11/13/2019
Today from Hiiraan Online:  _
Wararka Maanta- Khamiis, Jun 20, 2013
Ra’iisul wasaaraha Soomaaliya oo guddi heer Qaran ah u magcaabay xuska Munaasabadaha 26-ka Juun iyo 01-da Luuliyo


Khamiis, Juun 20, 2013 (HOL) — Ra’iisul wasaaraha Soomaaliya, Cabdi Faarax Shirdoon (Saacid) ayaa wareegto uu maanta kasoo saaray xafiiskiisa ku magcaabay guddi heer Qaran oo u  xirsaaray qabanqaabada xusaska  maalmaha xorriyadda Soomaaliyya ee 26-ka Juun iyo 01-da Luuliyo.

Ra’iisul wasaare Saacid ayaa wareegtadiisa ku sheegay in uu guddigan uu  magcaabay isagoo tixgelinaya mudnaanta ay leedahay sannad-guurada 53-aad ee kasoo wareegtay markii Soomaaliya ay ka xorowday gumaystayaashii Ingiriiska iyo Talyaaniga sannadkii 1960-kii.

Guddigan uu ra’iisul wasaaruhu magcaabay ayaa waxay isugu jiraan wasiiro, wasiirro ku xigeenno iyo xoghayayaal ka tirsan xafiiskiisa, kuwaasoo ka kooban siddeed xubnood oo kala ah:

1. Wasiirka arrimaha Gudha iyo Amniga Qaranka, C/kariin Xuseen Guuleed
2. Wasiirka Gaashaandhigga, C/xakiin Maxamuud Xaaji Fiqi,
3. Wasiir ku xigeenka wasaaradda garsoorka, Xasan Maxamed Jimcaale
4. Wsiir ku xigeenka wasaaradda Warfaafinta, C/Shakuur Cali Mire
5. Wasiir ku xigeenka wasaaradda Horumarinta, Maxamuud Macalim Yaxye
6. Duqa Magaalada Muqdisho, Maxamuud Axmed Nur (Tarsan)
7. Xoghayaha xafiiska ra’iisul wasaaraha, Maxamuud Xirsi Cabdulle
8. Xoghayaha arrimaha bulshada ee xafiiska R/W, Cali Cabdi Wardheere

Guddigan heerka Qaran ah ee uu ra’iisul wasaaruhu u magcaabay ayaa qaban-qaabin doona xuska munaasabadaha maalmaha xorriyadda Somalia, sidoo kale waxay xiriin doonaa hay’adaha ku hawlan xuska ciidaha Qaran iyo inay ka hawl-galaan sugidda amniga si munaasabaduhu u noqdaan kuwo ku dhamaada ammaan.

Maxamed Xaaji Xuseen, Hiiraan Online
[email protected]
Muqdisho, Soomaaliya










Click here
6/20/2013 3:41 PM EST
Khamiis, Juun 20, 2013 (HOL) — Xildhibaan Maxamed Faarax Jimcaale oo ka mid ahaa mudanayaasha baarlamaanka federaalka Soomaaliya ayaa maanta ku geeriyooday isbitaalka Madiina ee magaalada Muqdisho, kaddib uu muddo ku xanuunsanayay halkaas.

6/20/2013 11:18 AM EST
Khamiis, Juun 20, 2013 (HOL) — Madaxweynaha Soomaaliya, Xasan Sheekh Maxamud oo ka qaybgalay xafladdii xiritaanka shirweynaha Qaran ee dib-u-habeynta waxbarashada dalka oo saddex maalmood socday ayaa shegeay in waxbarashadu ay tahay mid ahmiyad gaar ah u leh Shacabka Soomaaliyeed.

6/20/2013 11:07 AM EST
Khamiis, June 20, 2013(HOL) - Wafdi ka socday safaarada Soomaalida ay ku leedahay dalka Kenya iyo wafdi kale oo Jubbaland ka tirsan ayaa booqday gudoomiye kuxigeenka maamulkii KMG ahaa ee Kismaayo Yaasiin Nuur Gaas (Raadeer), xilli ay xaaladiisa caafimaad si wayn uga soo raysay.

