11/13/2019
Today from Hiiraan Online:  _
Wararka Maanta- Arbaco, Jun 19, 2013
Xaaladda Caafimaad ee Mas'uulkii lagu Dhaawacay Magaalada Kismaayo oo kasoo raynaysa iyo Jawiga Magaalada oo daggan


Arbaco, June 19, 2013(HOL) :- Xaaladda caafimaad ee gudoomiye kuxigeenka maamulkii KMG ahaa ee Kismaayo Yaasiin Nuur Gaas (Raadeer) ayaa lagu soo waramayaa in ay kasoo reeyneeyso kadib dhaawac ay shalay maleyshiyo hubeeysan ugu geeysteen gudaha magaalada.

Dhaawaca loo geeystay masuulkani ayaa ka danbeeyay kadib markii ay rasaas ku fureen ciidamo gadoodsan oo ay jidgooyo u tiillay wadada aadda marsadda caalamiga ah ee magaalada Kismaayo.

Masuulkan  oo markii hore la dhigay Isbital ay ciidamada AMISOM ku leeyihiin garoonka diyaaradaha Kismaayo ayaa isla shalay gelinkii danbe loo qaaday dhanka magaalada Nairobi ee caasimadda dalka Kenya sida ay HOL u xaqiijiyeen dad ku dhow dhow masuulkaasi, iyadoona lagu soo waramayo in xaaladdiisa caafimaad ay tahay mid kasoo reeyneeyso.

Dhanka kale Xaaladda magaalada ayaa maanta caadi kusoo laabatay, kadib jawi kacsanaan ah oo ay ku jirtay shalay ilaa xalay, taasoo ka danbeeysay kadib markii uu iska horimaad gudaha magaalada ku dhexmaray laba ciidan, iyadoona iska horimaadkaasi uu salka ku hayay dhaawicii loo geeystay masuulka ka tirsan maamulka.

Ilaa hadda inta la ogyahay shaqaaqooyinkii shalay waxaa ku dhimatay ilaa sedex qof oo  mid kamid ah uu ahaa qof rayid ah, iyadoona sidoo kale ay dhaawacyo kasoo gaareen ilaa afar qof oo kale oo isugu jiray dhinacyadii dagaalamayay iyo dad rayid ah  sida ay HOL u xaqiijiyeen saraakiisha Isbitalka Kismaayo.

Jawiga magaalada ayaa maanta caadi ah, iyadoona ay dib u furmeen dhaqdhaqaaqyadii bulshada sida ganacsiga, waxbarashada iyo isu socodkii gaadiidka.

Xasan Nuur, Hiiraan Online
[email protected]
Kismaayo-Soomaaliya.










Click here
6/19/2013 2:32 PM EST
Arbaco, Juun 19, 2013 (HOL) — Madaxweynaha Soomaaliya, Xasan Sheekh Maxamud oo ka hadlay qaraxii iyo weerarkii dagaalyahanno Al-shabaab ka tirsan ay maanta la beegsadeen xarunta hay’adda UNDP ay Muqdisho ku leedahay, isagoo sheegay in Al-shabaab ay dhibaato ku hayaan shacabka.

6/19/2013 11:11 AM EST
Arbaco, Juun 19, 2013 (HOL) — Xarunta UNDP ee Muqdisho ayaa waxaa maanta barqadii weeraray xoogag taabacsan Al-shabaab, kuwaasoo uu sheegay wasiirka arrimaha gudaha in dhamaantood ay goobta ku dhinteen, sidoo kale wasiirku wuxuu sheegay in lagu dilay halkaas afar ilaaladii xarunta ka mid ahaa iyo afar ka mid ahaa ajnabigii UNDP u shaqeynayay.

6/19/2013 8:35 AM EST
Arbaco, Juun 19, 2013 (HOL) — Xildhibaannada baarlamaanka Soomaaliya ayaa maanta warbixinno ku saabsan sharciga maalgashiga dalka ka dhageystay wasiirka ganacsiga iyo warshadaha xukuumadda Soomaaliya, Maxamuud Axmed Xasan.

6/19/2013 8:03 AM EST
Arbaco, Juun 19, 2013 (HOL) — Wasiirka arrimaha gudaha iyo Ammaanka Qaranka xukuumadda Soomaaliya, C/kariin Xuseen Guuleed ayaa sheegay in weerarkii maanta lagu qaaday xarunta UNDP ay ku dhinteen 15-qof oo ay afar ka mid ahaayeen shaqaalihii ajnabiga ahaa ee ka howlaglayay xarunta UNDP.

6/19/2013 7:53 AM EST
Arbaco, Juun 19, 2013 (HOL) — Dowladda Soomaaliya iyo AMISOM ayaa ka hadlay weerarkii Al-shabaab ku qaaday xarunta UNDP ee Muqdisho, iyagoo ku tilmaamay mid waxashnimo ah oo aan guuldarreystay.

6/19/2013 6:37 AM EST
Arbaco, Juun 19, 2013 (HOL) — Xarakada Al-shabaab ayaa sheegatay inay mas’uul ka tahay weerarka lagu qaaday xarunta hay’adda horumarinta QM ee UNDP ay ku leedahay Muqdisho, iyadoo sarkaal u hadlay uu sheegay inay weerarka qaadeen ciidamadooda gaarka ah.

6/19/2013 5:56 AM EST
Arbaco, Juun 19, 2013 (HOL) — Kooxo hubeysan ayaa weerar ku qaaday maanta xarunta hay’adda UNPD ee Muqdisho oo u dhexeysa garoonka diyaaradaha ee Aadan Cadde iyo isgoyska mashquulka badan ee KM-4.

6/19/2013 2:52 AM EST
Arbaco, Juun 19, 2013 (HOL) — Wafdi ka socda baarlamaanka Soomaaliya ayaa markii ugu horreysay 20-sano kaddib ka qaybgalaya shirka ACP-EU oo ka furmay magaalada Brussels ee dalka Belgium oo ay ku taallo xarunta Midowga Yurub.