3/29/2024
Today from Hiiraan Online:  _
Wararka Maanta- Khamiis, July 25, 2013
Maamulka Gobolka Hiiraan oo shaaciyay inay hayaan Dadlkii ka dambeeyay dilkii Guddoomiye Xigeenkii Maxkaamdda Baladweyne

Khamiis, July 25, 2013 (HOL) — Mas'uuliyiinta maamulka heer gobol iyo degmo ee gobolka Hiiraan oo wadajir warbaahinta ula hadllay ayaa ka warbixiyay xaalada nabad-galyo ee magaalada Baladweyne oo labadii cisho ee la soo dhaafay ka jireen falal qal-qal ku ah ammniga, kadib markii ay kooxo hubeysan ku dilleen bartamaha magaalada guddoomiye ku-xigeenkii maxkamada degmada sidoo kalana weerar ku qaadeen mid ka mid ah ganacsatada magaalada.

Guddoomiyaha degmada Baladweyne Cabdi Bishaar Aadan oo ayaa sheegay in marka la eego falalka dilalka qorsheysan ah iyo weerarada kale oo ay geystaan sida uu hadalka u dhigay Al-shabaab yihiin kuwo guud ahaan ka jira dalka Soomaaliya, hasse ahaatee maamulka gobolka Hiiraan markiiba uu jawaab ka bixiyo falkaasi dhacay, isaga oo tusaale u soo qaatay in ay gacanta ku hayaan shaqsiyaadkii ka danbeeyay dilkii guddoomiye ku-xigeenkii maxkamadda degmada Macalin Xassan Cilmi Ciyoow [Xassan Dheere]

“Falalka noocan oo kale ah waa ay ka dhacaan guud ahaan gobolada dalka, laakiin markiiba jawaab ayaa ka bixinaa falalka nooca oo kale ah, waxaan rabaa in aan idin xaqiijiyo waxaa gacanta ku heynaa gacan ku dhiig-lihii ka danbeeyay dilkii guddoomiye ku-xigeenkii maxkmadda degmada, taasoo muujineysa sida ay laamaha nabad-galyada maamulka gobolka deg deg uga jawaabeen falka dhacay, iyaga oo gacanta ku soo dhigay shaqsiyaadkii falkaa geystay,'' ayuu yiri guddoomiyaha degmada Baladweyne Cabdi Bishaar Aadan.

Guddoomiyaha degmada ayaa sidoo kale intaa ku darray in ay ciidamada amniga soo qabteen shaqsiyaad kale oo isku dayay in ay falal amaan darro ka geystaan magaalada Baladweyne, kadib howlgal adag oo 48 saac ee la so dhaafay laga sameeyay magaalada Baladweyne.

“Magaalada amni buuxa ayaa ka jira, marka ay dhacaan falalka noocan oo kale ah ciidamadu tallaabo deg deg ayeey qaadaan, waana lagu guuleystaa in gacanta lagu soo dhigo kooxihii falkaa ka danbeeyay,'' ayuu yiri guddoomiyaha degmada.

Waxaa uu ugu baqay shacabka in ay gacan buuxda ku siiyaan ciidamada sugida amniga, isaga oo dhinaca kalana ku amaanay bulshada ku dhaqana magaalada Baladweyne sida ay u bar bar taagan yihiin ciidamada, isaga oo sheegay in qabashada shaqsiyaadka hadda gacanta lagu hayo amaanteeda leeyihiin bulshada.

C/raxmaan Diini, Hiiraan Online
[email protected]
Baladweyne, Soomaaliya













Click here
7/25/2013 1:06 PM EST
Khamiis, July 25, 2013 (HOL) — Magaalada Garoowe ee xarunta maamulka Puntland waxaa maanta soo gaarey wefdi ballaaran oo ka socda Midowga Yurub, islamarkaana uu horkacayey Nick Westcott oo ah ergeyga Midowga Yurub u qaabilsan qaaradda Afrika.

7/25/2013 1:05 PM EST
Khamiis, July 25, 2013 (HOL) —Talaal oo la doonayo in lagu xakameeyo cudurka dilaaga ah ee dabaysha oo maalmihii lasoo dhaafay laga helay degmada Laascaanood ee gobolka Sool ayaa ka billowday magaaladaas oo xarun u ah gobolka Sool.

