7/10/2020
Today from Hiiraan Online:  _
Wararka Maanta- Talaado, May 21, 2013
Midowga Yurub oo Somaliland ku Casuumay Shir ay Qabanayaan iyo kulan ay yeesheen safiirka EU-da iyo Siilaanyo (SAWIRRO)



Talaado, May 21, 2013 (HOL) — Madaxweynaha Somaliland Mudane Axmed Maxamed Maxamuud (Siilaanyo), ayaa maanta xafiiskiisa ku qaabilay Safiirka midowga Yurub u qaabilsan Soomaaliya Michele Cervone d’Urso.

Safiirka Midowga Yurub u qaabilsan Soomaaliya ayaa sheegay inuu Somaliland ku casuumeen shir caalami ah oo ka dhici doono xarunta midowga yurub ee Belgium, isla markaana Somaliland ka caawin doonaan dhinacyada dhaqaalaha.

Wasiirka Arrimaha dibadda iyo iskaashiga caalamiga ah Dr. Maxamed Cabdilaahi Cumar, ayaa isna ka hadlay kulankaasi uu safiirku la yeeshay madaxweynaha, waxaanu sheegay inay madiwga yurub ka tallogalisay shirka ka dhacay Belgium, isla markaana aanay sidii shirkii London gabogabadii lagu soo wargalin, waxaanu xusay inay xukuumad ahaan ka tashan doonaan inay ka qaybgalaan shirkaasi.

Waxaanan ka wada hadlnay guud ahaan cilaaqaadka ka dhaxeeya midowga Yurub iyo dawladda Somaliland. Waxa kale oo aanu maanta ka wada hadalnay hindise cusub oo ah barnaamij midowga Yurub uu mucaawimooyinka uu siiyo dalal badan oo Afrikaan ah u isticmaali doono oo dhaqaale ahaan iyo siyaasad ahaanba uu midowga Yurub ka caawiyo.”ayuu yidhi wasiirka Arimaha dibada Somaliland oo ka hadlayey waxyaalaha ay ka wada hadleen safiirka.

“Waxaanu ku faraxsan nahay sidii horeba caadada u ahayd in midowga Yurub uu si toos ah ula shaqaynayo dawladda Somaliland. Sida dalalka kale ee yuruba ay noola shaqeeyaan. Wixii muwaacimo ah ee la ina siinayaana ay ku dhisnaan doonto qorshaha qaran ee dalkani leedahay. Arrimahaasi si wanaagsan oo balaadhan baanu iskugu afgaranay,”ayuu Wasiirku sii raaciyey hadalkiisa.

 

Sidoo kale wasiirku waxa uu sheegay in caalamku cashar ka qaateen diidmadii ay Somaliland ka muujisay ka qaybgalka shirkii London, isla markaana shir kasta laga talogalinayo ka hor inta aan la bilaabin.

“shirkaasi waa mid uu midowga yurub nagu casuumay, waana mid aanu ka wada hadli doono oo wakhti dheer baa hadhay, sidii shirkii london inta wax walba la soo dhameeyey maalintii u dambaysay Somaliland loogu yeedhay maaha, arrintaasi cashar bay dunida siisay, Somaliland waa dal lagu talo gali karo oo lagaga tashanayo arrimaha saameynta ku leh sida wadamada jaarka ah, waana ka tashan doonaa waxaana ka qaadan doonaa go’aan”ayuu yidhi Maxamed Cabdilaahi oo ka hadlayey inay ka qaybgalayaan shirkaasi iyo in kale.

Dhinaca kale, danjire Michele Cervone d’Urso oo isna shirkaasi jaraa’id ka hadlay ayaa sheegay inuu madaxweynaha uga mahad celinayo sidii ay iskugu afgarteen iskaashiga Somaliland iyo midowga yurub sadexda sanadood ee soo socda.

“waxaanu madaxweyne Siillaanyo kulan kula yeeshay heshiishka cusub ee gargaarka midowga yurub iyo sidii aanu xukuumadda Somaliland ula shaqayn lahayn, waxaana kulan ku qaban doono xarunta midawga Yurub Brussels ee wadanka Belgium, Somaliland waxay noo muujisay inay ka qaybqaadato kulankaasi”ayuu yidhi Safiirka midowga Yurub oo ka hadlayey kulankaasi uu madaxweynaha la yeeshay.

