7/10/2020
Today from Hiiraan Online:  _
Wararka Maanta- Arbaco, May 22, 2013
Gudoomiyaha Deegaanka Buusaar ee Gobolka Gedo oo ka Badbaaday Qarax lagula beegsaday Hooygiisa


Arbaco, May 22, 2013(HOL) :- Wararka ka imaanaya deegaanka Buusaar oo qiyaastii 40 KM dhanka Bari uga beegaanka Degmada Ceelwaaq ee gobolka Gedo ayaa sheegaya in goordhaw qarax lala eegtay gudoomiyaha deegaanka Buusaar Mudane Iftiin Xuseen C/laahi, iyadoona qaraxaasi uu ka badbaaday gudoomiyaha.

Qaraxan oo la sheegay in la saaray saanqaafka kore ee guriga uu daganyahay gudoomiyaha ayaa waxa uu sababay dhaawacyo soo gaaray laba qof oo ka mid ah ehelka gudoomiyaha, waxaana qaraxaasi ka badbaaday gudoomiyaha oo lala damacsanaa weerarka.

Dhaawacyada dadkii ku waxyeeloobay qaraxa ayaa lagu daweeynayaa Isbital ay ciidamada AMISOM ku leeyihiin deegaanka Buusaar ee gobolka Gedo.

Col C/laahi Buulle oo ah madaxa ciidamada danbi baarista galbeedka gobolka Gedo oo HOL u waramay ayaa sheegay in qaraxu ahaa mid la saaray saanqaafka kore ee guriga uu daganyahay gudoomiyaha, wuxuuna intaa ku daray in qaraxu ay ku waxyeeloobeen laba qof oo ka tirsan qoyska gudoomiyaha.

Gudoomiyaha ayaa ku eedeeyay qaraxan in ay ka danbeeyay dagaalyahannada Al-shabaab, wuxuuna xusay in ay wadaan baaritaanno la xiriira arintaasi.

Ilaa imika ma jiraan masuuliyiin katirsan Al-shabaab oo ka hadashay weerarkaasi, haseyeeshee weerarrada ceynkan oo kale ah ayaa aalaaba ka dhaca gobollada dalka Soomaaliya.

Xasan Nuur, Hiiraan Online
[email protected]
Kismaayo-Soomaaliya.










Click here
5/22/2013 9:34 AM EST
Arbaco, May 22, 2013 (HOL) — Bandhig-dhaqameed ay kasoo qayb-galeen in ka badan 50-dowladoood ayaa ka dhacay magaalada qadiimigaa ee Konya oo ku taalla dalka Turkiga. Bandhig dhaqameedkan ayaa loosoo agaasimay si layaab leh, iyadoo ay ka dhex muuqdeen ardayda Soomaaliyeed ee wax ka barta dalka Turkiga Soomaalida dalkaas ku nool.

5/22/2013 9:11 AM EST
Arbaco, May 22, 2013 (HOL) — Kumannaan Soomaali ah ayaa dawooyin lacag la’aan ah ka helay isbitaalka Shifo oo ka mid ah isbitaallada ay ka hirgelisay Muqdisho hay’adaha bisha cas ee Turkiga iyo hay’adda TIKA oo dhinaca horumarinta dibadda u qaabilsan dowladda Turkiga.

5/22/2013 9:09 AM EST
Shir hordhac ah oo loogu gogol Xaarayo shirweynaha dib u dhiska Soomaaliya ayaa lagu qabtay magaalada Nairobi ee xarunta dalka Kenya.

5/22/2013 8:09 AM EST
Arbaco, May 22, 2013 (HOL) — Ra’iisul wasaaraha Soomaaliya, Cabdi Faarax Shirdoon (Saacid) ayaa maanta xafiiskiisa ku qaabilay wafti uu hoggaaminayo wakiilka Midowga Afrika ee Soomaaliya, danjire Maxamed Saalax Anaadif iyo saraakiisha sar-sare ee AMISOM.

5/22/2013 7:50 AM EST
Arbaco, May 22, 2013 (HOL) — Xildhibaannada baarlamaanka ayaa dib uga laabtay maanta Mooshin ay ka keeneen xukuumadda Soomaaliya sida uu ka sheegay fadhigii maanta ee baarlamaanka guddoomiyaha baarlamaanka Somaaliya, Prof. Maxamed Sheekh Cismaan (Jawaari).

5/22/2013 3:31 AM EST
Arbaco, May 22, 2013 (HOL) — Saraakiisha gobolka Oklahoma ee dalka Mareykanka ee ay duufaantii xooganeyd ku dhufatay gelinkii dambe ee isniintii ayaa sheegay in ay rejo wanaagsan ka qabaan in ay dhawaan soo af-jaraan howlaha gurmadka ah ee ay wadeen tan iyo tii ay mashaqadu dhacday, taasi oo ay ku baadi-goobeyaan dadka iyo duunyo wixii ay ku habsadeen dhismeyaashii dumay.

5/22/2013 3:22 AM EST
Arbaco, May 22, 2013 (HOL) — Xildhibaannada baarlamaanka Soomaaliya ayaa lagu wadaa inay maanta ka doodaan mooshin ka dhan ah xukuumadda Soomaaliya kaasoo dhawaan la horgeeyay baarlamaanka, inkastoo xubno ka mid ah kuwii saxiixay ay sheegeen inay ka la laabteen go’aankooda.