6/20/2013 10:43 AM EST
Khamiis, Juun 20, 2013 (HOL) — Golaha Wasiirrada Xukuumadda Somalia oo maanta yeeshay kulan uu shir-guddoominayay ra’iisul wasaare Cabdi faarax Shirdoon (Saacid) ayaa ayaa lagu ansixiyay magcaabista shan safiir oo cusub.

6/20/2013 8:39 AM EST
Khamiis, Juun 20, 2013 (HOL) — Ururka SYL II oo ah urur dhallinyaro ayaa ku qabtay degmada Marko ee gobolka Shabeellada Hoose munaasabad loogu magac-daray (U hiilli Askariga ha ku dhiiradee waajibkiisa”, taasoo ay qayb ka qaateen abaabulkeeda shacabka ku nool degmada Marko.

6/20/2013 8:11 AM EST
Khamiis, Juun 20, 2013 (HOL) — Tababar socon doona muddo afar casho ah ayay AMISOM maanta uga furtay Muqdisho guddiga maamulka iyo amniga baarlamaanka federaalka Soomaaliya, kaasoo lagu barayo habka dhismaha maamullada gobollada iyo sugidda ammaanka.

6/20/2013 7:57 AM EST
Khamiis, Juun 20, 2013 (HOL) — Maxkamadda dambiyada caalamiga ah ee ICC ayaa dib u dhigtay billaashada dacwaddii bani’aadamnimo ee loo haystay madaxweynaha dalka Kenya, Uhuru Kenyatta, taasoo billaaban lahayd 09-ka bisha July ee soo socota.

6/20/2013 7:23 AM EST
Khamiis, Juun 20, 2013 (HOL) —Maamulka gobolka Hiiraan ayaa si kulul u cambaareeyay weerarka maalintii shalay xoogagga Al-shabaab ku qaadeen xarunta hay'adda UNDP ee magaalada Muqdisho kaasoo sababay khasaare isugu jira dhimasho iyo dhaawac.

6/20/2013 7:16 AM EST
Khamiis, Juun 20, 2013 (HOL) — Xarakada Al-shabaab oo weerar ay dhowr qof oo shaqaale ah oo ka tirsan hay’adda UNDP iyo dad rayid ah ku dhinteen ku qaadday xarunta Hay’adaha Qaramada ee Muqdisho ayaa ku goodisay inay sii wadayso weerarrada ay la beegsanayso goobaha ay daggan yihiin hay’adaha Qaramada Midoobay ee Muqdisho ku yaalla.

6/20/2013 3:33 AM EST
Khamiis, Juun 20, 2013 (HOL) — Riwaayadan oo qabanqaabadeeda iyo maal-gelinteedaba uu lahaa ururka u dooda xuquuqda dhallinyarada ee SYAO ayaa waxaa jiliyay kooxda Qaylo-dhaan, waxaana ka qaybgalay xubno fara badan oo ka tirsan maamulka gobolka Banaadir iyo dadweyne kale.

6/20/2013 2:31 AM EST
Khamiis, Juun 20, 2013 (HOL) — Dowladda Mareykanka ayaa sheegay inuu si aad ah u cambaareynayo weerarradii ismiidaaminta iyo tooska ahaa ee shalay ay Al-shabaab la beegsatay xarunta hay’adaha Qaramada Midoobay ee Muqidsho, iyagoo ku tilmaamay weerar bahalnimo ah.

6/20/2013 2:29 AM EST
Khamiis, Juun 20, 2013 (HOL) — Qaramada Midoobay ayaa sheegay inay sii socon doonaan howlaha ay ka hayaan Soomaaliya, weerarkii shalay xarunta ay ku leeyihiin Muqdisho lala beegsadayna uusan horistaagi doonin howlaha ay dalka ka hayaan.