3/28/2024
Today from Hiiraan Online:  _
Wararka Maanta- Arbaco, July 31, 2013
Isku-shaandheyntii iyo ku dhawaaqistii Golaha Wasiirada Soomaaliya oo dib ugu dhacday illaa bisha September ee sannadkan

Arbaco, July 31, 2013 (HOL) — Iyadoo lagu waday in maalmaha soo socda lagu dhawaaqo golaha wasiirrada xukuumadda Soomaaliya oo tiradooda laga dhigay 25-wasiir iyo isku shaandheyn lagu sameeyay 10-ka wasiir ee xilligan shaqeynaya ayaa dib loo dhigay illaa bisha Septmber ee sannadkan.

Dib u dhigista arrintan ayaa lagu sheegay iyadoo baarlamaanka Soomaaliya oo la horgeyn lahaa si uu kalsoonida u siiyo uu fasax galay, taas awgeedna ay keentay in dib loo dhigo illaa ay ka furmayaan kalfdhiyada baarlamaanka Soomaaliya.

Ilo wareedyo ka tisran xafiiska ra’iisul wasaaraha ayaa laga soo xigay in lagu dhawaaqi doono golaha wasiirrada ee cusub dhamaadka bisha September, isla markaana la hogeyn doono baarlamaanka si ay kalsoonida u siiyaan.

Wararka ayaa waxay sheegayaan in xubnaha ka mid  noqnaya wasiirrada uu ka taagan yahay muran, iyadoo ay jiraan xubno la doonayo in xukuumadda laga saaro iyo kuwo cusub oo lagu soo dayo, kuwasaoo dhammaantood uu ka taagan yahay muran.

Xubnahan ayaa la sheegay inay kala wataan madaxda dowladda, waxaana la sheegay in kordhinta golaha wasiirada ay sabab u tahay wasiirrada xilligan shaqeynaya oo ay ku badatay howlaha wasaaradaha, sidaa awgeedna la kala fududeynayo si howshu u socoto.

Arrintan ayaa waxaa si weyn u hadal haya shacabka Soomaaliyeed oo qaar ka mid ah ay ku tilmaameen mid aan loo baahnayn, halka kuwo kalena ay soo dhaweynayaan, waxaase badan dadka qaba in golaha wasiirrada intan laga yareeyo.

Baarlamaanka Soomaaliya oo lagu xiray ku dhawaaqidda golaha wasiirrada ee cusub ayaa maanta galay fasax hal bil ah, kaddib markii bil ka mid ah labadii bilood ee ay fasaxa lahayeen ay sii shaqeeyeen si ay u ansxiyeen hidise-sharciyeedyo ay xukuumaddu u soo gudbisay.

Maxamed Xaaji Xuseen, Hiiraan Online
[email protected]
Muqdisho, Soomaaliya













Click here
7/31/2013 12:58 PM EST
Arbaco, July 31, 2013 (HOL) — Kooxo bastoolado ku hubeysan ayaa goor dhaw oo maanta ah ku dillay meel aan ka fogeyn gurigiisa afhayeenkii odayaasha dhaqanka gobolka Hiiraan Xuseen Cilmi Ibraahim.

7/31/2013 12:58 PM EST
Arbaco, July 31, 2013 (HOL) — Kalfadhiyadii caadiga ahaa ee baarlamaanka Soomaaliya ayaa maanta lasoo xiray, iyadoo ajandihii ugu dambeeyay oo ay ka doodeen xildhibaannadu uu ahaa shuruucda sameynta xisbiyada siyaadeed ee dalka, iyadoo xildhibaannadu ay fikrado kala duwan ka dhiibteen.

7/31/2013 12:30 PM EST
Arbaco, July 31, 2013 (HOL) — Xarakada Al-shabaab ayaa xaqiijisay inay sii daysay laba sarkaal oo Kenyan ah, kaddib markii dowladda Kenya ay fulisay shuruudo ay ugu xirtay Al-shabaab xukuumadda Kenya.

7/31/2013 8:50 AM EST
Arbaco, July 31, 2013 (HOL) — Iska-horimaadyo u dhexeeya ciidamada dowladda Soomaaliya iyo kooxo hubeysan ayaa maanta ka dhacay gudaha suuqa Bakaaraha ee Muqdisho, xili ay suuqaas ay ku sugnaayeen dad badan oo ka adeeganayay.

7/31/2013 8:50 AM EST
Arbaco, July 31, 2013 (HOL) — In ka badan 60-qoys oo isugu jiray dan-yar iyo barakacayaal ayaa noocyada kala duwan ee raashinka loogu qaybiyay magaalada Laascaanood ee xarunta gobolka Sool.

7/31/2013 8:19 AM EST
Arbaco, July 31, 2013 (HOL) — Saraakiisha booliiska maamulka gobolka Hiiraan ayaa maanta ku soo bandhigay magaalada Baladweyne gacan ku dhiiglihii dillay Alle ha u naxariisteen guddoomiye ku-xigeenkii dhaca garsoorka ee maxkamadda degmada Baladweyne Macalin Xassan Cilmi Ciyoow [Xassan Dheere] iyo shaqsi sida la sheegay fududeeyay dilka marxuum-ka.

7/31/2013 4:43 AM EST
Arbaco, July 31, 2013 (HOL) — Dowladda Kenya ayaa shaacisay in sakaakiil u dhashay dalkeeda oo Al-shabaab ay ku qafaalatay dagaal ka dhacay meel ku dhow soohdinta ay wadagaan Soomaaliya iyo Kenya sannadkii hore lasoo daayay.

7/31/2013 4:18 AM EST
Arbaco, July 31, 2013 (HOL) — Xidhibaanno ka tirsan baarlamaanka Somalia ayaa Muqdisho looga furay tababar ku saabsan dhowrista xuquuqda caruurta iyo haweenka Soomaaliyeed iyo sidii loo yareyn lahaa xadgudubyada lagula kaco.

7/31/2013 3:46 AM EST
Arbaco, July 31, 2013 (HOL) — Hogaamiyaha ugu sareeya ee Xarakada Al-shabaab Sheekh Mukhtaar Abuu Zubeyr, ayaa cajalad maqal ah oo uu soo saaray uga hadlay arimo dhowr ah oo ay ka mid yihiin dagaallada ay kula jiraan dowladda Soomaaliya iyo Ciidamada AMISOM.

7/31/2013 2:37 AM EST
Arbaco, July 31, 2013(HOL) — Dowladda Soomaaliya ayaa heshiis la gashay shirkad ilaalisa xeebaha oo lagu magacaabo the Atlantic Marine and offshore Group, taasoo fadhigeedu yahay dalka Holland.