3/29/2024
Today from Hiiraan Online:  _
Wararka Maanta- Talaado, Mar 19, 2013
Koox dabley ah oo khasaare u geystay mashruuc beereed laga hirgaliyay inta u dhexeysa Berbera iyo Hargeysa (SAWIRRO)


Talaado, Maarso 19, 2013 (HOL) — Beer ay maalgashadeen muwaadiniin reer Somaliland, ayaa koox dabley ahi ay habeen hore khasaare weyn soo gaadhsiiyey agabkii beerta yaalay, isla markaana ay burburiyeen konton geed oo Saytuun ah.

Beertan oo ku taala tuuladda Abdaal ee u dhexeysa Berbera iyo Hargeysa, gaar ahaan Buurta Xaawa iyo Aadan, ayaa koox suxufiyiin ahi booqdeen si ay usoo arkaan khasaaraha dhabt ah ee soo gaadhay Beertan, waxaanu khasaare ka soo gaadhay rasaas lagu furay mishiinkii biyaha soo tuurayey ee beerta waraabinayey iyo burbur loo geystay geedadkii ka baxayey beerta, waxa kale oo ka maqan qalab badan oo lagu qodo beerta sida ay noo sheegeen shaqaalaha Beertan.

Shaqaalaha beerta ayaa sheegay in dhawr jeer oo hore la soo wareeray mishiinkana laga qaatay, isla markaana ay dhacdadan lagu rasaaseeyey tahay tii afraad ee loo geysto qalabkii yaalla beerta, waxaanay arrimahaasi oo dhan ku eedeeyeen wasiir ku xigeenka amniga Cabdilaahi ABokor oo ay sheegeen inuu isagu ka dambeeyo fawdadan oo uu soo dirayo raga hawshan wadda.

“Dhacdooyin badan ayaa meesha dhacay,  saddex jeer mishiinkan waa la qaatay oo saldhiga Dacar budhuq ayaa lagu xidhay, oo waanu soo ceshanay, markii afraad waakaas rasaastu ku dhacday oo qalab badana wuu maqan yahay, waxaan ragan soo dira wasiir ku xigeenka amniga Cabdilaahi Abokor,” ayuu yidhi Jaamac Maxamed Cumar oo ka mid ah shaqaalaha Beertan oo warbaahinta u waramayey.

“Waxay habeen hore noo yimaadeen afartii habeenimo, waxaana halkan anagoo hurudna noogu yimid shan nin oo qoryo nagu qabtay, shantaasi nin afarta dhinac ayey nagaga istaageen, waxay siteen laba qori oo faal ah iyo baastoolad, kuwii kalana mishiinkii bay usoo dhaqaaqeen oo ay toogteen, ka dibna way iska tageen, dhirtii beerta ka baxaysay oo ahaa Saytuun way jarjareen ilaa konton geed”ayuu yidhi Jaamac, waxaanu sheegay in aanu garaneyn sababta ay ragani dhibaatadaasi u geysteen maadaama oo dadkii dhulkan lahaa laga iibsaday.

Mishiinkan waxa ku dhacay saddex xabadood oo meelo kala duwan ah, taas oo gabi ahaanba mishiinkii ka dhigtay mid aan shaqayneyn, waxaane shaqaaluhu noo sheegeen uu yimid taliyaha booliska Abdaal kaas oo urursaday rasaastii ay siteen, isla markaana ku jiray sidii ay usoo heli lahaayeen kooxdaasi oo baadhitaan ku wadda.

Si kastaba ha ahaatee, shaqaalaha Beertan ayaa ka cabanaya kooxdaasi oo dhawr jeer oo hore soo weeraray, isla markaana hagar daamooyin ku haya inay shaqayso beertu, waxa kale oo aanu isku daynay in aanu wax ka waydiino wasiir ku xigeenka amniga Cabdilaahi Abokor, haseyeeshee way noo suurtogali wayday in aanu helno.


Barkhad-Ladiif M. Cumar, Hiiraan Online
[email protected]
Hargeysa, Somaliland













Click here
3/19/2013 2:33 PM EST
Dood xiisa leh ayaa waxay ka dhacday magaalada Minneapolis ee gobolka MN. Doodaas oo lagu falanqeynayey "YAA KA DAMBEEYA DILALKA QORSHEYSAN"

3/19/2013 12:18 PM EST
Talaado, Maarso 19, 2013 (HOL) — Askari ka tisran ciidamada Kenya ayaa ku dhintay laba kalena way ku dhaawacmeen qarax gellinkii dambe ee maanta ka dhacay degmada Mandheera ee gobolka Waqooyi –bari ee dalka Kenya.