Safiirku wuxuu sheegay in mashaariicda ay ka fuliso Somaliland loo hirgelin doono hadba daruuriyaadka Somaliland u dejiso.


 

Barkhad-ladiif M. Cumar, Hiiraan online
[email protected]
Hargeysa, Somaliland










Click here
5/21/2013 3:21 PM EST
Talaado, May 21, 2013 (HOL) — Degmada Buurhakabo ee gobolka Bay yaa maanta loo doortay guddoomiye cusub kaasoo lagu magacaabo, Axmed Maxamed Yuusuf oo loo yaqaano (Axmed Layaab), doorashada ayaa waxaa kasoo goobjoog ka ahaa wafuud ka socatay wasaaradda arrimaha gudaha iyo Amniga Qaranka ee dowladda Soomaaliya iyo madaxda maamulka Bay, waxaa kaloo goob-joog ka ahaa ahaa madxda AMISOM iyo ugaasyada Digil iyo Mirifle.

5/21/2013 12:07 PM EST
Talaado, May 21, 2013 (HOL) — Kulan ay salaadiinta Soomaaliyeed maanta ku yeesheen Muqdisho ayaa lagu furay xarun cusub, iyadoo sidoo kalena ay goluhu taageero u muujiyeen xukuumadda Soomaaliya ee uu hoggaaminayo ra’iisul wasaare Cabdi Faarax Shirdoon (Saacid) oo mooshin laga geeyay baarlamaanka Soomaaliya.

5/21/2013 9:44 AM EST
Talaado, May 21, 2013 (HOL) — Bannaanbax lagu taageerayay xukuumadda Soomaaliya laguna dalbanayay in la joojiyo mooshinka ay xildhibaanno ka tirsan baarlamaanka ka gudbiyeen xukuumadda ayaa maanta ka dhacay Magaalada Muqdisho.

5/21/2013 9:00 AM EST
Xaflad lagu soo bandhigay hidihii iyo dhaqankii soo jireenka ahaa ee Soomaaliyeed ayaa lagu qabtay hotelka Liaco Regecny ee magaalada Nairobi ee dalka Kenya.

5/21/2013 8:07 AM EST
Talaado, May 21, 2013 (HOL) — Afhayeenka ciidamada AMISOM ayaa ka hadlay maanta howlgallo ay booliiska dowladda Soomaaliya iyo kuwa AMISOM ka wadaan Muqdisho, kuwaasoo lagu soo qabqabtay boqollaal qof oo u badan dhallinyaro.

5/21/2013 7:57 AM EST
Talaado, May 21, 2013 (HOL) — Hay’adda shaqada adduunka ee ILO ayaa maanta ka furtay magaalada Muqdihso kallan looga hadlayo horumarinta ganacisga Haweenka Soomaaliyeed, kaasoo dib loogu eegayo horumarada laga sameeyay ganacsiyo yar-yar oo horay loogu furay haween danyar ah oo Soomaaliyeed.

5/21/2013 7:04 AM EST
Talaado, May 21, 2013 (HOL) — Marka laga soo tago howlgalka ciidamada maamulka gobollka Hiiraan ay ka wadaan xaafaddaha magaalada Baladweyne, dhinaca waxaa soconaya kulamo kula duwan oo ay leeyihiin mas'uuliyiinta maamulka gobollka, saraakiisha ciidamada Jabuuti iyo odayaasha beellaha dega gobollka Hiiraan kuwaasoo qeyb ka ah dadaal ballaaran oo maamulka iyo saraakiisha AMISOM ugu jiraan 22 sano kadib in bulshadu kaalin ku yeellato sugida amniga.

5/21/2013 7:01 AM EST
Talaado, May 21, 2013 (HOL) — Gudoomiyaha Golaha Wakiiladda C/raxmaan Maxamed Cabdilaahi Cirro, ayaa sheegay inuu madaxweynaha Soomaaliya dhaawacay qodobadii Somaliland iyo Soomaaliya ku heshiiyeen shirkii Ankara ee Turkiga.

5/21/2013 2:04 AM EST
Talaado, May 21, 2013 (HOL) — Xildhibaanno ka mid ah kuwii mooshinka ka geeyay xukuumadda Soomaaliya ayaa qaarkood sheegay inay ka laabteen go’aankaas, iyagoo xusay inay u tanaasuleen danta dalka, dadka iyo diinta Islaamka oo ay u dhaarteen inay ilaalinayaan.