3/28/2024
Today from Hiiraan Online:  _
Wararka Maanta- Axad, Mar 17, 2013
Mid ka mid ah Xubnihii ugu firfircoonaan Guddiga Doorashooyinka Punltand oo ku dhawaaqay inuu xilkiisii iska-casilay

Axad, Maarso 17, 2013 (HOL) — Dr. Cali C/raxmaan Xirsi oo ahaa xubin firficoon oo ka tirsan sagaalka xubnood ee guddiga kumeel gaarka ah ee doorashooyinka Puntalnd ayaa shaaciyey in uu xilkaas iska casiley.

Dr. Cali oo si kooban warbaahinta ula hadlay ayaa sheegay in istiqaaladiisa uu mar hore u gudbiyey xafiisyada ay khuseyso, islamarkaana uu ku rajo weynyahay in sida uga dhaqsaha badan looga aqabli doono.

Mar wax laga weydiiyey sababta ku kalliftya in uu xilligan xilkiisa wareejiyo, wuxuu sheegay in uu sidaas go'aansaday, haseyeeshee wuxuu ka gaabsaday in uu faahfaahin dheeri ah ka bixiyo.

Bishii June ee sanadkii 2011 ayuu golaha wakiillada ee Puntland soo magacaabay afar xubnood oo uu ku jiro Dr. Cali C/raxmaan Xirsi; si ay uga mid noqdaan xubnaha sagaalka ah ee uu guddiga doorashoyinka Puntland ka kooban yahay.

Dr. Cali C/raxmaan Xirsi oo muddo qurbaha ku noolaa gaar ahaan dalka Maraykanka, wuxuu kamid ahaa barayaasha Jaamacaddii Umadda ee magaalada Muqdisho, kahor burburkii dowladdii Mileteriga.

Arintan ayaa ah mid si weyn looga hadal hayo goobaha fadhi-ku-dirirka, waxayna kuso aadeysaa dhowr maalmood kaddib markii la dhaariyey qaybtii ugu horeysey ee kamid ah wakiillada guddiga doorashooyinka Puntland ee gobollada.

Maxamed Salaad Xaaji Dirir, Hiiraan Online
[email protected]
Puntland, Soomaaliya













Click here
3/17/2013 5:19 PM EST
Axad, March 17, 2013(HOL)—Wararka naga soo gaaraya magaalada Baydhabo ee xarunta u ah Gobolka Bay ayaa waxay sheegayaan in caawa uu dagaal ka dhacay deegaanka Awdiinle oo 30km u jirta magaalada Baydhabo, wuxuuna warku intaas ku darayaa in dagaalku uu ahaa mid aad u culus.

3/17/2013 1:53 PM EST
Axad, Maarso 17, 2013 (HOL) — Ra’iisal wasaaraha Xukuumada Soomaaliya, Cabdi Faarax Shir-doon (Saacid) ayaa si diirran u soo dhaweeyey sii daynta weriye Cabdicasiis Cabdinuur Ibraahim (Koronto) oo muddo 65 maalmood ah ku xirnaa xabsiga dhexe ee Muqdisho.

3/17/2013 1:42 PM EST
Axad, Maarso 17, 2013 (HOL) — Madaxweynaha Dowladda Soomaaliya, Xasan Sheekh Maxamuud ayaa soo dhaweeyay maanta oo Axad ah magacaabista ra’iisul wasaaraha cusub ee dalka Shiinaha, Li Keqiang isagoo u rajeeyay in si sharciga dalkaas waafaqsan uu u guto xilkiisa.

3/17/2013 1:21 PM EST
Axad, Maarso 17, 2013 (HOL) — Kooxo hubeysan ayaa maanta laba qof oo uu ku jiray mid ka mid ah ciidamada taraafikada Muqdisho ku toogtay xaafado ka tirsan magaalada Muqdisho, kuwaasoo ay u suurogashay inay si fudud uga baxsadaan goobihiii ay dilalka la geysteen.

