11/14/2019
Today from Hiiraan Online:  _
Wararka Maanta- Khamiis, Jun 20, 2013
Madaxweynaha Soomaaliya oo sheegay in waxbarashadu ay ahmiyad gaar ah u leedahay Shacabka Soomaaliyeed (SAWIRRO)



Khamiis, Juun 20, 2013 (HOL) — Madaxweynaha Soomaaliya, Xasan Sheekh Maxamud oo ka qaybgalay xafladdii xiritaanka shirweynaha Qaran ee dib-u-habeynta waxbarashada dalka oo saddex maalmood socday ayaa shegeay in waxbarashadu ay tahay mid ahmiyad gaar ah u leh Shacabka Soomaaliyeed.

Madaxweynuihu wuxuu sheegay in siyaasadda dowladdu tahay in dib-u-habeynta hay’adaha dowliga ah laga qayb-galiyo oo talo ay ku yeeshaan bulshada qaybaheeda kala duwan, isagoo xusay in shirkan waxbarashada looga hadlayay iyo kii ka horreeyay ee garsoorka looga hadlay ay qayb ka yihiin shirar Qaran oo dalka gudihiisa lagu qabtay, isla markaana shacabka laga qaybgeliyay si ay fikrado ugu yeeshaan.

“Waxbarashadu ahmiyad gaar ah bay noo leedahay, waxaana mahad gaar ah u soo jeedinayaa wasaaradda horumarinta adeegga bulshada oo shirka Qaran ee dib u habeynta waxbarashada soo qabanqaabisay,” ayuu yiri madaxweyne Xasan Sheekh.

Sidoo kale, madaxweyne Xasan Sheekh ayaa sheegay inuu u soo joogay waqti aysan carruurta Muqdisho tagin iskuulada oo dhibaatooyin fara badan ay jireen, isagoo u mahadceliyey dhammaan dadkii 22-kii sano u istaagay horumarinta waxbarashada, sheegayna in la joogo waqtigii la fulin lahaa aragtida wasaaradda oo ah in hal milyan oo carruur ah ay helaan waxbarasho.

“Haddii si wadajir ah looga shaqeeyo arrintan waxay suurogal ka dhigaysaa in dhammaan carruurta Soomaaliyeed ay helaan waxbarasho tayeysan,” ayuu madaxweynuhu hadalkiisa ku daray.

Madaxweynuhu waxuu sheegey in dalku leeyahay kheyraad fara badan oo haddii waxbarasho la helo ay keeni doonto in laga faa’iideysto, isagoo intaa ku daray inay jiraan waddamo aan kheyraad lahayn haddana dhaqaalahoodu uu aad u sarreeyo sababtana ay tahay iyagoo xoogga saaray waxbarashada.

Boqortooyadii Jabbaan waxay 1850-kii go’aamisay in shacabka Jabbaan laga horumariyo waxbarashada oo ay maanta meel sare ka marayaan caalamka. Soomaaliyana waa inaan mustaqbalka carruurta hadda sii hagaajinaa oo aan aragti dheer la imaanaa,” ayuu mar kale yiri madaxweynuhu.

Maamulka Puntland ayuu sheegay inay heer sare gaarsiisay waxbarashada shacabka deegaannadaas  ku nool, isagoo xusay in loo baahanyahay in wax laga barto oo dowladda dhexe qorshaheeda waxbarasho laga sii ambaqaado horumarka waxbarashada Puntland.

Dhanka kale, wuxuu madaxweynuhu ka hadlay dhacdadii shalay ee xarunta UNDP lagu weeraray isagoo sheegey inay nasiib-darro tahay in dhallinyarada Soomaaliyeed lagu qanciyay inay is dilaan shacabkoodana laayaan, wuxuuna xusay in loo baahan yahay in dhallinyaradaas lagu qanciyo inay nabadda ka shaqeeyaan oo ay bad-baadiyaan naftooda iyo nafta bani’aadamka kale ee ay la nool yihiin.

Ugu dambeyn, madaxweyne Xasan Sheekh ayaa xirtaanka shirkaas Qaran ka sheegay inay jiri doonaan shirar kale oo looga hadlayo dib-u-habeynta dhaqaalaha, amniga iyo dib-u-heshiisiinta bacdamaa shirkii garsoorka iyo kan waxbarashada ay noqdeen kuwo guul ku dhammaaday oo u horseeday shacabka Soomaaliyeed inay aayahooda ka tashadaan.







Maxamed Xaaji Xuseen, Hiiraan Online
[email protected]
Muqdisho, Soomaaliya










Click here
6/20/2013 3:41 PM EST
Khamiis, Juun 20, 2013 (HOL) — Xildhibaan Maxamed Faarax Jimcaale oo ka mid ahaa mudanayaasha baarlamaanka federaalka Soomaaliya ayaa maanta ku geeriyooday isbitaalka Madiina ee magaalada Muqdisho, kaddib uu muddo ku xanuunsanayay halkaas.

