7/10/2020
Today from Hiiraan Online:  _
Wararka Maanta- Axad, May 19, 2013
Madaxtooyada Somaliland oo xalay lagu qabtay Munaasabad lagu Xusayay 18-ka May iyo Ruwaayado lagu soo bandhigay (SAWIRRO)



Axad, May 19, 2013 (HOL) — Munaasabad balaaran oo loogu dabaaldegayo sanad guuradda 22ad ee ka soo wareegtay maaalintii Somaliland ku dhowaaqday inay soomaaliya inteedda kale ka go’day ayaa xalay lagu qabtay xarunta madaxtooyadda Somaliland.

Munaasibadan oo si weyn loo soo agaasimay waxa ka soo qaybgalay madaxweynaha, shirgudoonka labadda gole Guurtidda iyo Wakiiladda ,wasiiro, wefti ka socda jabuuti oo u yimid xuska maalintan, Wakiilka Itoobiya u fadhiya Somaliland, Madax dhaqameed iyo dadweyne badan.

Sidoo kale waxa iyaguna kaalinta madadaaladda qayb weyn ka qaatay fanaaniinta qaranka oo ay wehelinayeen fanaaniinta waaweyn ee Sahra Jaamac iyo Saynib Cige, kuwaas madasha ku soo bandhigay heesooyin wadani ah iyo kuwo jacaylaba.

Waxa kale oo fanaaniintu halkaasi xalay ku soo bandhigeen Riwaayad kooban oo ka hadlaysa taariikhdii Somaliland soo martay iyo caqabadihii kala duwana ee ay soo martay illaa lixdankii, taas oo dadweynuhu aad ugu riyaaqeen.

Madaxweynaha Somaliland Axmed Maxamed Maxamuud Siilaanyo, ayaa isna u mahadnaqay dadweynaha munaasibada kala soo qaybgalay, waxaanu shacabka Somaliland u baryey inay sanadkan sanadkiisa ku gaadhaan bashbash iyo barwaaqo iyo Somaliland oo horumar gaadha.

 

Dhinaca kale, waxa iyaduna hoteeladad qaar lagu dhigay bandhigyo suugaaneed loogu dabaaldegayo munaasibada 18 May, kuwaas oo dhalinyaro badan ka qaybgaleen.

Sidoo kale waxa dhalinyaraddii magaaladu wada kiraysteen baabuurtii macradyada lagu kireeyo, kuwaas oo calamo iyo heeso cod dhaadheer ku xidhay ku gaafwareegayey magaalada dhexdeeda iyo duleedkeedaba, kuwaasoo ay ciidamaduna awoodi kari waayeen inay wax ka qabtaan dhalinyarada xawaaraha sare ku wad baabuurta, isla markaana aanay dhalinyaradu cidna u joojineen taasina waxay keentay in gaadiid kala duwani shilal gaystaan, waxaana shalay bacdda makhribkii duleedka galbeed ee magaaladda kula kulmay gaadhi ay dhalinyaro wateen oo ku qalabmay wadadda barbarkeedda, isla markaana ay ku dhaawacmeen ilaa afar dhalinyaro ah oo saarnaa, gaadhigina halkaasi ku burburay.

Inta badan dhalinyarad baabuurtan wadatay ayaa daaqadda ka lusha, isla markaana xawaare sare ku socda kuwaas oo halis badan ku galla, qaarkoodna dhaawac iyo dhimasho ka soo gaadha, haseyeeshee ilaa hadda lama sheegin wax dhimasho ah.

Si kastaba ha ahaatee labadda maalmood ee la xusayo 18 May ayaa dhalinyaro aad u badani ku xoomaan goobaha baabuurta lagu kiraysto waxaanay qaarkood u dalxiis tagaan magaalooyinka kale, halka kuwo kalana wareeriyaan magaaladda dhexdeeda oo ay ku wareegaan ilaa xiliyadda dambe.






Barkhad-ladiif M. Cumar, Hiiraan online
[email protected]
Hargeysa, Somaliland










Click here
5/19/2013 4:17 PM EST
Axad, May 19, 2013 (HOL) — Maamulka cusub ee gobolka Bay ayaa la sheegay inuu soo dhexgalay khilaaf aa aad u xooggan, kaasoo keenay inay joogsato wadashaqeyntii u dhexeysay guddoomiyaha gobolka iyo xubnaha kale ee maamulka gobolkaas ku jira.

