11/13/2019
Today from Hiiraan Online:  _
Wararka Maanta- Jimco, Jun 28, 2013
Sheekh Xasan Daahir oo Diiday in Muqdisho loo Wareejiyo iyo Wadahadallo weli ka socda Magaalada Cadaado


Jimco, Juun 28, 2013 (HOL) — Wararka laga helayo degmada Cadaado ee gobolka Galguduud ayaa sheegaya in Sheekh Xasan Daahir Aweys uu diiday in xildhibaanno iyo waxgarad shalay gaaray degmadaas uu Muqdisho u soo raaco.

Xildhibaanadan iyo odayaashan oo shalay gaaray Cadaado ayaa la kulmay Sheekh Xasan Daahir, waxaana ay ka dalbadeen inuu u raaco Muqdisho, iyadoo la sheegay inuu diiday haddii aanu u tagay Muqdisho si maamuus ku jiro.

Sheekh Xasan Daahir ayaa sheegay inuusan doonayn in isagoo sidii maxbuus ah uu tago Muqdisho, balse uu tagi doono haddii si weyn loogu soo dhaweynayo iyadoo la maamuusayo.

Tan iyo xalay waxaa ka socday degmada Cadaado wadahadallo Sheekh Xasan Daahir looga dhaadhicinayo inuu wafdigan isugu jira dowladda iyo odayaasha dhaqanka uu u raaco Muqdisho.

Ilo wareedyo ayaa sheegaya in Sheekh Xasan Daahir uu hadda qayb ka yahay wadahadalllada lagu doonayo inuu ugu wareego Muqdisho, iyadoo uu afhayeenka maamulkaas shegay in joogitaanka Sheekh Xasan Daahir uu culeys ku yahay deegaankooda iyo deegaannada ku dhow-dhow.

Wafdigan xildhibaanada iyo odayaasha ah ee gaaray Cadaado ayaa waxaa hoggaaminaya Sheekh C/qaadir Cali Cumar oo ka mid ah xildhibaannada baarlamaanka Soomaaliya, waxaana xubnaha ka mid ah Yuusuf Indhacadde.

Dhanka kale, mas’uuliyiinta Galmudug iyo kuwa Ahlusunna ayaa ugu baaqay maamulka Ximan iyo Xeeb inay Sheekh Xasan Daahir u gacan-geliyaan dowladda federaalka Soomaaliya.

Maxamed Xaaji Xuseen, Hiiraan Online
[email protected]
Muqdisho, Soomaaliya










Click here
6/28/2013 12:55 PM EST
Jimco, Juun 28, 2013 (HOL) — Madaxweynaha Soomaaliya, Xasan Sheekh Maxamuud ayaa ka dalbaday bankiga Barclays ee dalka Britain inuu ka laabto go’aanka uu ku xirayo xisaabaadka ay xawaaladaha Soomaalidu soo mariyaan lacagaha kusoo wajahan Soomaaliya.

6/28/2013 9:41 AM EST
Jimco, Juun 28, 2013 (HOL) — Dagaal culus oo u dhexeeya ciidammo kala taageersan, Col. Barre Hiiraale, Iftiin Xasan Baasto iyo Cabdi Baalleey oo isku dhinac ah iyo kuwa Sheekh Axmed Madoobe ayaa ka qarxay magaalada Kismaayo.

6/28/2013 9:05 AM EST
Jimco, Juun 28, 2013 (HOL) — Ciidamada Kenya eek a tirsan AMISOM ayaa maanta xabsiga dhigay abaanduulihii ciidamada xoogga dalka ee gobollada Jubbooyinka, Col. Cabbaas Ibraahim Gurey, iyadoo la sheegay in xariggiisa uu xiriirinayo dagaalkii dorraad ka dhacay magaaladaas.

6/28/2013 4:41 AM EST
Jimco, Juun 28, 2013 (HOL) — Tartan ciyaareed lagu maamuusayo m 26-ka Juun oo ahayd markii ay xoroobeen gobollada Waqooyi ee Soomaaliya iyo 01-da Luuliyo oo ahayd markii gobollada Koonfureed ay xoroobeen ayaa ka billowday garoonka Xabado ee magaalada Buuhoodle.

6/28/2013 3:53 AM EST
Jimco, June 28, 2013(HOL) :- Waxaa xalay xaafadda V-afmadow ee magaalada Kismaayo lagu qabtay laba nin oo la sheegay in ay walxaha qarxa ku aasayeen mid kamid ah wadooyinka muhiimka ah ee mara xaafaddaasi sida ay HOL u xaqiijiyeen saraakiil katirsan ciidamada dowladda ee aagaasi.