11/11/2019
Today from Hiiraan Online:  _
Wararka Maanta- Khamiis, Jun 20, 2013
Ururka SYL II oo Magaalada Marko ku qabtay Munaasabad lagu Taageerayo Ciidamada Dowladda Soomaaliya (SAWIRRO)



Khamiis, Juun 20, 2013 (HOL) — Ururka SYL II oo ah urur dhallinyaro ayaa ku qabtay degmada Marko ee gobolka Shabeellada Hoose munaasabad loogu magac-daray (U hiilli Askariga ha ku dhiiradee waajibkiisa”, taasoo ay qayb ka qaateen abaabulkeeda shacabka ku nool degmada Marko.

Munaasabadda ayaa waxaa goobjoog ka ahaa ururada bulshada, odayaasha, culummaa’uddiinka, haweenka iyo dhallinyarada, iyadoo lagu soo beegay kaddib markii ciidamada amniga ay qabteen dad qalqal amaan-xumo ah ka waday magaalada Marka, kuwaasoo bambooyin ku tuuray ciidamadii rondo ku jiray.

Ujeeddada munaasabaddan ayuu ururku ku sheegay in ciidamada dowladda ee ku sugan degmada Makro lagu dhiirrigeliyo inay adkeeyaan ammaanka degmada maadaama ay soo kordheen maalmahaan falalka ammaan-darro ee laga geysanayo degmadaas.

Waa markii ugu horreysay oo munaasabad noocan oo kale ah lagu qabto degmada Marko ee gobolka Shabeellada Hoose, waxayna dadweynahu ku muujiyeen dareenkooda boorar kala duwan oo lagu soo xardhay erayo kala duwan oo oo looga soo horjeedo dadka ammaan xumada kawada degmada iyo kuwo lagu soo dhaweynayo taageeridda iyo ka qeyb-qaadashada sidii lagu adkeyn lahaa ammaanka.

Eraydii ku qornaa boorarka ayaa waxaa ka mid ahaa: Dhawr amniga ha ku dhowree. Taageera nabadda tiir adagna ku muda. Marka Caddeey Minin Aw-Cusmaan Munaafaqii imaado Miigaa loo xeraa, Dhagar-qabow, filo dhar-baaxo ku dhaafimeynee. Ma xisaabtame, miir-laawe meeshaad galeysaa la iska rabaa iyo kuwo kale oo fara badan.

Gabagabadii munaasabadda ayaa waxaa ka hadlay guddoomiyaha degmada Marka, Yariisow oo uga mahadnaqay dadweynaha shucuurtooda ku aadan ka hor-taga dadka qalalaasaha sameynaaya iyo soo dhaweynta iyo dhiiri-gelinta ciidamada amniga.

Shacabkii kasoo qaybgalay munaasabadda ayaa ciidamada soo qabqabtay dadka ammaan-darrada wada ku guuddoonsiiyay lacago abaal-marin ahaa ciidamadii gacanta ku dhigay, iyagoo kuwa kalena ku dhiirigeliyay inay ku daydaan ciidamadaas.

Ugu dambeyn, waxaa halkaas ka hadlay qaar ka mid ah guddiyaddii kala duwan ee ka jira degmada Marko, sida odayaasha, ururada bulshada oo ay ka mid yihiin haweenka iyo culummaa’uddiinka; iyagoo shacabka ku boorriyay inay taageeraan ciidamada amniga si looga hortago amni-xumada.





Maxamed Xaaji Xuseen, Hiiraan Online
[email protected]
Muqdisho, Soomaaliya










Click here
6/20/2013 3:41 PM EST
Khamiis, Juun 20, 2013 (HOL) — Xildhibaan Maxamed Faarax Jimcaale oo ka mid ahaa mudanayaasha baarlamaanka federaalka Soomaaliya ayaa maanta ku geeriyooday isbitaalka Madiina ee magaalada Muqdisho, kaddib uu muddo ku xanuunsanayay halkaas.

6/20/2013 11:18 AM EST
Khamiis, Juun 20, 2013 (HOL) — Madaxweynaha Soomaaliya, Xasan Sheekh Maxamud oo ka qaybgalay xafladdii xiritaanka shirweynaha Qaran ee dib-u-habeynta waxbarashada dalka oo saddex maalmood socday ayaa shegeay in waxbarashadu ay tahay mid ahmiyad gaar ah u leh Shacabka Soomaaliyeed.

