3/28/2024
Today from Hiiraan Online:  _
Wararka Maanta- Isniin, Jun 17, 2013
Dowladda Kenya oo billowday Qabanqaabada Shirweyne looga hadlayo sidii Qoxootiga Soomaalida dib loogu celin lahaa

Isniin, Juun 17, 2013 (HOL) —Kenya ayaa billowday qabanqaabad shir caalami ah oo looga tashanayo sidii qoxootiga Soomaalieed ee dalkaas ku nool dib loogu celin lahaa Soomaaliya, kaasoo dhici doona bisha Ogoosto ee sannadkan.

Shirkan ayaa la qaban doona toddobaadka labaad ee bisha Ogoosto 2013, kaasoo wada martigelin doonaan xukuumadda Kenya, dowladda Soomaaliya iyo hay’adda qoxootiga adduunka ee UNHCR oo ay ku lamaasan tahay ururka calaamiga ah ee caawisa muhaajiriinta (IOM).

Wasiiradda arrimaha dibadda ee Kenya, Aamina Maxamed ayaa sheegtay Isniinta maanta ah in hay’adaha caalamiga ah ay goor hore sahmiyeen dhul nabad ah oo la dejin karo qoxootiga, ayna ku howlan yihiin diyaarinta wixii agab ah ee la siin lahaa.

Sidoo kale, wasiiraddu waxay sheegtay in dalka Kenya ay ku sugan yihiin hal milyan oo qoxooti Soomaaliyeed ah, kuwaasoo laga diiwaan-geliyay 600,000 oo keliya.

“Hay’adaha samafalku waxay dhameystireen warbixinnada ku saabsan halka ay qoxootigaas markii hore ka yimaadeen, kala bar ka mid ahna waxay sheegeen inay kasoo gudbeen soohdinta Kenya iyo Soomaaliya labadii sano ee lasoo dhaafay,” ayay wasiiraddu ku sheegay shir jaraa’id oo warbaahinta Kenya ay u qabtay, iyadoo intaas ku dartay:  “Waxaan ku faraxsanahay in 50% qoxootigaas ay ku talo-jiraan inay si iskood ah dib ugu laabtaan dalkii ay u dhasheen.”

Wasiiraddu waxay xustay in dalal ku yaalla Qaaradda Aasiya ay weydiisteen inay dalkeeda ka caawiyaan sidii qoxootiga Soomaalida dalkooda dib loogu celin lahaa, kaddib muddo 20-sano ka badan oo ay Kenya ku noolaayeen.

Dowladda Soomaaliya ayaa horay u soo dhaweysay in qoxootig Soomaalida ah ee ku nool Kenya dib loogu soo celiyo dalkooda, si ay uga qaybqatan dib u dhiska dalka, maadaama ay Soomaaliya ka baxayso xilli dheer oo colaado sokeeye ah.

Xeryaha Kaakuma iyo Dhadhaab ayaa ah kuwa dunida ugu waaweyn oo ay ku nool yihiin, waxaana xeryahaas ku jira qoxooti isugu jira Soomaali iyo Suudaan, kuwaasoo dalalkooda uga soo cararay dagaallo sokeeye iyo abaaro daba-dheeraaday.

Maxamed Xaaji Xuseen, Hiiraan Online
[email protected]
Muqdisho, Soomaaliya













Click here
6/17/2013 3:23 PM EST
Isniin, Juun 17, 2013 (HOL) — Ugu yaraan 30-qoys ayaa gargaar raashin ah loogu qaybiyay maanta magaalada Buuhoodle, kaasoo lagu maamuusayay maalinta carruurta Afrika.

6/17/2013 10:43 AM EST
Isniin, Juun 17, 2013 (HOL) — Xarakada Al-Shabaab ayaa kusoo bandhigay barta ay ku leedahay Twitter-ka labo ruux oo Kenyan ah oo ay sheegtay inay ka mid yihiin askarta Kenya oo ay kasoo qafaasheen gobolka Waqooyi-bari ee dalkaas iyo qalab isugu jira hub ay ka mid yihiin qoryaha fudud, rasaas iyo kuwa isgaarsiinta loo isitcmaalo.

