3/29/2024
Today from Hiiraan Online:  _
Wararka Maanta- Talaado, July 30, 2013
Ciidamada Canshuuraha Ururiya ee Dowladda Somalia oo Dhibaatooyin kala kulma Ganacsatada xilliga Canshuur Ururinta

Talaado, July 30, 2013 (HOL) — Ganacsatada Soomaaliyeed ee suuqyada Muqdisho ayaa intii ay Al-shabaab ka talinaysay qaybo ka mid ah Muqdisho waxay lacagaha ay weydiistaan ku dhiibi jireen si khasab ah, laakiinse hadda uma dhego-furna inay dhiibaan lacagaha canshuuraha ah ee dowalddu ay ku soo rogtay, sida uu sheegay sakaal ka tirsan dowladda hoose ee Soomaaliya.

Ururinta canshuuraha ayaa lagu sheegay inay tahay midda ugu khatarta badan howlaha laga qabto Muqdisho, iyadoo shan ka mid ah ciidamada qaada canshuuraha la dilay sannadkan oo keliya, halka sannadkii hore oo keliya la dilay 10 ka mid ah ciidamada canshuuraha, sida uu sheegay madaxa ciidamada dowladda hoose ee Muqdihso, Cabdullaahi Cartan oo la hadlay AP.

“Meelaha qaarkood, haddii aad damacdo inaad ka shaqeyso adigoo aan wax ilaalo ah wadan waxaad ku dhacaysaa khatar,” ayuu yiri Cali Xaaji oo ka mid ah ciidamada ururaya canshuuraha. Isagoo intaas raaciyay, “Qaar ka mid ah saaxiibbadeen ayaa loo dilay howlahooda dartood. Dad badanna waxaa muuqata inaysan jecelayn howsheenna.”

Bulshada Soomaalida qaarkood ayaa rumeysan in canshuuraha ay yihiin kuwo ku dhacaya jeebab shaqsiyadeed, halka kuwo kalena ay u arkaan mid lagu dhisayo isbitaallada iyo iskuullada. Iyadoo dowladda Soomaaliya ay ku tiirsan tahay dhaqaalaha dalka kasoo gala, marka laga reebo dhaqaale yar oo ay ka hesho caalamka.

Inta badan ganacsatada ayaa la sheegay inay iska dhego-tiraan markii la weydiiyo canshuuraha, iyagoo qaarkood ku oranaya askarta canshuurta qaadaya sidii aan saakay u furay goobta ganacsi ayaan weli ku jooga mana helin wax lacag ah.

“Anigu wax lacag ah ma helin tan iyo markii aan saakay furay ganacsigayga, sidaa daraadeed maba hayo lacag aan bixiyo,” ayay haweeney ganacsato ah ku tiri askari canshuuraha qaadayay. Taasoo askartii ka yaabisay.

Sannadihii u dhexeeyay 2006 illaa 2011 oo ay xoogagga Al-shabaab gacanta ku haysay Muqdisho waxay ganacsatada ka qaadi jireen lacago kala duwan; iyagoo si fudud ku dhiibi jiray. Laakiin markii Al-shabaab laga saaray August, 2011 ayay ganacsatada waxay kasoo horjeesteen bixinta canshuuraha ay ku soo rogtay dowladda.

“Waxay ii tixgeliyaan inaan ahay burcad. Mana doonayaan inay canshuurta bixiyaan,” ayuu yiri Maxamed Nuur oo ka mid ah canshuur qaade dowladda ka tirsan, isagoo sidoo kalena qaylo-dhaan ka muujiyay lacagta shillinka Soomaaliya oo uu Nuur ku sheegay inay tahay mid aad u culus.

Arrintan ayaa imaanaysa iyadoo shalay lagu dilay gudaha suuqa Bakaaraha ee Muqdisho laba askari oo ka tirsan kuwa canshuuraha, waxanaa dilkaas geystay kooxo bastoolado ku hubeysan oo markiiba goobta ka baxsaday.