7/25/2013 1:02 PM EST
Khamiis, July 25, 2013 (HOL) — Gudoomiyaha xisbiga taladda haya ee KULMIYE Muuse Biixi Cabdi, ayaa sheegay inay wada hadal u socdo siyaasiyiinta samaystay golaha wadatashiga,taas uu usoo jeediyey in labadda dhinaca ee xukuumada iyo goluhu aanay warbaahinta iska marin is eedeen dhexdoodda ah.

7/25/2013 12:07 PM EST
Khamiis, July 25, 2013(HOL)—Masaajidka Abuu Huraira Islamic Center ayaa Sanadkii Labaad waxa uu Afur u sameeyay dadka dariska deggan Magaalada St. Anthony, Minnesota. Afurkan oo lagu casuumay dadka aan muslimka ahayn Iyo Waliba Muslimiinta.

7/25/2013 7:52 AM EST
Khamiis, July 25, 2013 (HOL) — Soddon iyo shan (35) urur oo u dooda xorriyatul-qowlka caalamka iyo saxaafadda ayaa ka dalbaday ra’iisul wasaaaha Soomaaliya, Cabdi Faarax Shirdoon (Saacid) inuusan u gudbin baarlamaanka Soomaaliya sharciga qabayada ah ee saxaafadda.

7/25/2013 7:29 AM EST
Khamiis, July 25, 2013 (HOL) — Maalintii Salaasada ahayd ee lasoo dhaafay ayaa waxaa Muqdisho la keenay dhaawaca wakiil wareedkii Radio Dalsan ee magaalada Kismaayo, Mascuud C/llaahi Aadan oo ciidamada, Sheekh Axmed ay 17-kii bishan ay ku dhaawacmeen gudaha Kismaayo.

7/25/2013 6:53 AM EST
Madaxweynaha dalka Kenya oo todobaadkaan gudhihiisa madaxtooyada afur uga sameeyay hogaamiyayaasha islaamka iyo shacab kaloo badan ayaa maanta kulan la qaatay golaha sare ee Muslimiinta Kenya.

7/25/2013 6:53 AM EST
Khamiis, July 25, 2013 (HOL) — Guddoomiyaha maamulka gobolka Hiiraan Cabdi Faarax Laqanyo oo shir jaraa'id ku qabtay magaalada Baladweyne ayaa si adag uga hadllay lacago been abuur ah oo maalmihii ugu danbeeyay siweyn loo soo galinayay magaalada, taa oo keentay sare u kac ku yimid sarifka doolar iyo qiimo korar dhinaca maciishada ah.

7/25/2013 6:45 AM EST
Khamiis, July 25, 2013 (HOL) — Xarakada Al-shabaab ayaa sheegtay in tan iyo markii ay curatay bishan Ramadaan ay ciidamada dowladda iyo kuwa ay gacanta ka helaan ee AMISOM la beegsadeen in ka badan boqol weerar oo ay ku jiraan kuwo is-miidaamin ah oo khasaare nafeed geystay.

7/25/2013 5:55 AM EST
Golaha ammaanka ee qaramada midoobay ayaa cambaareeyay jabinta cunaqabataynta hubka ee Soomaaliya iyo Eritrea, iyadoo la sheegay in labada waddanba uu hub ku soo qulqulayo.

7/25/2013 3:58 AM EST
Khamiis, July 25, 2013 (HOL) - Ciidamada ammaanka ee dalka Kenya ayaa shaaciyay inay qabteen kartoomo ay ka buuxaan walxaha qarxa oo saarnaa gaari ku sii jeeday magaalada Mombasa ee xarunta gobolka xeebta.

7/25/2013 2:27 AM EST
Khamiis, July 25, 2013(HOL) :-Wasiiru dowladaha wasaaradda arimaha dibadda Soomaaliya Dr. Max’ed Nuur Gacal ayaa kulan la qaatay wasiirka arimaha dibadda dalka Sudan Dr. Cali Axmed Kerti, waxaana sidoo kale kulanka labada masuul goob joog ka ahaa safiirka Soomaaliya u fadhiya dalkaasi Sudan Max’ed C/laahi Ugaas Faarax.

7/25/2013 2:09 AM EST
Khamiis, July 25, 2013(HOL) :- Maalmahii ugu dambeeyey gudaha Magaalada Baardheere ee Gobolka Gedo waxaa ka soconayey Howlo balaaran oo isugu jira dumin iyo dib u dhis lagu sameynayey Masjidka Jaamaca ee Khadiimiga ah ee ku yaala bartamaha magaalada Baardheere oo dhisnaa mudo ka badan ilaa 320-sano oo ahayd xilligii Baardheere la degay, iyadoo ujeedada dhismaha Masjidkuna ay tahay Balaarin.