6/17/2013 10:10 AM EST
Isniin, Juun 17, 2013 (HOL) — Magaalada Baydhabo ee xarunta gobolka Bay ayaa waxaa ku dilay xaaskiisii oo shan caruur ah u haysay isla maraana lahayd uur nin lagu magacaabi jiray, Cabdirisaaq Xasan Saney oo isaguna markii dambe is-dilay.

6/17/2013 9:22 AM EST
Isniin, Juun 17, 2013 (HOL) — Kulankan wadatashi ah oo la isugu keenay maamullada gobollada dhexe ee dalka oo ay soo qabanqaabiyeen hay’adaha CRD iyo FCA-Finland oo kaashanaya wasaaradda arrimaha gudaha iyo amniga Qaranka ee xukuumadda Soomaaliya ayaa maanta ka furmay magaalada Muqdisho.

6/17/2013 9:14 AM EST
Isniin, Juun 17, 2013 (HOL) — Kaddib howlgal saacadihii aynu soo dhaafnay ay ka sameeyeen ciidamada dowladda iyo kuwa Jabuuti ee howlgalka midowgga Africa AMISOM qeybo ka mid ah gobollka Hiiraan ayeey kula wareegeen deegaanno hoostaga magaalada Baladweyne oo ay horay gacanta ugu hayeen xoogagga Al-shabaab.

6/17/2013 9:13 AM EST
Isniin, Juun 17, 2013 (HOL) — Madaxweynaha maamulka Jubbaland, Axmed Maxamed Islaam (Axmed Madoobe ) oo ku sugan magaalada Addis Ababa ee dalka Itoobiya ayaa sheegay in ujeedka uu halkan u yimid ay tahay sidii uu iskaashi caalami ah ugu raadin lahaa maamulka uu madaxda ka yahay.

6/17/2013 7:46 AM EST
Isniin, Juun 17, 2013 (HOL) — Labaatan sano ayaa maanta ku buuxsantay markii ergaygii Qaramada Midoobay ee Soomaaliya, Admiral Johathan Howe uu amar ku bixiyay in lasoo qabto Jen. Maxamed Faarax Caydiid, xilligaas oo ku beegnayd 17-kii June 1993-kii.

6/17/2013 7:30 AM EST
Isniin, Juun 17, 2013 (HOL) — Tartan kubad cagta ah oo ay ka qeyb-qaadanayaa ilaa sideed kooxood oo ka dhisan afarta xaafadood oo ay ka kooban tahay magaalada Baladweyne, ayaa si rasmi ah uga furmay garoonka kubada cagta Lama-galaan.

6/17/2013 2:15 AM EST
Isniin, Juun 17, 2013 (HOL) — Xildhibaanno ka tirsan baarlamaanka Somalia ayaa xalay lagu weeraray bartamaha magaalada Nairobi ee dalka Kenya, xilli ay wateen gaari yar, waxaana kooxaha weerarka geystay oo ahaa rag sitay bastoolado ay ka qaateen xildhibaannada laabtoobyadii ay wateen.

6/17/2013 1:59 AM EST
Isniin, Juun 17, 2013 (HOL) — Ciidamadii ugu horreeyay oo ka tirsan milateriga Soomaaliya oo tababar ku qaata gudaha dalka ayaa lagu wadaa in maalmaha soo socda loosoo xiro tababarkooda, sida ay sheegeen saraakiisha milateriga Soomaaliya iyo wasaaradda gaashaandhigga.

6/17/2013 1:27 AM EST
Isniin, June 17, 2013(HOL) :- Gudiga gacanta ku hayay howsha dhismaha masjidka khadiim ee magaalada Baladxaawo ayaa waxay ka warbixiyeen howsha Dhismaha Masjidkaasi oo ay sheegeen in haatan ay mareeyso wejigii labaad ee dib u dhiska Masjidka, xilli howsha dhismaha masjidka ay socoto mudo haatan laga joogo sedex bilood.