11/11/2019
Today from Hiiraan Online:  _
Wararka Maanta- Sabti, Jun 1 , 2013
Kulan looga Hadlay Wacyigelinta iyo Horumarinta Waxbarashada haweenka oo Muqdisho lagu Qabtay (SAWIRRO)



Sabti, Juun 01, 2013 (HOL) — Kulan looga hadlayay wacyi-gelinta haweenka iyo horumarinta waxbarashada gabadha Soomaaliyeed ayaa maanta lagu qabtay magaalada Muqdisho ee caasimada Soomaaliya.

Kulankan oo ay soo qabanqaabisay wasaaradda horumarinta adeegga bulshada ee xukuumada Soomaaliya iyo qaar ka mid ah hay’adaha aan dowliga ahayn ee dalka ka jira, iyadoo ay ka qayb-galeen mas’uuliyiin ka tirsan waaxyaha wasaaradda, haween ka kala socday gobollada Banaadir, labada Shabeelle iyo ururrada bulshada rayidka.

Agaasimaha arrimaha bulshada iyo horurimarinta haweenka ee wasaaradda adeegga bulshada, Maxamed Cumar oo kulanka hadlay ayaa sheegay inay wasaaraddu waddo qorshayaal kala duwan oo haweenka lagu horumarinayo.

“Dowladdu waxay diyaar u tahay inay waxbarashada haweenka kor u qaaddo iyadoo laga duulayo hadalkii wasiiradda wasaaradda horumarinta adeegaa bulshada, Maryan Qaasim ee ahaa in qof kasta uu helo waxbarasho tayo leh, gaar ahaan haweenka iyo caruurta,” ayuu yiri Maxamed Cumar.

Sidoo kale, agaasimaha wacyi-gelinta iyo abaabulka ee wasaaradda, Cadar Cali oo iyaduna halkaas ka hadashay ayaa sheegtay inuu jiro abaabul  ku saabsan dib u howlgelinta dugsiyada ay wax ku bartaan haweenka si kor loogu qaado aqoontooda.

Qaar ka mid ah haweenkii kulanka kasoo qaybgalayee ka socday ururrada bulshada rayidka iyo gobollada dalka qaarkood oo halkaas ka hadlay ayaa talooyin ka dhiibtay horumarinta waxbarashada haweenka, iyagoo xusay in ay ka warqabaan awoodda dowladdu inay tahay mid yar hase ahaatee la doonayo inay dadaal badan muujiso.

Wasaaradda horumarinta adeega bulshada ayaa dhawaan ku dhowaaqday qorshe ay iska kaashanayaan iyada iyo qaar ka mid ah hay’adaha Qaramada Midoobay, kaasoo la doonayo in waxbarasho bilaash ah loogu abuuro caruur gaareysa hal milyan oo ku nool guud ahaan Soomaaliya.






Maxamed Xaaji Xuseen, Hiiraan Online
[email protected]
Muqdisho, Soomaaliya










Click here
6/1/2013 2:59 PM EST
Sabti, Juun 01, 2013 (HOL) — Ergayga gaarka ee Qaramada Midoobay u qaabilsan arrimaha Soomaaliya, Augsutine Mahiga oo xilka ka dagaya laba maalmood ee socota gudahood, ayaa waraysigiisii u dambeeyay siiyay VOA, wuxuuna kaga hadlay maraxladihii Soomaaliya ay soo martay intii uu xilka hayay.

6/1/2013 2:46 PM EST
Sabti, Juun 01, 2013 (HOL) — Wasiir ku-xigeenka wasaaradda arrimaha dibadda iyo iskaashiga caalamiga ah ee xukuumadda Soomaaliya, Dr. Jamaal Maxamed Barrow ayaa maanta ka hor akhriyay xildhibaannada baarlamaanka Soomaaliya sharciga shaqada arrimaha dibadda (Foreign Service Low), kaasoo wasaaraddu ay diyaarisay ayna doonayso inay dib ugu habeyso hab-raaca diblomaasiyadeed oo lagu xilliyeynayo diblomaasiyadda iyo habka shaqo iyo shaqaalaha safaaradaha iyo qunsuliyadaha Soomaaliya ee dibadda.