5/19/2013 3:57 PM EST
Axad, May 19, 2013 (HOL) — Maxkamadda derejada 1-aad ee gobolka Bari ayaa maanta xukuntay bad-maaxiin u dhashay dalka Iiraan - kuwaas oo saarnaa doomo si sharci darro ah uga kalluumeysaneyey xeebaha Puntland- oo ay dhowaan ciidamada badda ee Puntland gacanta kusoo dhigeen.

5/19/2013 12:02 PM EST
Axad, May 19, 2013 (HOL) — Xarakada Al-shabaab ayaa bayaan ay soo saartay maanta waxay ku sheegtay inay gudahooda kasoo baxeen kooxo ujeeddadoodu tahay inay kala dhantaalaan safka xoogaggooda dagaalka kula jira dowladda Soomaaliya iyo ciidamada taageeraya.

5/19/2013 11:57 AM EST
Axad, May 19, 2013 (HOL) - Waxaa lagu qabtay shalay garoonka Bijlmar Sport Park ee mgaalada Amsterdam tartankii Kubada cagta ee cayaaraha xagaaga HIRDA AFT Summer cup.

5/19/2013 10:04 AM EST
Axad, May 19, 2013 (HOL) — Dowladda Soomaaliya ya soo saartay war ay uga hadashay mowqifkeeda ku aaddan go’aankii ay Somaliland toddobaadkii hore ku joojisay duulimaadyadii diyaaradaha Qaramada Midoobay ay ku tegi jireen magaalooyinka Hargeysa iyo Berbera, iyadoo dowladdu ay sheegtay in go’aankaas uu ka horimaanayo xeerarka duulimaadyada caalamka.

5/19/2013 10:03 AM EST
Axad, May 19, 2013 (HOL) — Shir hordhac u ah shirweyne looga hadlayo maalgashiga Soomaaliya ayaa maanta ka dhacay magaalada Muqdisho, iyadoo shirkan ay kasoo qayb-galeen mas'uuliyiin ka socotay Rugaha ganacsiga Soomaaliya iyo Kenya.

5/19/2013 8:37 AM EST
Wafdi ka socda urur goboleedka IGAD oo ay Soomaali kamid tahay xubnihiisa ayaa isku dayaya inay isu soo dhaweeyaan dhinacyada ku lugta leh, khilaafka siyaasadeed ee ka taagan jubbooyinka.

5/19/2013 7:58 AM EST
Axad, May 19, 2013 (HOL) — Dalka Mareykanku waxaa uu ka mid yahay meelaha ay Soomaalidu magangashay markii gudaha dalkooda ay dhibaatada colaadeed ka dilaacday, qarankiina burburay, waxaana ay ku kala nool yihiin gobolada kala duwan, gaar ahaan Minnesota oo lagu tilmaamo in ay tahay halka ay Soomaalida ugu badan isku soo urursadeen.

5/19/2013 7:11 AM EST
Axad, May 19, 2013(HOL) :- Wafdigii ka socday urur goboleedka IGAD ee shalay soo gaaray magaalada Kismaayo ayaa kulamo gooni gooni ah gudaha magaalada Kismaayo kula leh siyaasiyiinta iyo odoyaasha beelaha dega Jubooyinka.

5/19/2013 2:33 AM EST
Axad, May 19, 2013 (HOL) — Degmada Jowhar ee gobolka Shabeellada dhexe ayaa lagu soo rogay bandow billaabanaya 5:00 gallabnimo kaasoo soconaya illaa aroorta hore ee maalinta xigta, waxaana bandowgan lagu sheegay inuu yahay mid lagu adkeynayo ammaanka degmada.

5/19/2013 2:22 AM EST
Axad, May 19, 2013 (HOL) — Sarkaal ka tirsan nabadsugidda Kenya ayaa xalay lagu dilay magaalada Wajeer ee gobolka Waqooyi-bari ee dalka Kenya, iyadoo tani ay sare u sii qaadayso ammaan-darrada ka jirta deegaannada ku yaalla Waqooyi-bari dalka Kenya.