7/10/2020
Today from Hiiraan Online:  _
Wararka Maanta- Axad, May 19, 2013
Kooxo Hubeysan oo Magaalada Wajeer ee Gobolka Waqooyi-Bari—Kenya ku toogtay Sarkaal Kenyaan ah


Axad, May 19, 2013 (HOL) — Sarkaal ka tirsan nabadsugidda Kenya ayaa xalay lagu dilay magaalada Wajeer ee gobolka Waqooyi-bari ee dalka Kenya, iyadoo tani ay sare u sii qaadayso ammaan-darrada ka jirta deegaannada ku yaalla Waqooyi-bari dalka Kenya.

Saraakiisha booliiiska degmada Wajeer ayaa sheegay in dilkan ay geysteen kooxo hubeysan oo aan la garanayn, kuwaasoo markii ay dilka geysteen goobta ka baxsaday.

"Kooxihii dilka ka dambeeyay way baxsadeen, waana lagu raad-jogaa," ayuu yiri sarkaal u hadlay booliiska degmada Wajeer oo dilka ku eedeeyay inay ka dambeeyaan kooxo gacan-saar la leh Al-shabaab.

Tan iyo markii ay Kenya ciidamadeeda u soo dirtay Soomaaliya 2011 waxaa dalka Keny kusoo kordhayay falalka ammaanka ka baxday, iyadoo gobolka Waqooyi-bari uu yahay goobta ugu daran ee ay ka dhacaan falalka qorsheysan ee ay geysanayaan kooxaha hubeysan.

Sitimaanno ka hor ayay ahayd markii weerar ay kooxo hubeysan ku qaadeen maqaayad ku taalla degmada Gaarisa lagu dilay dad ku dhow toban qof tiro intaas ka badanna lagu dhaawacay, iyadoo aan la ogeyn kooxihii weerarkaas geystay.

Madaxweynaha Kenya, Uhuru Kenyatta ayaa dhawaan amray in laga hortago falalka ammaan-darro ee ka dhacay degmooyinka ku yaalla gobolka Waqooyi-bari ee Kenya, iyadoo la qaaday tallaabooyin lagu sheegay in ammaanka lagu sugayo; balse aan wax horumar ah laga sameyn.

Illaa iyo hadda ma jirto cid sheegatay inay ka dambeyso dilka loo geystay sarkaalka ka tirsanaa haya'dda nabadsugidda dalka Kenya, iyadoo xaaladda degmada Wajeer ay saakay tahay mid deggen.

Maxamed Xaaji Xuseen, Hiiraan Online
[email protected]
Muqdisho, Soomaaliya








Click here
5/19/2013 4:17 PM EST
Axad, May 19, 2013 (HOL) — Maamulka cusub ee gobolka Bay ayaa la sheegay inuu soo dhexgalay khilaaf aa aad u xooggan, kaasoo keenay inay joogsato wadashaqeyntii u dhexeysay guddoomiyaha gobolka iyo xubnaha kale ee maamulka gobolkaas ku jira.

5/19/2013 3:57 PM EST
Axad, May 19, 2013 (HOL) — Maxkamadda derejada 1-aad ee gobolka Bari ayaa maanta xukuntay bad-maaxiin u dhashay dalka Iiraan - kuwaas oo saarnaa doomo si sharci darro ah uga kalluumeysaneyey xeebaha Puntland- oo ay dhowaan ciidamada badda ee Puntland gacanta kusoo dhigeen.

5/19/2013 12:02 PM EST
Axad, May 19, 2013 (HOL) — Xarakada Al-shabaab ayaa bayaan ay soo saartay maanta waxay ku sheegtay inay gudahooda kasoo baxeen kooxo ujeeddadoodu tahay inay kala dhantaalaan safka xoogaggooda dagaalka kula jira dowladda Soomaaliya iyo ciidamada taageeraya.

5/19/2013 11:57 AM EST
Axad, May 19, 2013 (HOL) - Waxaa lagu qabtay shalay garoonka Bijlmar Sport Park ee mgaalada Amsterdam tartankii Kubada cagta ee cayaaraha xagaaga HIRDA AFT Summer cup.

5/19/2013 10:04 AM EST
Axad, May 19, 2013 (HOL) — Dowladda Soomaaliya ya soo saartay war ay uga hadashay mowqifkeeda ku aaddan go’aankii ay Somaliland toddobaadkii hore ku joojisay duulimaadyadii diyaaradaha Qaramada Midoobay ay ku tegi jireen magaalooyinka Hargeysa iyo Berbera, iyadoo dowladdu ay sheegtay in go’aankaas uu ka horimaanayo xeerarka duulimaadyada caalamka.

5/19/2013 10:03 AM EST
Axad, May 19, 2013 (HOL) — Shir hordhac u ah shirweyne looga hadlayo maalgashiga Soomaaliya ayaa maanta ka dhacay magaalada Muqdisho, iyadoo shirkan ay kasoo qayb-galeen mas'uuliyiin ka socotay Rugaha ganacsiga Soomaaliya iyo Kenya.

5/19/2013 9:02 AM EST
Axad, May 19, 2013 (HOL) — Munaasabad balaaran oo loogu dabaaldegayo sanad guuradda 22ad ee ka soo wareegtay maaalintii Somaliland ku dhowaaqday inay soomaaliya inteedda kale ka go’day ayaa xalay lagu qabtay xarunta madaxtooyadda Somaliland.

5/19/2013 8:37 AM EST
Wafdi ka socda urur goboleedka IGAD oo ay Soomaali kamid tahay xubnihiisa ayaa isku dayaya inay isu soo dhaweeyaan dhinacyada ku lugta leh, khilaafka siyaasadeed ee ka taagan jubbooyinka.

5/19/2013 7:58 AM EST
Axad, May 19, 2013 (HOL) — Dalka Mareykanku waxaa uu ka mid yahay meelaha ay Soomaalidu magangashay markii gudaha dalkooda ay dhibaatada colaadeed ka dilaacday, qarankiina burburay, waxaana ay ku kala nool yihiin gobolada kala duwan, gaar ahaan Minnesota oo lagu tilmaamo in ay tahay halka ay Soomaalida ugu badan isku soo urursadeen.

5/19/2013 7:11 AM EST
Axad, May 19, 2013(HOL) :- Wafdigii ka socday urur goboleedka IGAD ee shalay soo gaaray magaalada Kismaayo ayaa kulamo gooni gooni ah gudaha magaalada Kismaayo kula leh siyaasiyiinta iyo odoyaasha beelaha dega Jubooyinka.

5/19/2013 2:33 AM EST
Axad, May 19, 2013 (HOL) — Degmada Jowhar ee gobolka Shabeellada dhexe ayaa lagu soo rogay bandow billaabanaya 5:00 gallabnimo kaasoo soconaya illaa aroorta hore ee maalinta xigta, waxaana bandowgan lagu sheegay inuu yahay mid lagu adkeynayo ammaanka degmada.