11/12/2019
Today from Hiiraan Online:  _
Wararka Maanta- Sabti, Jun 1 , 2013
Ciidammo ka socda dalka Sierra Leone oo qayb ka ah howlgalka AMISOM ee Soomaaliya oo soo gaaray Magaalada Kismaayo


Sabti, June 01, 2013(HOL) :-Waxaa magaalada Kismaayo soo gaaray ciidamo ka socda dowladda Sierra Leone oo iyagu qeyb ka ah howlgalka AMISOM ay ka wado Soomaaliya, waxaana ciidamadani oo sitay gaadiidka dagaalka iyo kuwa ciidamada daabula ay kasoo dageen marsadda caalamiga ah ee magaalada Kismaayo.

Ciidamadan oo ku qalbeeysnaa hubka noocyadiisa kala duwan, taangiyo iyo gaadiidka ciidamada daabula ayaa maanta lagu arkayay qeybo katirsan magaalada, waxaana markii ay ciidamadu soo dageen ay fariisimo ka sameysteen garoonka diyaaradaha iyo saldhigyada dhanka waqooyi ee magaalada Kismaayo.

Sarkaal ka tirsan ciidamada dowladda oo ku sugan Kismaayo ayaa HOL u xaqiijiyay in ciidamadani ay hordhac u yihiin askar ka socota dowladda Sierra Leone oo la filayo in ay maalmaha soo socda soo gaaraan magaalada, waxaana ilaa imika cadeyn tirada rasmiga ah ee ciidamada hadda yimid.

Sidoo kale cutubyo ka tirsan ciidamada ka socda dowladda Sierra Leone ayaa todobaadyo kahor  la geeyay deegaanada ku yaal galbeedka gobolka J/hoose, waxaana goobaha ay imika ku suganyihiin ka mid ah deegaanada Dhoobleey iyo Qooqaani.

Dowladda Sierra Leone ayaa qeyb ka ah wadamada Afrika ee ciidamada usoo diray Soomaaliya si ay qeyb uga noqdaan ciidamada ka socda dalalka Uganda, Brundi, Kenya, Jabuuti  iyo Nigeria ee ku sugan dalka Soomaaliya islamarkaana dagaalka kula jira xarakada Al-shabaab oo iyadu si weyn uga soo horjeedda dowladda Soomaaliya iyo ciidamada AMISOM.

Xasan Nuur, Hiiraan Online
[email protected]
Kismaayo-Soomaaliya










Click here
6/1/2013 2:59 PM EST
Sabti, Juun 01, 2013 (HOL) — Ergayga gaarka ee Qaramada Midoobay u qaabilsan arrimaha Soomaaliya, Augsutine Mahiga oo xilka ka dagaya laba maalmood ee socota gudahood, ayaa waraysigiisii u dambeeyay siiyay VOA, wuxuuna kaga hadlay maraxladihii Soomaaliya ay soo martay intii uu xilka hayay.

6/1/2013 2:46 PM EST
Sabti, Juun 01, 2013 (HOL) — Wasiir ku-xigeenka wasaaradda arrimaha dibadda iyo iskaashiga caalamiga ah ee xukuumadda Soomaaliya, Dr. Jamaal Maxamed Barrow ayaa maanta ka hor akhriyay xildhibaannada baarlamaanka Soomaaliya sharciga shaqada arrimaha dibadda (Foreign Service Low), kaasoo wasaaraddu ay diyaarisay ayna doonayso inay dib ugu habeyso hab-raaca diblomaasiyadeed oo lagu xilliyeynayo diblomaasiyadda iyo habka shaqo iyo shaqaalaha safaaradaha iyo qunsuliyadaha Soomaaliya ee dibadda.

6/1/2013 12:29 PM EST
Sabti, Juun 01, 2013 (HOL) — Xukuumadda Somaliland ayaa guddi heer Qaran ah u saartay soo dhaweynta, Prof. Axmed Ismaaciil Samatar oo lagu wado inuu Magaalada Hargeysa tago maalinta Berri ah oo ku beegan Axad.

