11/11/2019
Today from Hiiraan Online:  _
Wararka Maanta- Sabti, Jun 1 , 2013
Madaxweynaha Soomaaliya oo dalka Jabaan kula kulmay Mas'uuliyiin uu ka mid ahaa Madaxweyne ku-xigeenka Kenya (SAWIRRO)



Sabti, Juun 01, 2013 (HOL) — Madaxweynaha Soomaaliya, Xasan Sheekh Maxamud oo ka qaybgalaya shirka (TICAD V) ee ka socda magaalada Yokohama ee dalka Japan ayaa kulammo gooni-gooni ah kula yeeshay mas’uuliyiin ay ka mid yihiin madaxweyne ku-xigeenka dalka Kenya, madaxa bankiga adduunka, madaxa UNICEF iyo xubno kale.

Magaalada Yokohama ayaa waxaa maanta Sabti ah ka furmay shir caalami ah oo looga hadlayo horumarinta Qaaradda Afrika kaasoo oo ay madaxda dalalka Afrika ka qayb-galayeen.

Shirkan ayaa dowladda Japan shanti sanaba mar u qabataa dalalka Afrika iyadoo lagu xoojinayo xiriirka ka dhexeewya Afrika iyo Japan.

Kulankii ay yeesheen madaxweynaha Somalia iyo madaxweyne ku xigeenka Kenya, William Ruto waxay uga hadleen arrimo ay ka mid yihiin qaxootiga Soomaaliyeed ee ku sugan Kenya, Kismaayo iyo arrimaha amniga.

Labada mas’uul ayaa si wanaagsan isagu af-gartay dhammaan arrimihii ay kawada hadleen, iyagoo isku raacay in shir caalami ah lagu qabto Nairobi oo ay labada dowladood iyo Qaramada Midoobay ay shir-guddoominayaan kaas oo looga hadli doono sidii qaxootiga Soomaalida ah ee ku nool dalka Kenya dib loogu celin lahaa Soomaaliya.

Sidoo kale, Xasan Sheekh iyo Ruto waxay kawada hadleen arrinta Kismaayo oo labada wasiir arrimo dibadeed ee labada dal ay hadda uga hadlayaan magaalada Nairobi si ay isula meel dhigaan arrimaha amniga xuduudaha.

Wasiirrada Fowzia Yuusuf iyo Amina Maxamed ayaa maanta shir jar’aaid ku wada qabtay Nairobi soona bandhigay in labada dowladood ay isku raaceen in guddi wadajir ah ay ka wada-shaqeeyaan sidii arrimaha amniga soohdinta labada dalka loogu heli lahaa xal waara, loona xoojiyo xiriirka labada dal.

Madaxweynayaasha Soomaaliya iyo Kenya ayaa la rajeynayaa inay dhawaan yeeshaan kulammo lagu xoojinayo kulamadoodii ay horay ugu yeesheen magaalooyinka Addis Ababa, Itoobiya iyo Mombasa , Kenya.

Dhanka kale, madaxweyne Xasan Shiikh ayaa kulan kale la yeeshay madaxa bankiga adduunka, Jim Yong Kim oo uu kala hadlay arrimo ay ka mid yihiin sidii bankiga adduunka uu Soomaaliya uga saacidi lahaa maamulka iyo maareynta maaliyadda, sidii Soomaaliya deymaha lagu leeyahay looga cafin lahaa si shacabka Soomaaliyeed ay u helaan mashaariic horumarineed oo uu bankiga adduunka hirgeliyo. 

Ugu dambeyn, madaxweyne Xasan Sheekh waxuu kulan la qaatay, Anthony Lake oo ah madaxa hay’adda UNICEF iyo Erthurin Cousin oo ah madaxa WFP, isagoo kala hadlay sidii hay’adahaas ay toos ula shaqeyn lahaayeen qaybaha kala duwan ee dowladda Soomaaliya.






Maxamed Xaaji Xuseen, Hiiraan Online
[email protected]
Muqdisho, Soomaaliya










Click here
6/1/2013 2:59 PM EST
Sabti, Juun 01, 2013 (HOL) — Ergayga gaarka ee Qaramada Midoobay u qaabilsan arrimaha Soomaaliya, Augsutine Mahiga oo xilka ka dagaya laba maalmood ee socota gudahood, ayaa waraysigiisii u dambeeyay siiyay VOA, wuxuuna kaga hadlay maraxladihii Soomaaliya ay soo martay intii uu xilka hayay.

