3/28/2024
Today from Hiiraan Online:  _
Wararka Maanta- Jimco, July 26, 2013
Guddoomiyihii Naadiga Saxaafada Soomaaliyeed Inj. Mukhtaar oo Muqdisho ku geeriyooday, Isla maanta lagu Aasay


Jimco, July 26, 2013 (HOL) — Madaxii naadiga saxaafadda Soomaaliyeed ahaana suxufi ruug caddaa ah Inj. Mukhtaar Xasan Maxamuud ayaa 10:00 aroornimo ee saakay ugu geeriyooday Muqdisho xanuun muddooyinkii ugu dambeeyay hayay, iyadoo isla maanta la aasay.

Inj. Mukhtaar oo ka mid ahaa macallimiintii kulliyadii saxaafadda Somalia ayaa wuxuu sannadkii 1999-kii ka aasaasay Muqdisho naadiga saxaafadda Soomaaliyeed halkaasoo ay wax ku barteen suxufiyiin fara badan oo maanta qaarkood ay ka shaqeeyaan warbaahinta Soomaalida iyo midda caalamiga ah.

Ehellada marxuumka oo ku sugnaa goobta uu aasku ka dhacayay ayaa u sheegay saxaafadda inuu ku dhashay sannadkii 1946-kii degmada Gaalkacyo ee xarunta gobolka Mudug, uuna waxbarashadiisa hoose, dhexe iyo sare ku qaatay Muqdihso, waxbarashada sarena uu kusoo qaatay dalalka Talyaaniga iyo Jarmalka.

Marxuumka ayaa wuxuu ka mid ahaa shaqaalihii wasaaradda warfaafinta Soomaaliya intii ay jirtay dowladdii dhexe ee Soomaaliya, gaar ahaan qaybta filimmada, isagoo ka mid ahaa dadkii aan dalka ka bixin xilliyadii ay dalka uu ku jiray colaadaha sokeeye.

“Runtii Inj. Mukhtaar inta aan ka aqaanno wuxuu ahaa nin aad u shaqsiyad wanaagsan, wuxuuna ahaa ruux dadka jecel mihnadda saxaafadda si aad ah ugu boorrin jiray inay ka gaaraan hadafyadooda. Dad badan oo maanta ka howgalla warbaahinta kala duwan ee dalka iyo midda caalmiga ah oo markii hore quus joogay ayuu ku dhiirri-geliyay inay xirfaddooda horumariyaan, maanta heer wanaagsan ayay ka gaareen, “ ayuu yiri Maxamed Madaale oo ka mid ah bahda saxaafadda.

Inj. Mukhtaar ayaa wuxuu ifka uga tagay wiil weyn oo deggen Mareykanka iyo gabar yar oo dhawaan loo dhalay, waxaana tacsi u diraya ehelladiisa iyo bahda warbaahinta suxufiyiinta Soomaaliyeed ee ka howlgala Muqdisho.

Maxamed Xaaji Xuseen, Hiiraan Online
[email protected]
Muqdisho, Soomaaliya













Click here
7/26/2013 8:58 AM EST
Jimco, July 26, 2013 (HOL) — Guddoomiyaha bangiga dhexe ee Somalia, C/salaam Cumar Hadliye ayaa maanta oo Jimco ah sheegay in dhaqaalaha soo gala bangiga uu yahay midka kasoo xarooda ilaha dhaqaaha dalka sida dekedda iyo garoonka diyaaradaha.

7/26/2013 8:53 AM EST
Jimco, July 26, 2013 (HOL) — Wafdi isugu jira Wasiirro iyo xildhibaanno ayaa maanta gaaray deegaanno ka tirsan gobolka Shabeellada hoose oo ay ka dhaceen dhawaanahan dagaallo beeleedyo ay ku lug lahaayeen ciidammo ka tirsan milateriga Soomaaliya oo u abaabulnaa hab beeleed.

7/26/2013 8:52 AM EST
Jimco, July 26, 2013 (HOL) — Rag lagu eedeeyey inay ka dambeeyeen dil ka dhacay dhawr sanno ka hor jidka isku xidha Gabiley iyo Dille oo muddo dheer arrintaasi ugu jiray xabsiga, ayaa shalay dacwadooddu ka bilaabantay maxkamadda ciidamadda Somaliland.

7/26/2013 8:48 AM EST
Jimco, July 26, 2013 (HOL) Ciidamada booliiska iyo nabadsugidda dowladda Soomaaliya oo kaashanaya kuwa AMISOM ayaa Muqdisho ka billaabay howl-gallo lagu sugayo ammaanka, kuwaasoo socon doona xilliyada habeenkii ah iyo maalintii.

7/26/2013 6:41 AM EST
Jimco, July 26, 2013 (HOL) — Warbixintii dhawaan ay qaramada midoobay u gudbiyeen gudiga u xilsaaran ilaalinta cunaqabataynta saaran wadamada Soomaaliya iyo Eritrea ayaa soo bandhigay in Burcad badeeda Soomaalidu ay ilaalshaan maraakiibta sida sharci darrada uga kalluumaysta badaha Soomaaliya si ay uga kabto hoos u dhicii ku yimid dakhligooda kadib markii ay yaraadeen maraakiibtii ay afduubka ku qabsanayaan.

7/26/2013 5:03 AM EST
Jimco, July 26, 2013 (HOL) — Saraakiil u hadlay maamulka Obama ee dalka Mareykanka ayaa sheegay in Mareykanka uu taageero muuqata ka geystay dagaalladii ay ciidamada AMISOM iyo kuwa dowladda ay Al-shabaab kaga saareen deegaanno badan oo ku yaalla Koonfurta Soomaaliya oo ay ka mid tahay Muqdisho.

7/26/2013 4:57 AM EST
Jimco, July 26, 2013(HOL):- Ururka Samafalka Wadaniga ee SADO ayaa gudaha magaalada Kismaayo waxaa uu gargaar raashineed ugu qeybiyey dad ka badan ilaa 1500 oo qoys oo u badan qoysas dan yar ah oo qaar kood aanan awoodin inay gataan raashin ay ku afuraaan, iyadoona raashinka la siiyey qoysaskaasi uu ahaa deeq ka timid Hay,adda Samafalka Caalamiga ee Solidarity Islamic France oo ugu talagashey bishan Ramadaan dadka dhiban.

7/26/2013 4:14 AM EST
Jimco, July 26, 2013 (HOL) — Xoogagga Al-shabaab ayaa xalay weerarro ka fuliyay qeybo ka tirsan gobolka J/hoose oo ay ku suganyihiin ciidamada dowladda Soomaaliya, kuwa Raaskaambooni iyo ciidamada nabad ilaalinta midowga Afrika ee AMISOM.