3/17/2013 12:41 PM EST
Axad, Maarso 17, 2013 (HOL) — Xoogagga Al-shabaab ayaa maanta dib ugu laabtay degmada Xudur ee xarunta gobolka Bakool, kaddib markii ay isaga baxeen ciidamadii Itoobiya iyo kuwii dowladda Soomaaliya oo muddo hal sano ah gacanta ku hayay.

3/17/2013 11:53 AM EST
Axad, Maarso 17, 2013 (HOL) — Xisbiyadda mucaaradka iyo dadweynaha ayaa aragtiyo kala duwan ka bixiyey qaadacadii uu madaxweynaha Somaliland qaadacay shirka Bisha may ka dhici doona magaaladda London oo uu sheegay inay tahay shir loo qabanayo Soomaaliya.

3/17/2013 11:51 AM EST
Axad, Maarso 17, 2013 (HOL) — Madaxweynaha dawlad Deegaanka Soomaalida Itoobiya Mudane: Cabdi Maxamed Cumar, ayaa booqasho ku maraya deegaano ay baryahan dambe dirir colaadeed ka taagnayd ee deegaanka Xarshimeed ee gobolka jigjiga ee dalka Itoobiya.

3/17/2013 11:46 AM EST
Axad, Maarso 17, 2013 (HOL) — Iyadoo ay dhowaan wasaaradda war-faafinta ee Puntland soo saartay amar deegaanada Puntland looga mamnuucayo idaacadaha aan xarumaha ku lahayn Puntland, balse bah-wadaagta la ah ee ka dhex hadla Idaacadaha maxalliga ah ee ka howlgala deegaanada Puntland, ayaa waxaa arintaas markii ugu horeysey faah faahin ka bixiyey wasiirka Wasaaradda Maxamuud Caydiid Dirir.

3/17/2013 11:43 AM EST
Axad, Maarso 17, 2013 (HOL) — Wasiirkii hore ee wasaaradda qorsheynta iyo xiriirka caalamiga ah ee Putland Mudane Daa'uud Maxamed Cumar oo dhowaan xilkaas iska casiley ayaa munaasabad maanta ka dhacday magaalada Garoowe si rasmi ah xilka ugu wareejiyey.

3/17/2013 9:33 AM EST
Axad, 17 Maarso, 2013(HOL):- Wariye C/casiis C/nuur Ibraahim (Koronto) ayaa maanta xoriyadiisii dib u helay, kadib markii ku dhawaad sedex bilood ah uu ku xirnaa xabsiga dhexe gobolka Banaadir.

3/17/2013 7:42 AM EST
Axad, 17 Maarso, 2013(HOL) - Ciidamada dowladda Soomaaliya kuwa Itoobiya ayaa lagu soo waramayaa in ay gabi ahaanba isaga baxeen magaalada Xudur ee xarunta gobolka Bakool, iyadoona daafaha magaaladaasi ay soo buuxdhaafiyeen cutubyo ka tirsan dagaalyahannada Al-shabaab.

3/17/2013 2:29 AM EST
Axad, Maarso 17, 2013 (HOL) — Labadii cisho ee la soo dhaafay 17 ruux oo isugu jira curuur iyo dad da’ah ah ayaa ugu geeriyooday magaalada Baladweyne wax u eg daacuun laakiin aysan si rasmi ah wali dhaqaatirtu ugu dhawaaqin.

3/17/2013 2:16 AM EST
Axad, Maarso 17, 2013 (HOL) — Magaalada Baydhabo ee xarunta gobolka bay ayaa waxaa shalay booqasho ku tagay xidhibaannadii ugu tirada badnaa tan iyo markii ay dowladdii KMG ahayd kasoo guurtay degmadasa sannadkii 2008, iyadoo xildhibaannada ay la kulmi doonaan waxgaradka, maamulka iyo shacabka ku nool gobolka Bay.

3/17/2013 2:07 AM EST
Axad, Maarso 17, 2013 (HOL) — Ugu yaraan toddoba qof oo isugu jira ilmo iyo dad waaweyn ayaa ku dhaawacmay degmada Xamar-jajab ee gobolka Banaadir kaddib markii ay weerar ku qaadeen eeyo xanuunsan.