6/1/2013 12:29 PM EST
Sabti, Juun 01, 2013 (HOL) — Xukuumadda Somaliland ayaa guddi heer Qaran ah u saartay soo dhaweynta, Prof. Axmed Ismaaciil Samatar oo lagu wado inuu Magaalada Hargeysa tago maalinta Berri ah oo ku beegan Axad.

6/1/2013 11:33 AM EST
Sabti, Juun 01, 2013 (HOL) — Madaxweyne Ku xigeenka Somaliland Mudane Cabdiraxmaan Cabdilaahi Ismaaciil (Saylici) iyo wefti uu hogaaminayo oo laba toddobaad ku maqnaa dalka ingiriiska ayaa shalay dalka dib ugu soo laabtay.

6/1/2013 11:28 AM EST
Sydney, Australia - Qeybaha kala duwan ee Soomaalida degan gobolka New South Wales gaar ahaan magaalada Sydney ayaan u kala hadhin xaflad weyn oo lagu soo dhaweeyey R/Wasaarihii hore ee Somalia Prof. C/Weli Maxamed Cali Gaas.

6/1/2013 11:09 AM EST
Sabti, Juun 01, 2013 (HOL) — Wasaaradda Dhalinyarada iyo Ciyaaraha Somaliland ayaa maanta ku dhawaaqday isku aadka kooxaha Gobolada Somaliland oo maalinta berrito ee Axadda ka furmi doona magaaladda Hargeysa.

6/1/2013 10:34 AM EST
Sabti, Juun 01, 2013 (HOL) — Xoghayaha guud ee Qaramada Midoobay oo ka qaybgalaya shirka TICAD ee horumartinta Qaaradda Afrika oo ka socda magaalada Yokolohama ee dalka Japan ayaa ku booriyay beesha caalamka inay xoojiyaan qorshaha nabad raadinta Soomaaliya, si loo abuuro deegaan soo jiita dalxiisayaasha iyo dimuqraadiyad ka dhalata Soomaaliya.

6/1/2013 10:00 AM EST
Sabti, Juun 01, 2013 (HOL) — Guddoomiyha ururka haweenka ee degmada Baydhabo, Xaawo Sokoreey ayaa ka warbixisay maanta Haween tacadi kufsi loogu geystay xerooyinka barakacyaasha Baydhabo, waxay sheegtey in la kufsaday haween tiradoodu gaarayso 12 haween ah, qaarkood waxaa lagu kufsaday xero ay ku jiraan dadka soo barakacay oo lagu magacaabo IDAALE.

6/1/2013 8:00 AM EST
Sabti, Juun 01, 2013 (HOL) — Madaxweynaha Soomaaliya, Xasan Sheekh Maxamud oo ka qaybgalaya shirka (TICAD V) ee ka socda magaalada Yokohama ee dalka Japan ayaa kulammo gooni-gooni ah kula yeeshay mas’uuliyiin ay ka mid yihiin madaxweyne ku-xigeenka dalka Kenya, madaxa bankiga adduunka, madaxa UNICEF iyo xubno kale.

6/1/2013 7:37 AM EST
Sabti, June 01, 2013(HOL) :-Waxaa magaalada Kismaayo soo gaaray ciidamo ka socda dowladda Sierra Leone oo iyagu qeyb ka ah howlgalka AMISOM ay ka wado Soomaaliya, waxaana ciidamadani oo sitay gaadiidka dagaalka iyo kuwa ciidamada daabula ay kasoo dageen marsadda caalamiga ah ee magaalada Kismaayo.

6/1/2013 7:23 AM EST
Sabti, June 01, 2013Wasiirka gaashaandhigga Soomaaliya iyo xubno ka tirsan golaha baarlamanka Soomaaliya ayaa weli ku sugan magaalada Kismaayo iyadoo maalinimadii shalay ay magaalada Kismaayo dib uga laabteen xubno uu horkacayay wasiirka warfaafinta boostada iyo isgaarsiinta Mudane C/laahi Ciilmooge Xirsi.

6/1/2013 2:23 AM EST
Sabti, Juun 01, 2013 (HOL) — Dagaal culus ayaa ciidanka dowladda Somalia, kuwa AMISOM iyo Al-shabaab ku dhexmaray shalay oo Jimco ahayd duleedka degmada Wanlaweyn ee gobolka Shabeellada Hoose, dagaalkaas oo sababay khasaare dhimasho iyo mid dhaawac.