3/29/2024
Today from Hiiraan Online:  _
Wararka Maanta- Arbaco, July 31, 2013
Afhayeenkii Golaha odayaasha dhaqanka gobolka Hiiraan oo goor dhaw lagu dilay Bartamaha Magaalada Baladweyne


Arbaco, July 31, 2013 (HOL) — Kooxo bastoolado ku hubeysan ayaa goor dhaw oo maanta ah ku dillay meel aan ka fogeyn gurigiisa afhayeenkii odayaasha dhaqanka gobolka Hiiraan Xuseen Cilmi Ibraahim.

Dad goob joogayaal ah ayaa warbaahinta u sheegay in sadax dhalinyarro ah oo ku hubeysan bastoolado weerar ku qaadeen marxuum-ka xili uu ku sii jeeday gurigiisa oo ku yaalla xaafadda Howl-wadaag ee magaalada Baladweyne.

Lama oga illaa iyo hadda cid dhab ahaan ka danbeysay dilka marxuum-ka oo siweyn caan uga ahaa magaalada gaar ahaan gollaha odayaasha dhaqanka gobolka Hiiraan, waxaana uu ahaa xubin fir fircoon siweyn uga dhax muuqan jiray shirarka kala duwan ee dhaqanka iyo siyaasada labadaba ku saleysan.

Ma jiro wax war ah oo wali maamulka gobolka uu ka soo saaray dilka Alle ha naxariisteen afhayeenka odayaasha dhaqanka Xusseen Cilmi Ibraahim, hasse ahaatee waxaa socda howlgalo ay wadaan ciidamada maamulka gobolka Hiiraan.

Labaantii bishan aynu jirno ayeey aheyd markii magaalada lagu toogtay guddoomiye ku-xigeenkii maxkamadda degmada Baladweyne Xussan Cilmi Ciyoow [Xassan Dheere] oo maanta loo soo bandhigay warbaahinta gacan ku dhiiglaayaashii ka danbeeyay dilkiisa.

Hiiraan Online













Click here
7/31/2013 1:58 PM EST
Arbaco, July 31, 2013 (HOL) — Iyadoo lagu waday in maalmaha soo socda lagu dhawaaqo golaha wasiirrada xukuumadda Soomaaliya oo tiradooda laga dhigay 25-wasiir iyo isku shaandheyn lagu sameeyay 10-ka wasiir ee xilligan shaqeynaya ayaa dib loo dhigay illaa bisha Septmber ee sannadkan.

7/31/2013 12:58 PM EST
Arbaco, July 31, 2013 (HOL) — Kalfadhiyadii caadiga ahaa ee baarlamaanka Soomaaliya ayaa maanta lasoo xiray, iyadoo ajandihii ugu dambeeyay oo ay ka doodeen xildhibaannadu uu ahaa shuruucda sameynta xisbiyada siyaadeed ee dalka, iyadoo xildhibaannadu ay fikrado kala duwan ka dhiibteen.

7/31/2013 12:30 PM EST
Arbaco, July 31, 2013 (HOL) — Xarakada Al-shabaab ayaa xaqiijisay inay sii daysay laba sarkaal oo Kenyan ah, kaddib markii dowladda Kenya ay fulisay shuruudo ay ugu xirtay Al-shabaab xukuumadda Kenya.

7/31/2013 8:50 AM EST
Arbaco, July 31, 2013 (HOL) — Iska-horimaadyo u dhexeeya ciidamada dowladda Soomaaliya iyo kooxo hubeysan ayaa maanta ka dhacay gudaha suuqa Bakaaraha ee Muqdisho, xili ay suuqaas ay ku sugnaayeen dad badan oo ka adeeganayay.

7/31/2013 8:50 AM EST
Arbaco, July 31, 2013 (HOL) — In ka badan 60-qoys oo isugu jiray dan-yar iyo barakacayaal ayaa noocyada kala duwan ee raashinka loogu qaybiyay magaalada Laascaanood ee xarunta gobolka Sool.

7/31/2013 8:19 AM EST
Arbaco, July 31, 2013 (HOL) — Saraakiisha booliiska maamulka gobolka Hiiraan ayaa maanta ku soo bandhigay magaalada Baladweyne gacan ku dhiiglihii dillay Alle ha u naxariisteen guddoomiye ku-xigeenkii dhaca garsoorka ee maxkamadda degmada Baladweyne Macalin Xassan Cilmi Ciyoow [Xassan Dheere] iyo shaqsi sida la sheegay fududeeyay dilka marxuum-ka.

7/31/2013 4:43 AM EST
Arbaco, July 31, 2013 (HOL) — Dowladda Kenya ayaa shaacisay in sakaakiil u dhashay dalkeeda oo Al-shabaab ay ku qafaalatay dagaal ka dhacay meel ku dhow soohdinta ay wadagaan Soomaaliya iyo Kenya sannadkii hore lasoo daayay.

7/31/2013 4:18 AM EST
Arbaco, July 31, 2013 (HOL) — Xidhibaanno ka tirsan baarlamaanka Somalia ayaa Muqdisho looga furay tababar ku saabsan dhowrista xuquuqda caruurta iyo haweenka Soomaaliyeed iyo sidii loo yareyn lahaa xadgudubyada lagula kaco.

7/31/2013 3:46 AM EST
Arbaco, July 31, 2013 (HOL) — Hogaamiyaha ugu sareeya ee Xarakada Al-shabaab Sheekh Mukhtaar Abuu Zubeyr, ayaa cajalad maqal ah oo uu soo saaray uga hadlay arimo dhowr ah oo ay ka mid yihiin dagaallada ay kula jiraan dowladda Soomaaliya iyo Ciidamada AMISOM.

7/31/2013 2:37 AM EST
Arbaco, July 31, 2013(HOL) — Dowladda Soomaaliya ayaa heshiis la gashay shirkad ilaalisa xeebaha oo lagu magacaabo the Atlantic Marine and offshore Group, taasoo fadhigeedu yahay dalka Holland.