7/10/2020
Today from Hiiraan Online:  _
Wararka Maanta- Isniin, May 20, 2013
Xildhibaanada Baarlamaanka Soomaaliya oo Meel-mariyay qodobbo ay soo jeediyeen guddiga Maaliyadda Baarlamanaka


Isniin, May 20, 2013 (HOL) — Xildhibaanada baarlamaanku Soomaaliya ayaa kulan ay maanta ku yeesheen xaruntooda Muqdisho waxay ku ansixiyeen 15-qodob oo ay soo gudbiyeen guddiga maaliyadda baarlamaanka Soomaaliya, kuwaasoo qayb ka ahaa in wasaaradda maaliyaddu ay soo gudbiso heshiisyadii ay la gashay shirkadaha shisheeye oo ay ku jirto shirkadda SKA oo ka howlgasha garoonka diyaaradaha Muqidsho.

Kulanka oo ay soo xaadireen 152 mudane ayaa waxaa shir-goddoominayay ku xigeenka koowaad ee guddoomiyaha baarlamaanka, Jeylaani Nuur Iikar, waxaana shirku uu ku billowday dood laga yeeshay xisaab-xirkii miisaaniyadii dowladda ee saddexdii bilood ee sannadkii hore ugu dambeysay.

Doodda ayaa waxaa la iskula gartay inay sii socoto ka doodista miinsaaniyaddii ay dowladda Soomaaliya isticmaashay saddexdii bilood ee ugu dambeysay sannadkii hore ee 2012; kaddibna cod loo qaado.

Intaas kaddib ayaa guddiga maaliyadda baarlamaanku waxay soo jeediyeen 15-qodob oo ay ugu muhiimsanaayeen in la joojioy canshuur dhaafka laga qaado garoonka diyaaradaha iyo dekedda Muqdisho, in dhaqaalaha soo gala dowladda lagu shubo bankiga dhexe, lana joojiyo shirkadaha xawaaladaha ee lagu shubayo iyo in wasaaradda maaliyadda ay soo gudbiso dhammaan heshiisyadii ay la gashay shirkadaha shisheeye iyo kuwa caalamiga ah.

Soo-jeedinta guddiga kaddib ayaa wuxuu guddoomiye ku xigeenka koowaad ee baarlamaanka uu cod gacan-taag ah geliyay qodobbada 15-ka ah ee ay soo jeediyeen guddiga doorashada, iyadoo 146 mudane oo ka mid ahaa kuwii kulanka ku sugnaa ay ogolaadeen qodobbada inay noqdaan kuwo ku fadhiya sharci baarlamaan.

Ugu dambeyn, Jeylaani Nuur Iikar oo soo xiray kulanka ayaa sheegay in 15-ka qodob ee guddiga maaliyadda ay wixii maanta ka dambeeya noqdeen kuwo sharci ah, iyadoo laga doonayo wasaaradda maaliyadda iyo hay’adaha kale ee ay quseyso inay ku dhaqmaan.

Maxamed Xaaji Xuseen, Hiiraan Online
[email protected]
Muqdisho, Soomaaliya










Click here
5/20/2013 3:29 PM EST
Isniin, May 20, 2013 (HOL) — Madaxweynaha Gaana, John Dramani Mahama ayaa sheegay in dalkiisa uu diyaar u yahay inuu dowladda Soomaaliya ka taageero sidii lagu soo celin lahaa nabadda iyo deggenaashaha Soomaaliya kaddib 22-sano oo colaado ah.

5/20/2013 7:34 AM EST
Isniin, May 20, 2013 (HOL) — Kulan looga hadlayay ammaanka ayaa maanta ka dhacay degmada Yaaqshiid ee gobolka Banaadir, iyadoo kulankan ujeeddadiisu ay ahayd sidii dhallinyarada uga qayb-qaadan lahaayeen adkeyn ammaanka degmada Yaaqshiid iyo guud ahaan gobolka Banaadir.

5/20/2013 7:05 AM EST
Isniin, May 20, 2013 (HOL) — Waxaa dib loo dhigay wakhtiga ay Puntland ka qabsoomi doonto doorashada goleyaasha deegaanka, kaasoo horay ay guddiga KMG ah ee doorashooyinku shaaciyeen inuu ku beegan yahay 30-ka bisha soo socota ee Juun.

5/20/2013 3:30 AM EST
Isniin, May 20, 2013 (HOL) — Saddex xaafadood oo ka tirsan magaalada Birmingham oo ah caasimadda labaad ee Britain ayaa xaflado lagu kala taageerayo saddex madaxweyne oo ka mid ah madaxweynayaasha kaga dhawaaqay Kismaayo inay hoggaan u yihiin maamulka cusub ee Jubaland.

5/20/2013 2:50 AM EST
Isniin, May 20, 2013 (HOL) — Hoobiyeyaal ka badan 10 ayaa xalay ku dhacay xaafado ku dhow xarunta madaxtooyada Soomaaliya, iyadoo aan la sheegin wax khasaare ah oo ay dhaliyeen duqeymahaas.