4/24/2019
Today from Hiiraan Online:  _
Wararka Maanta- Isniin, May 13, 2013
Mudaharaad Rabshado Wata oo khasaaro dhaliyay oo ka dhacay Magaalada Burco ee Xarunta Gobolka Togdheer


Isniin, May 13, 2013 (HOL) — Hal qof ayaa ku geeriyooday, midkana wuu ku dhaawacmay mudaharaad rabshado wata oo maanta ka dhacay magaaladda Burco ee gobolka Togdheer.

Mudaharaadkan ayaa ka bilaabmay gadood ay sameeyeen Gaadiidka isku rogooyinka loo yaqaan oo loo diiday inay camuud ka qaadaan dooxyadda magaaladda Burco dhexmara, waxaana arrintaasi ka soo horjeestay Dirawaliinta gaadiidkaasi, waxaanay cabasho la hor tageen xafiiska maayarka magaladda, haseyeeshee waxa isku dayey inay dadkaasi xoog ku kala kaxeeyeen ciidanka gaarka u tobabaran ee loo yaqaan RRU, kuwaas oo rasaas ay rideen ku dhacay hal qof oo makhaayad iska fadhiyey, taasina waxay ka cadhaysiisay dadweynihii magaaladda.

Mudahaaradan oo guud ahaan magaaladda ku fiday ayaa waxa la sheegay inay dadweynihii gadoodsana ay jajabiyeen gaadiid iyo hanti badan oo goobahaasi ka ag dhowaa, waxaana saacado badan is caydhsanayey dadweynahaaasi iyo ciidanka.

Ilaa hadda lama shaacin khasaarha dhabta ah ee dad iyo duunyaba soo gaadhay, haseyeeshee waxa la sheegay inuu mudaharaadkaasi khasare badan soo gaadhsiiyey magaaladda, hal qofna ku geeriyooday midkalana ku dhaawacmay.

Barkhad-ladiif M. Cumar, Hiiraan online
[email protected]
Hargeysa, Somaliland







Click here
5/13/2013 2:52 PM EST
Isniin, May 13, 2013 (HOL) — Wasiirka wasaaradda Warfaafinta Somaliland Abiib Diiriye Nuur (Timo cad) ayaa gudoomiyaha xisbiga UCID Faysal Cali Waraabe ku eedeeyey inuu kulan hoose oo aanu awood u lahayn magaaladda Birmingham kula yeeshay madaxweynaha Soomaaliya Xasan Sh. Maxamuud.

5/13/2013 10:37 AM EST
Isniin, May 13, 2013 (HOL) — Dawladda hoose ee magaaladda Hargeysa, ayaa maanta bilowday dib u casriyeynta waddadda hal bawlaha ah ee badhtamaha magaaladda Hargeysa.

5/13/2013 10:36 AM EST
Isniin, May 13, 2013 (HOL) — Magaalada Baladweyne ee xarunta gobollka Hiiraan todobaadydii aynu soo dhaafnay waxaa ka soconayay howlgal adag oo ay si wada jir ah u fullinayeen ciidamo si gaar ah arintaa loogu tababaray iyo kuwa midowgga Africa AMISOM oo guri-guri u baarayay inta badan xaafaddaha magaalada.

5/13/2013 7:12 AM EST
Isniin, May 13, 2013 (HOL) — Xukuumadda Soomaaliya ayaa maanta si rasmi ah loogu wareejiyay maamulka hawada Soomaaliya iyo qaadista canshuuraha diyaaradaha maraya hawada Soomaaliya, kaddib 22-sano oo xafiiskan ay maamulaysay Qaramada Midoobay.

5/13/2013 6:52 AM EST
Isniin, May 13, 2013 (HOL) — Degmada Howlwadaag ee gobolka Banaadir ayaa waxaa maanta lagu qabtay kulan ay soo qabanqaabisay Hay'adda CCD, kulankaas oo ku saabsanaa sidii dhallinyarada gobolka Banaadir ay uga qayb-qaadan lahaayeen ammaanka iyo xasilinta dalka.

5/13/2013 6:40 AM EST
Isniin, May 13, 2013 (HOL) — Wasiirka Madaxtooyadda Somaliland Xirsi Cali Xaaji Xasan ayaa xadhiga ka jaray dhisme laami ah oo saddex killomitar ah oo u dhexeeya Dilla iyo Boorame, waxana dhagax dhigay shan killo mitir oo ka hadhsan dhamaystirka jidkaasi oo xukuumaddu maalgalisay.

5/13/2013 6:36 AM EST
Isniin, May 13, 2013 (HOL) — Magaalada Baydhabo ee xarunta Gobolka Bay ayaa lagu qabtay kulan looga hadlayay amamanka Gobalka Bay, kaasoo ay ka qaybgaleen dhammaan nabaddoonada beelaha Digil iyo Mirifle iyo maamulka deegmada Baydhabo.