3/29/2024
Today from Hiiraan Online:  _
Wararka Maanta- Isniin, July 29, 2013
Sarrifka lacagta Doolarka oo si weyn hoos uga dhacay suuqyada Magaalada Baladweyne ee Xarunta Gobolka Hiiraan


Isniin, July 29, 2013 (HOL) — Kadib jahwareer ganacsi  oo sadaxdii cisho ee la soo dhaafay ka taagnaa magaalada Baladweyne ayaa mar kaliya galinkii danbe ee maanta waxaa hoos u dhac weyn ku yimid sarifka doolarka, kadib markii leyska diiday isticmaalka iyo ku ganacsiga lacago la sheegay in ay been abuur yihiin oo lagu farsameeyo qeybo ka mid ah gobollada dhexe.

Galinkii danbe ee maanta ayaa suuqa sarifka magaaalada Baladweyne oo ay HOL booqatay waxaa lagu kala sarifanayay $ 100 doolar lacag dhan 1,900, 000 oo Shilin Soomaali ah halka maalin ka hor $ 100 doolar lagu kala sarifanayay magaalada Baladweyne lacag  dhan 3,900,000 oo Shilin Somali ah, waxaana halkaa ka muuqanaya hoos u dhaca weyn ee ku yimid.

Arrintan ayaa loo sababeynayaa kadib markii ay mas'uuliyiinta maamulka gobolka Hiiraan oo kaashanaya guddiga ganacsatada dadaal xoog leh u galleen sidii loo joojin lahaa lacagaha been abuurka ah oo sicir barar ku keenay ganacsiga magaalada.

Lacagaha Shilin Soomaaliga ah ee maanta lagu kala sarifanayay doolarka ayaa ahaa lacagtii hore ee guud ahaanba ka socta qeybaha kala duwan ee dalka gaar ahaa magaalada Muqdisho.

Magaalada ayaa maanta lagu arkayay ciidamo ka tirsan kuwa maamulka gobolka Hiiraan oo siweyn ugu kuur-galayay fulinta amarka uu maamulka ku bixiyay joojinta lacagaha been abuurka ah, iyaga oo xabsiga dhigay xubno sida ay sheegeen saraakiisha ciidamada ku howlanaa socodsiinta lacagta la mamnuucay.

Gellinkii dambe ee maanta ayaa waxaa si toos ah u furmay guud ahaan goobaha ganacsiga magaalada oo xirnaa xiliyadii hore ee maanta, kadib markii uu maamulku amar ku bixiyay in la furo goobaha ganacsiga howluhuna si caad ah u socdaan.

Guddoomiyaha maamulka gobolka Hiiraan Cabdi Faarax Laqanyo ayaa horay u sheegay in marnab aqbali doonin in magaalada laga isticmaalo lacag sida uu sheegay ama hadalka u dhigay guddoomiyaha la doonayo in bulshada lagu dhaco.

''Wax faa'iido ah uma laha nolasha bulshada ku dhaqan gobolka, gaar ahaan magaalada Baladweyne, si gaar ah lacagtan been abuurka ah waxaa ay dhaawac weyn ku tahay nolasha bulshada danyarta ah, maamulkana waxaa uu mas'uul ka yahay una adeegaa shacabka, sidaa daraadeed cid kasta oo lagu hello lacagtan sharciga ayaan la tiigsan doonaa,'' ayuu yiri guddoomiyaha gobolka Hiiraan.

Shacabka ku dhaqan magaalada Baladweyne ayaa siweyn u soo dhaweeyay isbadalka ku yimid sarifka doolarka, iyaga oo rajo ka qabo in sidoo kale uu hoos u dhaco qiimaha la kala siisto maciishada.

C/raxmaan Diini, Hiiraan Online
[email protected]
Baladweyne, Soomaaliya













Click here
7/29/2013 1:08 PM EST
Isniin, July 29, 2013 (HOL) — Kooxo bastoolado ku hubeysan ayaa maanta ku toogtay gudaha Suuqa Bakaaraha ee magaalada Muqdisho laba askari oo ka tisran ciidamada canshuuraha (Minishiibiyo) ee dowladda Soomaaliya, iyagoo dilka kaddib goobta ka baxsaday.

7/29/2013 1:05 PM EST
Isniin, July 29, 2013 (HOL) — Ugu yaraan laba ruux oo mid ka mid ah uu ahaa askari ka tirsan ciidamada dowladda Soomaaliya iyo qof dhakhtar ahaa oo ka dhawaan goobta uu qaraxu ka dhacay, kaddib qarax lala beegsaday gaari ay wateen ciidamada dowladda Soomaaliya.

7/29/2013 8:55 AM EST
Isniin, July 29, 2013 (HOL) — Xarunta Wargeyska Madaxa banaan ee HUBAAL, ayaa la sheegay inuu khasaare soo gaadhay kadib markii qaybo ka mid ah Deyrkiisa oo Dumay, iyo dilaac ku dhacay dhismaha laftiisa.

7/29/2013 8:13 AM EST
Isniin, July 29, 2013 (HOL) — Ciidamada dowladda Soomaaliya iyo kuwa AMISOM ayaa howgallo lagu baarayo degmada Jowhar ka billaabay saakay halkaas, kuwaasoo lagu soo qabqabtay dad badan oo looga shakisan yahay inay xiriir la leeyihiin Al-shabaab.

7/29/2013 8:00 AM EST
Isniin, July 29, 2013 (HOL) — Xukuumadda Somaliland, ayaa xalay u dabaal-degtay sadex sanno-guuradeedii kasoo wareegtay maalintii ay taladda Somaliland la wareegtay, markaasoo ku beegnayd 27-kii July, 2010.

7/29/2013 2:39 AM EST
Isniin, July 29, 2013 (HOL) — Madaxweynaha Somaliland, Axmed Maxamed Maxamuud Siillaanyo ayaa qasriga madaxtooyadda ku qaabilay Sheekh Xuseen Nuur Qalinle oo bishan Ramadaan ku guulaystay jaa’isad caalami ah kaas oo loo gartay inuu noqdo macalinka ugu wanaagsan aduunka ee dadka bara Quraanka Kariimka ah.

7/29/2013 2:38 AM EST
Isniin, July 29, 2013 (HOL) — Dowladda Mareykanka ayaa cambaareyn adag dusha uga tuurtay dilalka loo geysanayo taageerayaasha madaxweynihii Masar ee xukunka laga tuuray, Maxamed Mursi, iyadoo ku tilmaantay inay ka mid tahay xadgudubyada lagula kaco shacabka.