7/10/2020
Today from Hiiraan Online:  _
Wararka Maanta- Talaado, May 21, 2013
Guddoomiye Cusub oo loo doortay Degmada Buur-hakaba ee Gobolka Bay iyo Khilaafkii Maamulka Gobolka oo la xalliyay


Talaado, May 21, 2013 (HOL) — Degmada Buurhakabo ee gobolka Bay yaa maanta loo doortay guddoomiye cusub kaasoo lagu magacaabo, Axmed Maxamed Yuusuf oo loo yaqaano (Axmed Layaab), doorashada ayaa waxaa kasoo goobjoog ka ahaa wafuud ka socatay wasaaradda arrimaha gudaha iyo Amniga Qaranka ee dowladda Soomaaliya iyo madaxda maamulka Bay, waxaa kaloo goob-joog ka ahaa ahaa madxda AMISOM iyo ugaasyada Digil iyo Mirifle.

Doorashada ayaa waxaa ku tartamayay shan ruux oo ah aqoonyahanno ka tirsan degmada Buurhabaka oo ka mid ah degmooyinka gobolka Bay ee ay dowladda Soomaaliya gacanta ku hayso, iyadoo uu ku guuleystay mas’uulka la doortay ee Axmed Layaab.

Magaalada Buurhakabo ayaa tan iyo markii ay ciidamada dowladda iyo kuwa AMISOM kala wareegeen Xarakada Al-shabaab waxay ahayd mid aan lahayn laga amar-qaato iyadoo ay jireen laba guddoomiye oo is-magacaabay.

Dhanka kale, degmada Baydhabo ayaa waxaa lagu soo gabagabeeyay maanta khilaaf u dhexeeyay guddoomiyaha gobalka Bay iyo ku xigeenkiisa, taasoo qayb weyn ay ka qaateen nabaddoonnada iyo waxgardka magaalada, iyadoo heshiiskan uu ka dhacay xarunta maamulka Baydhabo.

Nabaddoonnada Digil iyo Mirifle ayaa mar waliba waxay u taagan yihiin inay xaliyaan khilaafyada soo dhexgala mas’uuliyiinta Masuuliyiinta Gobalka bay oo dhawaanahan ahaa mid cirka isku sii shareeraya.

Magaalada Baydhabo ayaa waxaa ka socda shirkii maamul u sameynta gobollada Koonfur-galbeed Soomaaliya, iyadoo magaalada ay ku soo qul-qulayaan mas’uuliyiin fara badan oo doonaya inay qayb ka qaataan sidii lagu dhisi lahaa maamulkan.

Shirkaas ayaa waxuu galay qaybtiisii labaad, iyadoo ay jiraan wafdi ka yimd gobollada Jubbooyinka oo dhawaan laga dhisay maamul aysan dowladda Soomaaliya aqoonsanayn, kuwaasoo ka biyo diidsnaa maamulka Jubaland.

Hiiraan Online, Baydhabo










Click here
5/21/2013 12:14 PM EST
Talaado, May 21, 2013 (HOL) — Madaxweynaha Somaliland Mudane Axmed Maxamed Maxamuud (Siilaanyo), ayaa maanta xafiiskiisa ku qaabilay Safiirka midowga Yurub u qaabilsan Soomaaliya Michele Cervone d’Urso.

5/21/2013 12:07 PM EST
Talaado, May 21, 2013 (HOL) — Kulan ay salaadiinta Soomaaliyeed maanta ku yeesheen Muqdisho ayaa lagu furay xarun cusub, iyadoo sidoo kalena ay goluhu taageero u muujiyeen xukuumadda Soomaaliya ee uu hoggaaminayo ra’iisul wasaare Cabdi Faarax Shirdoon (Saacid) oo mooshin laga geeyay baarlamaanka Soomaaliya.

5/21/2013 9:44 AM EST
Talaado, May 21, 2013 (HOL) — Bannaanbax lagu taageerayay xukuumadda Soomaaliya laguna dalbanayay in la joojiyo mooshinka ay xildhibaanno ka tirsan baarlamaanka ka gudbiyeen xukuumadda ayaa maanta ka dhacay Magaalada Muqdisho.

5/21/2013 9:00 AM EST
Xaflad lagu soo bandhigay hidihii iyo dhaqankii soo jireenka ahaa ee Soomaaliyeed ayaa lagu qabtay hotelka Liaco Regecny ee magaalada Nairobi ee dalka Kenya.

5/21/2013 8:07 AM EST
Talaado, May 21, 2013 (HOL) — Afhayeenka ciidamada AMISOM ayaa ka hadlay maanta howlgallo ay booliiska dowladda Soomaaliya iyo kuwa AMISOM ka wadaan Muqdisho, kuwaasoo lagu soo qabqabtay boqollaal qof oo u badan dhallinyaro.

5/21/2013 7:57 AM EST
Talaado, May 21, 2013 (HOL) — Hay’adda shaqada adduunka ee ILO ayaa maanta ka furtay magaalada Muqdihso kallan looga hadlayo horumarinta ganacisga Haweenka Soomaaliyeed, kaasoo dib loogu eegayo horumarada laga sameeyay ganacsiyo yar-yar oo horay loogu furay haween danyar ah oo Soomaaliyeed.

5/21/2013 7:04 AM EST
Talaado, May 21, 2013 (HOL) — Marka laga soo tago howlgalka ciidamada maamulka gobollka Hiiraan ay ka wadaan xaafaddaha magaalada Baladweyne, dhinaca waxaa soconaya kulamo kula duwan oo ay leeyihiin mas'uuliyiinta maamulka gobollka, saraakiisha ciidamada Jabuuti iyo odayaasha beellaha dega gobollka Hiiraan kuwaasoo qeyb ka ah dadaal ballaaran oo maamulka iyo saraakiisha AMISOM ugu jiraan 22 sano kadib in bulshadu kaalin ku yeellato sugida amniga.

5/21/2013 7:01 AM EST
Talaado, May 21, 2013 (HOL) — Gudoomiyaha Golaha Wakiiladda C/raxmaan Maxamed Cabdilaahi Cirro, ayaa sheegay inuu madaxweynaha Soomaaliya dhaawacay qodobadii Somaliland iyo Soomaaliya ku heshiiyeen shirkii Ankara ee Turkiga.

5/21/2013 2:04 AM EST
Talaado, May 21, 2013 (HOL) — Xildhibaanno ka mid ah kuwii mooshinka ka geeyay xukuumadda Soomaaliya ayaa qaarkood sheegay inay ka laabteen go’aankaas, iyagoo xusay inay u tanaasuleen danta dalka, dadka iyo diinta Islaamka oo ay u dhaarteen inay ilaalinayaan.