6/1/2013 2:46 PM EST
Sabti, Juun 01, 2013 (HOL) — Wasiir ku-xigeenka wasaaradda arrimaha dibadda iyo iskaashiga caalamiga ah ee xukuumadda Soomaaliya, Dr. Jamaal Maxamed Barrow ayaa maanta ka hor akhriyay xildhibaannada baarlamaanka Soomaaliya sharciga shaqada arrimaha dibadda (Foreign Service Low), kaasoo wasaaraddu ay diyaarisay ayna doonayso inay dib ugu habeyso hab-raaca diblomaasiyadeed oo lagu xilliyeynayo diblomaasiyadda iyo habka shaqo iyo shaqaalaha safaaradaha iyo qunsuliyadaha Soomaaliya ee dibadda.

6/1/2013 12:29 PM EST
Sabti, Juun 01, 2013 (HOL) — Xukuumadda Somaliland ayaa guddi heer Qaran ah u saartay soo dhaweynta, Prof. Axmed Ismaaciil Samatar oo lagu wado inuu Magaalada Hargeysa tago maalinta Berri ah oo ku beegan Axad.

6/1/2013 11:33 AM EST
Sabti, Juun 01, 2013 (HOL) — Madaxweyne Ku xigeenka Somaliland Mudane Cabdiraxmaan Cabdilaahi Ismaaciil (Saylici) iyo wefti uu hogaaminayo oo laba toddobaad ku maqnaa dalka ingiriiska ayaa shalay dalka dib ugu soo laabtay.

6/1/2013 11:28 AM EST
Sydney, Australia - Qeybaha kala duwan ee Soomaalida degan gobolka New South Wales gaar ahaan magaalada Sydney ayaan u kala hadhin xaflad weyn oo lagu soo dhaweeyey R/Wasaarihii hore ee Somalia Prof. C/Weli Maxamed Cali Gaas.

6/1/2013 11:09 AM EST
Sabti, Juun 01, 2013 (HOL) — Wasaaradda Dhalinyarada iyo Ciyaaraha Somaliland ayaa maanta ku dhawaaqday isku aadka kooxaha Gobolada Somaliland oo maalinta berrito ee Axadda ka furmi doona magaaladda Hargeysa.

6/1/2013 10:34 AM EST
Sabti, Juun 01, 2013 (HOL) — Xoghayaha guud ee Qaramada Midoobay oo ka qaybgalaya shirka TICAD ee horumartinta Qaaradda Afrika oo ka socda magaalada Yokolohama ee dalka Japan ayaa ku booriyay beesha caalamka inay xoojiyaan qorshaha nabad raadinta Soomaaliya, si loo abuuro deegaan soo jiita dalxiisayaasha iyo dimuqraadiyad ka dhalata Soomaaliya.

6/1/2013 10:00 AM EST
Sabti, Juun 01, 2013 (HOL) — Guddoomiyha ururka haweenka ee degmada Baydhabo, Xaawo Sokoreey ayaa ka warbixisay maanta Haween tacadi kufsi loogu geystay xerooyinka barakacyaasha Baydhabo, waxay sheegtey in la kufsaday haween tiradoodu gaarayso 12 haween ah, qaarkood waxaa lagu kufsaday xero ay ku jiraan dadka soo barakacay oo lagu magacaabo IDAALE.

6/1/2013 8:49 AM EST
Sabti, Juun 01, 2013 (HOL) — Kulan looga hadlayay wacyi-gelinta haweenka iyo horumarinta waxbarashada gabadha Soomaaliyeed ayaa maanta lagu qabtay magaalada Muqdisho ee caasimada Soomaaliya.

6/1/2013 7:37 AM EST
Sabti, June 01, 2013(HOL) :-Waxaa magaalada Kismaayo soo gaaray ciidamo ka socda dowladda Sierra Leone oo iyagu qeyb ka ah howlgalka AMISOM ay ka wado Soomaaliya, waxaana ciidamadani oo sitay gaadiidka dagaalka iyo kuwa ciidamada daabula ay kasoo dageen marsadda caalamiga ah ee magaalada Kismaayo.

6/1/2013 7:23 AM EST
Sabti, June 01, 2013Wasiirka gaashaandhigga Soomaaliya iyo xubno ka tirsan golaha baarlamanka Soomaaliya ayaa weli ku sugan magaalada Kismaayo iyadoo maalinimadii shalay ay magaalada Kismaayo dib uga laabteen xubno uu horkacayay wasiirka warfaafinta boostada iyo isgaarsiinta Mudane C/laahi Ciilmooge Xirsi.

6/1/2013 2:23 AM EST
Sabti, Juun 01, 2013 (HOL) — Dagaal culus ayaa ciidanka dowladda Somalia, kuwa AMISOM iyo Al-shabaab ku dhexmaray shalay oo Jimco ahayd duleedka degmada Wanlaweyn ee gobolka Shabeellada Hoose, dagaalkaas oo sababay khasaare dhimasho iyo mid dhaawac.