7/10/2020
Today from Hiiraan Online:  _
Wararka Maanta- Axad, May 19, 2013
Soomaalida ku nool Mareykanka oo dadaal ugu jira sidii ay uga dhex-muuqan lahaayeen maamulka iyo siyaasadda (SAWIRRO)



Axad, May 19, 2013 (HOL) — Dalka Mareykanku waxaa uu ka mid yahay meelaha ay Soomaalidu magangashay markii gudaha dalkooda ay dhibaatada colaadeed ka dilaacday, qarankiina burburay, waxaana ay ku kala nool yihiin gobolada kala duwan, gaar ahaan Minnesota oo lagu tilmaamo in ay tahay halka ay Soomaalida ugu badan isku soo urursadeen.

Inkastoo ay soogalooti ku yihiin wadanka, islamarkaana ay daris iyo deegaan la noqdeen bulsho aysan dhaqan iyo luuqadba wadaagin, hadana waxaa ay isku deyeyaan in ay qeyb ka noqdaan hab-nololeedka mujtamaca, sida siyaasadda, waxbarashada iyo wax-soo-saarka intaba.

Waxaa ay bilaabeen in ay ka mid noqdaan nidaamka maamulka iyo xaafiisyada dalka looga taliyo, iyadoona dhowrkii sanno ee ugu dambeysay shaqsiyaad badan oo Soomaali ah ay isku soo taageen qabashada mas’uuliyadda xilal iyo xaafiisyo kala duwan, kuwaasi oo qaar ka mid ah ay ku guulaysteen.

Cabdiqaadir Yaasin Warsame, oo ah nin dhalinyaro Soomaali ah, ayaa todobaadyo ka hor ku guulaystay cod-bixinta doorasho horu-dhac ah oo loo galay guddi-hoosaad mid ka mid ah xaafadaha magaaladda Minneapolis, halka Murshid Cabdi Baaruud, oo isuguna Soomaali ah uu maanta ku dhaawaqay in uu tartamayo in u xubin ka noqdo guddiga maamula waxbarashada xaafadda Eden Prairie oo ka mid ah meelaha ay Soomaalidu ku nooshahay gobolka Minnesota.

 
Murshid Cabdi Baarud, oo la taliye u ah xisbiga Jamhuuriga, xilalna ka soo qabtay xisbiga gudihiisa, ayaa Soomaalidii iyo dadkii kale ee ka soo qeybgalay munaasibaddii murashaxnimadiisa waxaa uu ka codsaday in ay ku taageeraan tillaabo waliba oo u suuro-gelinaysa in ay guushu raacdo, islamarkaana uu ku soo baxo doorashada, sida cod iyo dhaqaale intaba, isagoo ballan-qaaday in haddii uu guulaysto uu ka shaqeyn doono danaha iyo baahida waxbarasho ee ay qabaan dadka ku dhaqan xaafadda uu u tartamayo, gaar ahaan Soomaalida.

“Waa nasiib xumo in ilmahaaga oo aad muddo ka badan 12 sanno ku dadaalaysay, maalintii qalin-jabintiisa lagugu wargeliyo in uu imtixaankii ku dhacay. Haddaba si aan taasi uga badbaadno, waxaa lama huraan ah in aan meeshaasi geysano qof Soomaali ah oo inaga na matala,” ayuu yiri Murshid Cabdi Baaruud.

Iskuullada ku yaala magaaladdan Eden Prairie ee gudigeeda waxbarashada u tartamayo Murshid Cabdi Baaruud, ayaa waxaa la qiyaasaa in ay dhigtaan in ka badan 600 oo arday Soomaaliyeed ah.


Siyaasiin ka tirsan xisbiga Jamhuuriga oo iyaguna madashaan ka soo qeybgalay ayaa dadka Soomaaliyeed ku bogaadiyey dadaalka iyo firfircoonida ay sameeyeen markii ay wadankaan yimaadeen, sida in ay abuureen fursado ganacsi, iyagoo ka codsaday in ay taageeraan shaqsiyaadka Soomaalida ah ee ku hamminaya in ay ka mid noqdaan maamulka dalka, sida Murshid Cabdi oo kale.

Walow dadaal iyo caqabado badan ka sokeeyaan, hadana haddii uu Murshid guulaysto waxaa uu noqonayaa qofkii labaad oo Soomaali ah oo xubin ka noqda guddiyada waxbarashada ee jira magaalooyinka gobolka Minnesota. Horray waxaa markii ugu horreysay jagadaan mid la mid ah ugu guulaystay Xusseen Samatar, oo noqday qofkii ugu horreeyey oo soo-galooti ah oo xubin ka noqda guddiga waxbarashada ee magaalada Minneapolis.