6/1/2013 11:33 AM EST
Sabti, Juun 01, 2013 (HOL) — Madaxweyne Ku xigeenka Somaliland Mudane Cabdiraxmaan Cabdilaahi Ismaaciil (Saylici) iyo wefti uu hogaaminayo oo laba toddobaad ku maqnaa dalka ingiriiska ayaa shalay dalka dib ugu soo laabtay.

6/1/2013 11:28 AM EST
Sydney, Australia - Qeybaha kala duwan ee Soomaalida degan gobolka New South Wales gaar ahaan magaalada Sydney ayaan u kala hadhin xaflad weyn oo lagu soo dhaweeyey R/Wasaarihii hore ee Somalia Prof. C/Weli Maxamed Cali Gaas.

6/1/2013 11:09 AM EST
Sabti, Juun 01, 2013 (HOL) — Wasaaradda Dhalinyarada iyo Ciyaaraha Somaliland ayaa maanta ku dhawaaqday isku aadka kooxaha Gobolada Somaliland oo maalinta berrito ee Axadda ka furmi doona magaaladda Hargeysa.

6/1/2013 10:34 AM EST
Sabti, Juun 01, 2013 (HOL) — Xoghayaha guud ee Qaramada Midoobay oo ka qaybgalaya shirka TICAD ee horumartinta Qaaradda Afrika oo ka socda magaalada Yokolohama ee dalka Japan ayaa ku booriyay beesha caalamka inay xoojiyaan qorshaha nabad raadinta Soomaaliya, si loo abuuro deegaan soo jiita dalxiisayaasha iyo dimuqraadiyad ka dhalata Soomaaliya.

6/1/2013 10:00 AM EST
Sabti, Juun 01, 2013 (HOL) — Guddoomiyha ururka haweenka ee degmada Baydhabo, Xaawo Sokoreey ayaa ka warbixisay maanta Haween tacadi kufsi loogu geystay xerooyinka barakacyaasha Baydhabo, waxay sheegtey in la kufsaday haween tiradoodu gaarayso 12 haween ah, qaarkood waxaa lagu kufsaday xero ay ku jiraan dadka soo barakacay oo lagu magacaabo IDAALE.

6/1/2013 8:49 AM EST
Sabti, Juun 01, 2013 (HOL) — Kulan looga hadlayay wacyi-gelinta haweenka iyo horumarinta waxbarashada gabadha Soomaaliyeed ayaa maanta lagu qabtay magaalada Muqdisho ee caasimada Soomaaliya.

6/1/2013 8:00 AM EST
Sabti, Juun 01, 2013 (HOL) — Madaxweynaha Soomaaliya, Xasan Sheekh Maxamud oo ka qaybgalaya shirka (TICAD V) ee ka socda magaalada Yokohama ee dalka Japan ayaa kulammo gooni-gooni ah kula yeeshay mas’uuliyiin ay ka mid yihiin madaxweyne ku-xigeenka dalka Kenya, madaxa bankiga adduunka, madaxa UNICEF iyo xubno kale.

6/1/2013 7:23 AM EST
Sabti, June 01, 2013Wasiirka gaashaandhigga Soomaaliya iyo xubno ka tirsan golaha baarlamanka Soomaaliya ayaa weli ku sugan magaalada Kismaayo iyadoo maalinimadii shalay ay magaalada Kismaayo dib uga laabteen xubno uu horkacayay wasiirka warfaafinta boostada iyo isgaarsiinta Mudane C/laahi Ciilmooge Xirsi.

6/1/2013 2:23 AM EST
Sabti, Juun 01, 2013 (HOL) — Dagaal culus ayaa ciidanka dowladda Somalia, kuwa AMISOM iyo Al-shabaab ku dhexmaray shalay oo Jimco ahayd duleedka degmada Wanlaweyn ee gobolka Shabeellada Hoose, dagaalkaas oo sababay khasaare dhimasho iyo mid dhaawac.