11/13/2019
Today from Hiiraan Online:  _
Wararka Maanta- Arbaco, Jun 19, 2013
Xildhibaanada Baarlamaanka oo warbixin ku saabsan sharciga Maalgashiga dalka ka dhageystay Wasiirka Ganacsiga


Arbaco, Juun 19, 2013 (HOL) — Xildhibaannada baarlamaanka Soomaaliya ayaa maanta warbixinno ku saabsan sharciga maalgashiga dalka ka dhageystay wasiirka ganacsiga iyo warshadaha xukuumadda Soomaaliya, Maxamuud Axmed Xasan.

Kulankii xildhibaannada maanta oo ay soo xaadireen 145 mudane ayaa waxaa shir-guddoominayay guddoomiye ku xigeenka labaad ee golaha baarlamaanka Soomaaliya, Mahad Cabdalla Cawad.

Wasiirka ayaa sharraxaad kooban ka bixiyay sharcigan, isagoo markaas kaddibna ka jawaabay su’aalo ay weydiiyeen xildhibaannadii baarlamaanka, kuwaasoo ku saabsanaa sharcigan oo ay xukuumaddu soo diyaarisay.

Golaha wasiirrada xukuumadda Soomaaliya ayaa horay sharcigan ugu gudbiyay baarlamaanka si guddiga howshan u xilsaaran uu u soo eego, kaddibna ay uga doodaan codna loogu qaado.

Sharcigan ayaa wuxuu qeexayaa habka ay dalka maal-gashi ugu sameysan karaan shikaradaha shisheeye, iyadoo xukuumaddu ay sheegtay in haddii la meel-mariyo sharcigan uu horseedi doono in dhaqaalaha dalka uu sare u kaco.

Baarlamaanka Soomaaliya ayaa wuxuu dhawaanahan ku jiray dhageysiga sharciyo ay u soo gudbisay xukuumadda Soomaaliya, waxaana shirciggan uu ka mid yahay sharciyadii ay horay u soo ansixiyeen golaha wasiirrada Somalia.

Ugu dambeyn, waxaa kulankii maanta soo xiray guddoomiye ku xigeenka labaad ee baarlamaanka oo guddiga arrintan u xilsaaran ee baarlamankaa ugu baaqay inay sharcigan kusoo akhriyaan muddo hal toddobaad ah.

Maxamed Xaaji Xuseen, Hiiraan Online
[email protected]
Muqdisho, Soomaaliya










Click here
6/19/2013 2:32 PM EST
Arbaco, Juun 19, 2013 (HOL) — Madaxweynaha Soomaaliya, Xasan Sheekh Maxamud oo ka hadlay qaraxii iyo weerarkii dagaalyahanno Al-shabaab ka tirsan ay maanta la beegsadeen xarunta hay’adda UNDP ay Muqdisho ku leedahay, isagoo sheegay in Al-shabaab ay dhibaato ku hayaan shacabka.

6/19/2013 11:11 AM EST
Arbaco, Juun 19, 2013 (HOL) — Xarunta UNDP ee Muqdisho ayaa waxaa maanta barqadii weeraray xoogag taabacsan Al-shabaab, kuwaasoo uu sheegay wasiirka arrimaha gudaha in dhamaantood ay goobta ku dhinteen, sidoo kale wasiirku wuxuu sheegay in lagu dilay halkaas afar ilaaladii xarunta ka mid ahaa iyo afar ka mid ahaa ajnabigii UNDP u shaqeynayay.

6/19/2013 8:10 AM EST
Arbaco, June 19, 2013(HOL) :- Xaaladda caafimaad ee gudoomiye kuxigeenka maamulkii KMG ahaa ee Kismaayo Yaasiin Nuur Gaas (Raadeer) ayaa lagu soo waramayaa in ay kasoo reeyneeyso kadib dhaawac ay shalay maleyshiyo hubeeysan ugu geeysteen gudaha magaalada.

6/19/2013 8:03 AM EST
Arbaco, Juun 19, 2013 (HOL) — Wasiirka arrimaha gudaha iyo Ammaanka Qaranka xukuumadda Soomaaliya, C/kariin Xuseen Guuleed ayaa sheegay in weerarkii maanta lagu qaaday xarunta UNDP ay ku dhinteen 15-qof oo ay afar ka mid ahaayeen shaqaalihii ajnabiga ahaa ee ka howlaglayay xarunta UNDP.

6/19/2013 7:53 AM EST
Arbaco, Juun 19, 2013 (HOL) — Dowladda Soomaaliya iyo AMISOM ayaa ka hadlay weerarkii Al-shabaab ku qaaday xarunta UNDP ee Muqdisho, iyagoo ku tilmaamay mid waxashnimo ah oo aan guuldarreystay.

6/19/2013 6:37 AM EST
Arbaco, Juun 19, 2013 (HOL) — Xarakada Al-shabaab ayaa sheegatay inay mas’uul ka tahay weerarka lagu qaaday xarunta hay’adda horumarinta QM ee UNDP ay ku leedahay Muqdisho, iyadoo sarkaal u hadlay uu sheegay inay weerarka qaadeen ciidamadooda gaarka ah.

6/19/2013 5:56 AM EST
Arbaco, Juun 19, 2013 (HOL) — Kooxo hubeysan ayaa weerar ku qaaday maanta xarunta hay’adda UNPD ee Muqdisho oo u dhexeysa garoonka diyaaradaha ee Aadan Cadde iyo isgoyska mashquulka badan ee KM-4.

6/19/2013 2:52 AM EST
Arbaco, Juun 19, 2013 (HOL) — Wafdi ka socda baarlamaanka Soomaaliya ayaa markii ugu horreysay 20-sano kaddib ka qaybgalaya shirka ACP-EU oo ka furmay magaalada Brussels ee dalka Belgium oo ay ku taallo xarunta Midowga Yurub.