6/20/2013 11:14 AM EST
Khamiis, Juun 20, 2013 (HOL) — Ra’iisul wasaaraha Soomaaliya, Cabdi Faarax Shirdoon (Saacid) ayaa wareegto uu maanta kasoo saaray xafiiskiisa ku magcaabay guddi heer Qaran oo u xirsaaray qabanqaabada xusaska maalmaha xorriyadda Soomaaliyya ee 26-ka Juun iyo 01-da Luuliyo.

6/20/2013 11:07 AM EST
Khamiis, June 20, 2013(HOL) - Wafdi ka socday safaarada Soomaalida ay ku leedahay dalka Kenya iyo wafdi kale oo Jubbaland ka tirsan ayaa booqday gudoomiye kuxigeenka maamulkii KMG ahaa ee Kismaayo Yaasiin Nuur Gaas (Raadeer), xilli ay xaaladiisa caafimaad si wayn uga soo raysay.

6/20/2013 10:43 AM EST
Khamiis, Juun 20, 2013 (HOL) — Golaha Wasiirrada Xukuumadda Somalia oo maanta yeeshay kulan uu shir-guddoominayay ra’iisul wasaare Cabdi faarax Shirdoon (Saacid) ayaa ayaa lagu ansixiyay magcaabista shan safiir oo cusub.

6/20/2013 8:39 AM EST
Khamiis, Juun 20, 2013 (HOL) — Ururka SYL II oo ah urur dhallinyaro ayaa ku qabtay degmada Marko ee gobolka Shabeellada Hoose munaasabad loogu magac-daray (U hiilli Askariga ha ku dhiiradee waajibkiisa”, taasoo ay qayb ka qaateen abaabulkeeda shacabka ku nool degmada Marko.

6/20/2013 8:11 AM EST
Khamiis, Juun 20, 2013 (HOL) — Tababar socon doona muddo afar casho ah ayay AMISOM maanta uga furtay Muqdisho guddiga maamulka iyo amniga baarlamaanka federaalka Soomaaliya, kaasoo lagu barayo habka dhismaha maamullada gobollada iyo sugidda ammaanka.

6/20/2013 7:57 AM EST
Khamiis, Juun 20, 2013 (HOL) — Maxkamadda dambiyada caalamiga ah ee ICC ayaa dib u dhigtay billaashada dacwaddii bani’aadamnimo ee loo haystay madaxweynaha dalka Kenya, Uhuru Kenyatta, taasoo billaaban lahayd 09-ka bisha July ee soo socota.

6/20/2013 7:23 AM EST
Khamiis, Juun 20, 2013 (HOL) —Maamulka gobolka Hiiraan ayaa si kulul u cambaareeyay weerarka maalintii shalay xoogagga Al-shabaab ku qaadeen xarunta hay'adda UNDP ee magaalada Muqdisho kaasoo sababay khasaare isugu jira dhimasho iyo dhaawac.

6/20/2013 7:16 AM EST
Khamiis, Juun 20, 2013 (HOL) — Xarakada Al-shabaab oo weerar ay dhowr qof oo shaqaale ah oo ka tirsan hay’adda UNDP iyo dad rayid ah ku dhinteen ku qaadday xarunta Hay’adaha Qaramada ee Muqdisho ayaa ku goodisay inay sii wadayso weerarrada ay la beegsanayso goobaha ay daggan yihiin hay’adaha Qaramada Midoobay ee Muqdisho ku yaalla.

6/20/2013 3:33 AM EST
Khamiis, Juun 20, 2013 (HOL) — Riwaayadan oo qabanqaabadeeda iyo maal-gelinteedaba uu lahaa ururka u dooda xuquuqda dhallinyarada ee SYAO ayaa waxaa jiliyay kooxda Qaylo-dhaan, waxaana ka qaybgalay xubno fara badan oo ka tirsan maamulka gobolka Banaadir iyo dadweyne kale.

6/20/2013 2:31 AM EST
Khamiis, Juun 20, 2013 (HOL) — Dowladda Mareykanka ayaa sheegay inuu si aad ah u cambaareynayo weerarradii ismiidaaminta iyo tooska ahaa ee shalay ay Al-shabaab la beegsatay xarunta hay’adaha Qaramada Midoobay ee Muqidsho, iyagoo ku tilmaamay weerar bahalnimo ah.

6/20/2013 2:29 AM EST
Khamiis, Juun 20, 2013 (HOL) — Qaramada Midoobay ayaa sheegay inay sii socon doonaan howlaha ay ka hayaan Soomaaliya, weerarkii shalay xarunta ay ku leeyihiin Muqdisho lala beegsadayna uusan horistaagi doonin howlaha ay dalka ka hayaan.