ayaa soo dhaweysay go’aankii uu baarlamaanka Somaaliya uga laabtay mooshinkii xukuumadda laga keenay, kaddib shir ay golaha wasiirradu ku yeesheen maanta xarunta ay ku leeyihiin Muqdisho, kaasoo uu shir-guddoominayay ra’iisul wasaaraha Soomaaliya, Cabdi Faarax Shirdoon (Saacid).

5/23/2013 10:48 AM EST
Kulan ay isugu yimaadeen qaar kamid ah jaaliyadda Soomaaliyeed ee magaalada Nairobi ayaa loogu mahadceliyay xildhibaanadii ka noqday mooshinka ka dhanka ahaa xukuumada Soomaaliya, kaasoo dhicisoobay kadib markii ay ka laabteen tiro badan oo xildhibaano ah, iyadoo ay soo hareen wax ka yar 40 xildhibaan.

5/23/2013 8:11 AM EST
Khamiis, May 23, 2013 (HOL) —Maxkamadda ciidamada qalabka sida ee Puntland ayaa maanta xukun dil ah ku riddey eedaysaneyaal loo soo qabtay dilkii Sheekh C/qaadir Nuur Faarax – oo bishii lasoo dhaafay ee Febaraayo- lagu diley magaalada Garoowe ee xarunta gobolka Nugaal.

5/23/2013 8:07 AM EST
Khamiis, May 23, 2013 (HOL) — Madaxweynaha Soomaaliya oo ka hadlayay munaasabad loogu dabaal-dagayay 50-guuradii kasoo wareegtay markii la aasaasay ururuka Midowga Afirka oo maanta Muqdisho lagu qabtay ayaa sheegay inuu rajeynayo in dhawaan shirka ururka Midowga Afrika lagu qabto magaalada Muqdisho ee xarunta Soomaaliya.

5/23/2013 8:06 AM EST
Khamiis, May 23, 2013 (HOL) — Bannaanbax ay ka qaybagleen boqollaal qof iyo mas’uuliyiinta gobolka Banaadir laguna taageerayay dowladda Somalia iyo mooshinkii ay ka laabteen xubnaha baarlamaanka Soomaaliya ayaa lagu qabtay magaalada Muqdisho ee xarunta Soomaaliya.

5/23/2013 8:04 AM EST
Khamiis, May 23, 2013 (HOL) — Waxaa magaalada Addis Ababa ee dalka Itoobiya ka furmay shir looga hadlayo badbaadada iyo nabadda warbaahinta ku hadasha Afka Soomaaliga si oo ay ka qeybgalayaan saxafiyiin ka kala yimid Soomaaliya, Somaliland iyo Yurub.

5/23/2013 7:14 AM EST
Warbixin oo uu soo bandhigay guddiga runta, cadaalada iyo dib u hesheesiinta Kenya ee (TJRC) ayaa muujinaysa tacadiyadii lixaadka lahaa ee ay la kulmeen Soomaalida ku nool gobolka waqooyi bari ee dalka Kenya, kuwaasoo loo gaystay xadgudubyo ka dhan ah xuquuqda aadanaha xilliyadii gumaysiga iyo maamuladii ka dambeeyay ee ay kala hogaaminayeen madaxweynayaashii Jommo Kenyatta iyo Daniel Arab Moi.

5/23/2013 6:24 AM EST
Khamiis, May 23, 2013 (HOL) — Warar dheeraad ah oo ayaa ka soo baxaya dagaal culus oo deegaanno galbeedka kaga beegan magaalada Baladweyne ee xarunta gobollka Hiiraan ku dhaxmaray xoogagga Al-shabaab iyo dad xoola dhaqato ah, kadib markii sida wararku sheegayaan Al-shabaab weerar ku qaadeen deegaannka Far-libaax ee gobolka Hiiraan.

5/23/2013 5:30 AM EST
Khamiis, May 23, 2013(HOL) :- Gudigii ka koobnaa 16-ka xubnood ee dowladda Soomaaliya u magacoowday arimaha Jubooyinka, mudooyinkii u danbeeyayna ku sugnaa magaalada Kismaayo ayaa ka warbixiyay halka ay u marayaan kulamo maalmihii u danbeeyay ay la lahaayeen waxgaradka iyo odoyaasha kasoo jeeda Jubooyinka.

5/23/2013 1:40 AM EST
Khamiis, May 23, 2013 (HOL) — Munaasabad lagu xusayo sannad-guuradii 50-aad ee kasoo wareegtay markii la aasaasay ururka Midowga Afrika ayaa maanta ka dhacay Muqdisho, iyadoo lagu wado in madaxda dowladda ugu sarreysa ay ka qaybgalaan munaasabaddaas.