3/29/2024
Today from Hiiraan Online:  _
Wararka Maanta- Arbaco, July 31, 2013
Maamulka Gobolka Hiiraan oo soo Bandhigay Gacan-ku-Diig-Layaashii Dilay Guddoomiye ku-xigeenkii Maxkamadda Baladweyne (SAWIRRO)


Arbaco, July 31, 2013 (HOL) — Saraakiisha booliiska maamulka gobolka Hiiraan ayaa maanta ku soo bandhigay magaalada Baladweyne gacan ku dhiiglihii dillay Alle ha u naxariisteen guddoomiye ku-xigeenkii dhaca garsoorka ee maxkamadda degmada Baladweyne Macalin Xassan Cilmi Ciyoow [Xassan Dheere] iyo shaqsi sida la sheegay fududeeyay dilka marxuum-ka.

Goobta lagu soo bandhigay labada gacan ku dhiiglaha ayaa waxaa goob joog ka ahaa mas'uuliyiinta maamulka degmada, saraakiisha ciidamada Jabuuti iyo xubno ka tirsan maxkamadda degmada Baladweyne oo ay wada shaqeyn jireen marxuum-ka la dillay.

Taliyaha saldhiga booliska magaalada Baladweyne Col Cali Cabdi Mahad Alla oo ka hadllay goobta ayaa sheegay in baaritaan ay wadeen mudo ku simin 11 cisho kadib guuleysteen in ay hellaan dadkii ka danbeeyay dilkii guddoomiye ku-xigeenka maxkamada iyo shaqsiyaadkii fududeeyay dilka.

“Waxaan halkan idinku soo bandhigeynaa shaqsigii ka danbeeyay toogashada guddoomiye ku-xigeenkii maxkamada degmada, iyo nin kale oo dhalinyarro ah oo sheegay in uu dilka kala shaqeeyay gacan ku dhiiglaha,''ayuu yiri Col Cali Dhuux

Taliyaha ayaa ku sheegay magaca shaqsiga qirtay in uu dillay guddoomiye ku-xigeenka Nuur Max'uud Gurey isla markaana wareysi dheer kadib sheegay n uu isaga gacantiis ku toogtay.

Marka laga soo tago gacan ku dhiiglaha shaqsiga kale oo magaciisa lagu soo koobay Cismaan ayaa la sheegay in uusan toogashada geysan laakiin uu kala shaqeynayay gacan ku dhiiglaha hadba halka uu soo marayo marxuum-ka ka hor inta aysan toogashada dhici, taasoo macnaheedu yahay in uu dilka u fududeeyay.

Ugu dambeytii, taliyaha qeybta booliiska ayaa sheegay in dhawaan maxkamad la horkeeni doono danbiilayaasha.
 

C/raxmaan Diini, Hiiraan Online
[email protected]
Baladweyne Soomaaliya













Click here
7/31/2013 1:58 PM EST
Arbaco, July 31, 2013 (HOL) — Iyadoo lagu waday in maalmaha soo socda lagu dhawaaqo golaha wasiirrada xukuumadda Soomaaliya oo tiradooda laga dhigay 25-wasiir iyo isku shaandheyn lagu sameeyay 10-ka wasiir ee xilligan shaqeynaya ayaa dib loo dhigay illaa bisha Septmber ee sannadkan.

7/31/2013 12:58 PM EST
Arbaco, July 31, 2013 (HOL) — Kooxo bastoolado ku hubeysan ayaa goor dhaw oo maanta ah ku dillay meel aan ka fogeyn gurigiisa afhayeenkii odayaasha dhaqanka gobolka Hiiraan Xuseen Cilmi Ibraahim.

7/31/2013 12:58 PM EST
Arbaco, July 31, 2013 (HOL) — Kalfadhiyadii caadiga ahaa ee baarlamaanka Soomaaliya ayaa maanta lasoo xiray, iyadoo ajandihii ugu dambeeyay oo ay ka doodeen xildhibaannadu uu ahaa shuruucda sameynta xisbiyada siyaadeed ee dalka, iyadoo xildhibaannadu ay fikrado kala duwan ka dhiibteen.

7/31/2013 12:30 PM EST
Arbaco, July 31, 2013 (HOL) — Xarakada Al-shabaab ayaa xaqiijisay inay sii daysay laba sarkaal oo Kenyan ah, kaddib markii dowladda Kenya ay fulisay shuruudo ay ugu xirtay Al-shabaab xukuumadda Kenya.

7/31/2013 8:50 AM EST
Arbaco, July 31, 2013 (HOL) — Iska-horimaadyo u dhexeeya ciidamada dowladda Soomaaliya iyo kooxo hubeysan ayaa maanta ka dhacay gudaha suuqa Bakaaraha ee Muqdisho, xili ay suuqaas ay ku sugnaayeen dad badan oo ka adeeganayay.

7/31/2013 8:50 AM EST
Arbaco, July 31, 2013 (HOL) — In ka badan 60-qoys oo isugu jiray dan-yar iyo barakacayaal ayaa noocyada kala duwan ee raashinka loogu qaybiyay magaalada Laascaanood ee xarunta gobolka Sool.

7/31/2013 4:43 AM EST
Arbaco, July 31, 2013 (HOL) — Dowladda Kenya ayaa shaacisay in sakaakiil u dhashay dalkeeda oo Al-shabaab ay ku qafaalatay dagaal ka dhacay meel ku dhow soohdinta ay wadagaan Soomaaliya iyo Kenya sannadkii hore lasoo daayay.

7/31/2013 4:18 AM EST
Arbaco, July 31, 2013 (HOL) — Xidhibaanno ka tirsan baarlamaanka Somalia ayaa Muqdisho looga furay tababar ku saabsan dhowrista xuquuqda caruurta iyo haweenka Soomaaliyeed iyo sidii loo yareyn lahaa xadgudubyada lagula kaco.

7/31/2013 3:46 AM EST
Arbaco, July 31, 2013 (HOL) — Hogaamiyaha ugu sareeya ee Xarakada Al-shabaab Sheekh Mukhtaar Abuu Zubeyr, ayaa cajalad maqal ah oo uu soo saaray uga hadlay arimo dhowr ah oo ay ka mid yihiin dagaallada ay kula jiraan dowladda Soomaaliya iyo Ciidamada AMISOM.

7/31/2013 2:37 AM EST
Arbaco, July 31, 2013(HOL) — Dowladda Soomaaliya ayaa heshiis la gashay shirkad ilaalisa xeebaha oo lagu magacaabo the Atlantic Marine and offshore Group, taasoo fadhigeedu yahay dalka Holland.