6/20/2013 11:14 AM EST
Khamiis, Juun 20, 2013 (HOL) — Ra’iisul wasaaraha Soomaaliya, Cabdi Faarax Shirdoon (Saacid) ayaa wareegto uu maanta kasoo saaray xafiiskiisa ku magcaabay guddi heer Qaran oo u xirsaaray qabanqaabada xusaska maalmaha xorriyadda Soomaaliyya ee 26-ka Juun iyo 01-da Luuliyo.

6/20/2013 11:07 AM EST
Khamiis, June 20, 2013(HOL) - Wafdi ka socday safaarada Soomaalida ay ku leedahay dalka Kenya iyo wafdi kale oo Jubbaland ka tirsan ayaa booqday gudoomiye kuxigeenka maamulkii KMG ahaa ee Kismaayo Yaasiin Nuur Gaas (Raadeer), xilli ay xaaladiisa caafimaad si wayn uga soo raysay.

6/20/2013 10:43 AM EST
Khamiis, Juun 20, 2013 (HOL) — Golaha Wasiirrada Xukuumadda Somalia oo maanta yeeshay kulan uu shir-guddoominayay ra’iisul wasaare Cabdi faarax Shirdoon (Saacid) ayaa ayaa lagu ansixiyay magcaabista shan safiir oo cusub.

6/20/2013 8:11 AM EST
Khamiis, Juun 20, 2013 (HOL) — Tababar socon doona muddo afar casho ah ayay AMISOM maanta uga furtay Muqdisho guddiga maamulka iyo amniga baarlamaanka federaalka Soomaaliya, kaasoo lagu barayo habka dhismaha maamullada gobollada iyo sugidda ammaanka.

6/20/2013 7:57 AM EST
Khamiis, Juun 20, 2013 (HOL) — Maxkamadda dambiyada caalamiga ah ee ICC ayaa dib u dhigtay billaashada dacwaddii bani’aadamnimo ee loo haystay madaxweynaha dalka Kenya, Uhuru Kenyatta, taasoo billaaban lahayd 09-ka bisha July ee soo socota.

6/20/2013 7:23 AM EST
Khamiis, Juun 20, 2013 (HOL) —Maamulka gobolka Hiiraan ayaa si kulul u cambaareeyay weerarka maalintii shalay xoogagga Al-shabaab ku qaadeen xarunta hay'adda UNDP ee magaalada Muqdisho kaasoo sababay khasaare isugu jira dhimasho iyo dhaawac.

6/20/2013 7:16 AM EST
Khamiis, Juun 20, 2013 (HOL) — Xarakada Al-shabaab oo weerar ay dhowr qof oo shaqaale ah oo ka tirsan hay’adda UNDP iyo dad rayid ah ku dhinteen ku qaadday xarunta Hay’adaha Qaramada ee Muqdisho ayaa ku goodisay inay sii wadayso weerarrada ay la beegsanayso goobaha ay daggan yihiin hay’adaha Qaramada Midoobay ee Muqdisho ku yaalla.

6/20/2013 3:33 AM EST
Khamiis, Juun 20, 2013 (HOL) — Riwaayadan oo qabanqaabadeeda iyo maal-gelinteedaba uu lahaa ururka u dooda xuquuqda dhallinyarada ee SYAO ayaa waxaa jiliyay kooxda Qaylo-dhaan, waxaana ka qaybgalay xubno fara badan oo ka tirsan maamulka gobolka Banaadir iyo dadweyne kale.

6/20/2013 2:31 AM EST
Khamiis, Juun 20, 2013 (HOL) — Dowladda Mareykanka ayaa sheegay inuu si aad ah u cambaareynayo weerarradii ismiidaaminta iyo tooska ahaa ee shalay ay Al-shabaab la beegsatay xarunta hay’adaha Qaramada Midoobay ee Muqidsho, iyagoo ku tilmaamay weerar bahalnimo ah.

6/20/2013 2:29 AM EST
Khamiis, Juun 20, 2013 (HOL) — Qaramada Midoobay ayaa sheegay inay sii socon doonaan howlaha ay ka hayaan Soomaaliya, weerarkii shalay xarunta ay ku leeyihiin Muqdisho lala beegsadayna uusan horistaagi doonin howlaha ay dalka ka hayaan.