7/19/2019
Today from Hiiraan Online:  _
Wararka Maanta- Khamiis, May 16, 2013
Madaxweeynaha Soomaaliya oo Warqadaha Aqoonsiga ka Gudoomay Safiirka Cusub ee Dalka Koonfurta Kuuriya



Khamiis, 16 May, 2013(HOL) :-Madaxweeynaha dowladda Federaalka Soomaaliya Mudane Xasan Sheekh Max’uud ayaa maanta waraaqihii aqoonsiga ka gudoomay safiirka cusub ee dowladda koonfurta Kuuriya ay usoo dirsatay Soomaaliya Mr. Kim Chan Woo.

Kulan ay labadani masuul ku yeesheen xarunta madaxtooyada magaalada Muqdisho ayay uga wadahadleen xiriirka labada dal iyo weliba sidii sare loogu qaadi lahaa wadashaqeynta dalalka Soomaaliya iyo koonfurta Kuuriya.

Ambassador Kim Chan Woo ayaa waraaqihiisa aqoonsiga ku wareejiyay madaxweeynaha, waxaana Madaxweeyne Xasan Sheekh uu ka gudoomay waraaqahaasi isagoona u ballanqaaday in dowladda ay la shaqeyn doonto.

Wasiirka kuxigeenka arimaha dibadda Soomaaliya Jamaal Max’ed Baroow oo kulanka kadib warbaahinta la hadlay ayaa sheegay in dowladda koonfurta Kuuriya ay dib usoo celisay xiriirkii ay la lahayd Soomaaliya mudo 22 sano kadib.

Safiirka cusub oo isna warbaahinta la hadlay ayaa sheegay in dowladda koonfurta Kuuriya ay soo celineeyso xiriirkii ay la lahayd Soomaaliya, wuxuuna intaa ku daray in dowladiisu ay gacan ka geeysan doonto dib u dhiska Soomaaliya.

Dowladda Soomaaliya ayaa ku guuleeysatay siyaasadda arimaha dibadda, iyadoona sidoo kale dowladdu ay horumar ka sameeysay dhinacyada nabadgelyada iyo weliba dowlad wanaagga, taasoo keentay in caalamua uu aqoonsi buuxa siiyo Soomaaliya, iyadoona magaalada Muqdisho dib looga furay inta badan safaaradihii ay ku lahaayeen dowladaha Caalamka, kuwaasoo mudo 20 sano ka badan aan wax safaarad ah ku lahayn Soomaaliya.

 

Max’ed Xaaji Xuseen, Hiiraan Online
[email protected]
Muqdisho-Soomaaliya.










Click here
5/16/2013 12:08 PM EST
Qaar kamid ah haweenka Soomaaliyeed ee ku dhaqan dalka Kenya ayaa ka horyimid mooshinkii ay baarlamaanka keeneen xildhibaano ka tirsan baarlamaanka Soomaaliya.

5/16/2013 9:51 AM EST
Khamiis, May 16, 2013 (HOL) — Qaar ka mid ah axsaabta siyaasadeed ee ka jira dalka ayaa maanta kulan ay ku yeesheen hoteelka Jasiira ee magaalada Muqdisho waxay kasoo saareen baaq ay ku sheegayaan in in golaha baarlamaanka federaalka Soomaaliya oo madax-banneeyo la xisaabtan xukuumadda.

5/16/2013 9:24 AM EST
Arbaco, May 16, 2013 (HOL) — Munaasabad lagu maamusayay 15-ka May oo ah maalinta dhallinyarada Soomaaliyeed iyo 70-sano guuradii kasoo wareegtay aasaaskii ururka gobonimo-doonka Soomaaliyeed ee SYL ayaa lagu qabtay magaalada muqdisho, munaasabadaas oo uu soo agaasimeen ururka dhallinyarada SYL II ayaa ahayd mid si heer sare ah loosoo agaasimay.

5/16/2013 9:20 AM EST
Khamiis, May 16, 2013 (HOL) — Dowladda Somalia oo warsaxaafadeed soo saartay maanta ayaa ku tilmaantay maamulka looga dhawaaqay Kismaayo inuu yahay mid lagu marin habaabinayo shacabka, isla markaana ah ka horimaanaya dastuurka.

5/16/2013 8:44 AM EST
Khamiis, May 16, 2013 (HOL) — Shirkii golaha wasiirrada xukuumadda Soomaaliya ay maanta yeesheen ayaa lagu meel-mariyay qodobbo ay horay u soo gudbiyeen wasaaradaha cadaaladda iyo arrimaha gudaha, sida uu saxaafadda u sheegay wasiirka warfaafinta Soomaaliya.

5/16/2013 6:40 AM EST
Khamiis, May, 16, 2013 (HOL) -- Munaasabad si qurux badan loo soo agaasimay laguna maamuusayay 15 May maalinta dhalinyarrada Soomaaliyeed ayaa lagu qabtay magaalada Baladweyne ee xarunta gobollka Hiiraan.

5/16/2013 6:24 AM EST
Khamiis, May 16, 2013(HOL) :- Col Barre Aadan Shire (Hiiraale) ayaa shaaciyay in uu yahay madaxweeynaha maamul goboleedka Jubbaland, xilli shalay magaalada Kismaayo lagu doortay gudoomiyihii ururka Raaskaambooni Sheekh Axmed Max’ed Islaam (Axmed Madoobe)