3/19/2013 12:02 PM EST
Talaado, Maarso 19, 2013 (HOL) — Wafdi uu hoggaaminayay wasiir ku xigeenka wasaaradda gaashaandhigga Soomaaliya, Axmed maxamed Maxamuud oo uu ka mid yahay wasiir u dowlaha wasaaradda maaliyadda, Maxamed Rashiid Sheekh Daahir iyo abaanduulaha cusub ciidamada xoogga dalka, C/risaaq Khaliif Cilmi ayaa maanta gaaray magaalada Baydhabo ee xarunta gobolka Bay.

3/19/2013 11:37 AM EST
Talaado, Maarso 19, 2013 (HOL) — Kulan lagu gorfeynayey mashaariicdii horumarineed ee ay hay’adaha Qaramadda midoobay ka fuliyeen Somaliland sanadkii tagay ayaa maanta ka furmay hoteel Ambassador ee magaaladda Hargeysa.

3/19/2013 10:39 AM EST
Talaado, 19 Maarso, 2013(HOL) - Waxaa gudaha magaalada Kismaayo mudooyinkii u danbeeyay ka soconayay shirkii maamul u sameynta gobollada Jubooyinka, iyadoona shalay ay magaalada sooa gaareen ergo ka socotay gobolka Gedo, kuwaasoo qeyb ka ah xubnaha ka qeybqaadanaya dhismaha dowlad goboleedka Jubbaland.

3/19/2013 8:16 AM EST
Talaado, Maarso 19, 2013 (HOL) — Maxkamadda gobolka Banaadir ayaa ku ridday xukunno kala duwan lix ruux oo ka mid ahaa 12-qof oo maxakamada maanta la horkeenay, kuwaasoo eedeysnaa dambiyo isugu jira, kufsi, dilal iyo burcadnimo.

3/19/2013 7:32 AM EST
Talaado, Maarso 19, 2013 (HOL) — Dagaalyahanno taabacsan Xarakada Al-shabaab ayaa xalay gurigsiisa kala baxay, Sheekh Cabdiraxmaan Macallin Warsame oo 75-jir ahaa, isla markaana ahaa imaamkii masjidka weyn ee degmadaas, iyadoo maydkiisa oo qoorta laga jaray saakay laga helay god ku dhow gurigiisa.

3/19/2013 7:08 AM EST
Talaado, Maarso 19, 2013 (HOL) — Mas’uuliyiinta maamulka gobollka Hiiraan, saraakiisha ciidamada dowladda iyo kuwa Jabuuti ee howlgalka midowgga Africa AMISOM, odayaal dhaqameed, waxgarad, iyo boqolaal dadweyne ah oo ka kooban qeybaha bulshada oo ay ka mid yihiin ardeyda wax ka barata dugsiyada iyo jaamacada magaalada ayaa maanta siweyn u soo dhaweeyay Ugaas C/raxmaan Ugaas Khaliif oo dib ugu laabtay afar sano kaddib magaalada Baladweyne.

3/19/2013 2:29 AM EST
Talaado, Maarso 19, 2013 (HOL) — Xaflad shahaadooyin lagu gudoonsiiyay 260 arday oo bartay maaddooyinka caafimaadka iyo kambiyuutarka ayaa lagu qabtay xarunta Bisha Cas ee magaalada Laascaanood ee xarunta gobolka Sool.

3/19/2013 2:09 AM EST
Talaado, Maarso 19, 2013 (HOL) — Xildhibaan Sheekh Aadan Maxamed Nuur (Sheekh Aadan Madoobe) oo horay u ahaa guddoomiyaha baarlamaanka Soomaaliya oo ku sugan gobolka Bay ayaa sheegay in saraakiisha ciidamada Itoobiya ay ku wargeliyeen inay ka baxayaan dhammaan deegaannada ay kaga sugan yihiin gobollada Bay iyo Bakool.

3/19/2013 1:53 AM EST
Talaado, Maarso 19, 2013 (HOL) — Dowladda Soomaaliya ayaa maanta markii ugu horreysay gargaar cunno ah gaarsiinaysa deegaannadii laga saaray Al-shabaab ee gobolka Shabeellada hoose, iyadoo ammaanka jidka isku xira Muqdisho iyo Afgooye aad loo adkeeyay.