Maxamed Xaaji Xuseen, Hiiraan Online
[email protected]
Muqdisho, Soomaaliya













Click here
7/30/2013 10:20 AM EST
Gudoomiyaha baarlamaanka dalka Turkiga Cemil Çiçek ayaa cambaareeyay weerarkii lagu qaaday safaaradooda magaalada Muqdisho isagoo booqday qaar kamid ah dhaawacyadii laga keenay ee magaalada Muqdisho oo lagu daawaynayo isbitaal ku yaalla magaalada caasimada ah ee Ankara.

7/30/2013 9:01 AM EST
Talaado, July 30, 2013 (HOL) — Munaasabad lagu dooranayya hoggaanka golaha deegaanka ee degmada Buuhoodle ayaa habeenimadii xalay ahayd lagu qabtay barxada hoteelka Cabdi Gurey ee bartamaha magaaldaas.

7/30/2013 8:24 AM EST
Talaado, July 30, 2013 (HOL) — Wasiirka arrimaha dibadda ee dalka Turkiga Ahmed Davutoglu ayaa sheegay inaan waxba laga bedelayn siyaasaddooda caawinta ah ee ku wajahan Soomaaliya, kaddib weerarkii toddobaadkan algu qaaday xarun ay ku leeyihiin Muqdisho.

7/30/2013 7:53 AM EST
Talaado, July 30, 2013 (HOL) — Ururka Ahlusunna Waljamaaca oo qayb ka ah maamulka dalka ka jira ayaa waxay tababar ugu soo gabgabeeyeen in ka badan 200-qof deegaanka Xeraale ee gobolka Galguduud, iyagoo dhoollatus ciidan kusoo bandhigay isla deegaankaas.

7/30/2013 7:39 AM EST
Talaado, July 30, 2013 (HOL) —Hay’adda IHDO oo ka mid ah haya’daha samafalka ah ee gudaha dalka ka shaqeeya ayaa waxay deeq raashin ah oo kala duwan u qabisay indhoolayaal ku nool xerada silliga Mareykanka ee magaalada Muqdisho.

7/30/2013 7:24 AM EST
Talaado, July 30, 2013 (HOL) — Dowladda Itoobiya ayaa sheetay in nabad lagu soo rogo Soomaaliya ay daba-dheeraan doonto inta Eritrea ay taageero u fidinayso Xarakada Al-shabaab ee Soomaaliya ka dagaalanta oo xiriir dhow la leh urur-weynaha Al-Qaacida.

7/30/2013 7:08 AM EST
Talaado, July 30, 2013 (HOL) — Ciidamada Midowga Afrika ee AMISOM ayaa sheegay inay diyaar u yihiin inay ilaaliyaan xarunta ha’yadha Turkiga ay ku leeyihiin Muqdisho iyo weliba kuwa kale ee caalamiga ah, si aan weerarro is-miidaamin ah loogu geysan.

7/30/2013 3:22 AM EST
Talaado, July 30, 2013 (HOL) — Hay’adda bisha Cas ee dalka Turkiga ayaa deeq raashin ah gaarsiisay markii ugu horreysay Magaalada Baydhabo ee xarunta gobolka Bay, waxaana gargaarkas oo ay wadeen 10 baabuur oo kuwa xamuulka ah ay ka ambabaxeen magaalada Muqdisho iyagoo si nabad ah ku gaaray Baydhabo.

7/30/2013 3:19 AM EST
Talaado, July 30, 2013 (HOL) — Saraakiil ka socoday ciidamada Midowga Afrika ee AMISOM ayaa markii ugu horreysay booqdey iskuulka Cabdalla Deerow Isaaq ee ku yaalla Baydhabo, kaasoo ay wax-ka-bartaan arday gabdho keliya ah.

7/30/2013 3:18 AM EST
Talaado, July 30, 2013 (HOL) — Kooxo hubeysan oo ka tirsan Al-shabaab ayaa ku dilay shalay subax duleedka degmada Buulo-burte ee gobolka Hiiraan wiil dhallinyaro ah oo lagu magacaabi jiray, Axmed Makaraan Cabdi Cawaale, kaasoo ka mid ahaa dhallinyarada ugu fir-fircoon gobolka Hiiraan.