Labo maalin ka hor waxaa iyaduna magaaladda Lewiston ee gobolka Maine ee dalka Mareykanka ku guulaysatay in ay xubin ka noqoto guddiga waxbarashada ee magaaladaasi Zamzam Maxamuud oo ah gabar Soomaaliyeed.





Maxamed Faarax Talyaani, Hiiraan Online
[email protected]
Eden Prairie, Minneapolis









Click here
5/19/2013 4:17 PM EST
Axad, May 19, 2013 (HOL) — Maamulka cusub ee gobolka Bay ayaa la sheegay inuu soo dhexgalay khilaaf aa aad u xooggan, kaasoo keenay inay joogsato wadashaqeyntii u dhexeysay guddoomiyaha gobolka iyo xubnaha kale ee maamulka gobolkaas ku jira.

5/19/2013 3:57 PM EST
Axad, May 19, 2013 (HOL) — Maxkamadda derejada 1-aad ee gobolka Bari ayaa maanta xukuntay bad-maaxiin u dhashay dalka Iiraan - kuwaas oo saarnaa doomo si sharci darro ah uga kalluumeysaneyey xeebaha Puntland- oo ay dhowaan ciidamada badda ee Puntland gacanta kusoo dhigeen.

5/19/2013 12:02 PM EST
Axad, May 19, 2013 (HOL) — Xarakada Al-shabaab ayaa bayaan ay soo saartay maanta waxay ku sheegtay inay gudahooda kasoo baxeen kooxo ujeeddadoodu tahay inay kala dhantaalaan safka xoogaggooda dagaalka kula jira dowladda Soomaaliya iyo ciidamada taageeraya.

5/19/2013 11:57 AM EST
Axad, May 19, 2013 (HOL) - Waxaa lagu qabtay shalay garoonka Bijlmar Sport Park ee mgaalada Amsterdam tartankii Kubada cagta ee cayaaraha xagaaga HIRDA AFT Summer cup.

5/19/2013 10:04 AM EST
Axad, May 19, 2013 (HOL) — Dowladda Soomaaliya ya soo saartay war ay uga hadashay mowqifkeeda ku aaddan go’aankii ay Somaliland toddobaadkii hore ku joojisay duulimaadyadii diyaaradaha Qaramada Midoobay ay ku tegi jireen magaalooyinka Hargeysa iyo Berbera, iyadoo dowladdu ay sheegtay in go’aankaas uu ka horimaanayo xeerarka duulimaadyada caalamka.

5/19/2013 10:03 AM EST
Axad, May 19, 2013 (HOL) — Shir hordhac u ah shirweyne looga hadlayo maalgashiga Soomaaliya ayaa maanta ka dhacay magaalada Muqdisho, iyadoo shirkan ay kasoo qayb-galeen mas'uuliyiin ka socotay Rugaha ganacsiga Soomaaliya iyo Kenya.

5/19/2013 9:02 AM EST
Axad, May 19, 2013 (HOL) — Munaasabad balaaran oo loogu dabaaldegayo sanad guuradda 22ad ee ka soo wareegtay maaalintii Somaliland ku dhowaaqday inay soomaaliya inteedda kale ka go’day ayaa xalay lagu qabtay xarunta madaxtooyadda Somaliland.

5/19/2013 8:37 AM EST
Wafdi ka socda urur goboleedka IGAD oo ay Soomaali kamid tahay xubnihiisa ayaa isku dayaya inay isu soo dhaweeyaan dhinacyada ku lugta leh, khilaafka siyaasadeed ee ka taagan jubbooyinka.

5/19/2013 7:11 AM EST
Axad, May 19, 2013(HOL) :- Wafdigii ka socday urur goboleedka IGAD ee shalay soo gaaray magaalada Kismaayo ayaa kulamo gooni gooni ah gudaha magaalada Kismaayo kula leh siyaasiyiinta iyo odoyaasha beelaha dega Jubooyinka.

5/19/2013 2:33 AM EST
Axad, May 19, 2013 (HOL) — Degmada Jowhar ee gobolka Shabeellada dhexe ayaa lagu soo rogay bandow billaabanaya 5:00 gallabnimo kaasoo soconaya illaa aroorta hore ee maalinta xigta, waxaana bandowgan lagu sheegay inuu yahay mid lagu adkeynayo ammaanka degmada.

5/19/2013 2:22 AM EST
Axad, May 19, 2013 (HOL) — Sarkaal ka tirsan nabadsugidda Kenya ayaa xalay lagu dilay magaalada Wajeer ee gobolka Waqooyi-bari ee dalka Kenya, iyadoo tani ay sare u sii qaadayso ammaan-darrada ka jirta deegaannada ku yaalla Waqooyi-bari dalka Kenya.