3/28/2024
Today from Hiiraan Online:  _
Wararka Maanta- Khamiis, July 25, 2013
Ka Qayb-qaado howsha lagu dhisayo Masaajidka Jaamaca ah ee Magaalada Baardheere ee Gobolka Gedo (SAWIRRO)


Khamiis, July 25, 2013(HOL) :- Maalmahii ugu dambeeyey gudaha Magaalada Baardheere ee Gobolka Gedo waxaa ka soconayey Howlo balaaran oo isugu jira dumin iyo dib u dhis lagu sameynayey Masjidka Jaamaca ee Khadiimiga ah ee ku yaala bartamaha magaalada Baardheere oo dhisnaa mudo ka badan ilaa 320-sano oo ahayd xilligii Baardheere la degay, iyadoo ujeedada dhismaha Masjidkuna ay tahay Balaarin.

Howsha dhismaha Masjidka Jaamaca ayaa hergelintiisa waxaa u istaagay qaar ka mid ah qeybaha kala duwan ee Bulshada ku dhaqan degmada Baardheere, iyagoona isla meel dhigay in Masjidka dib loo dhiso, islamarkaana la balaariyo si uu qaado dad lagu qiyaasay ilaa 2500 oo qof. iyadoo dhulka uu ku fadhiyana Masjidka uu yahay 36m x 27m.

Maxamed Aden Cabdille oo ka mid ah gudiga dhismaha Masjidka Jaamaca ee Baardheere ahna Khasnajiga Gudiga  oo la hadlayey warbaahinta ayaa waxaa uu sheegay howsha dhismaha masjidka in ay u socoto sidii loo qorsheeyey,isagoona sheegay dhismaha Masjidka in ay ku bixi doonto lacag dhan $285,000,oo Dolar,waxaana uu tilmaamay lacagtaasi 15% in la yaboohay,halka inta dhimana ay ka sugayaan Qof kasta oo muslim ah in uu ku biiriyo waxii uu sadaqeysan karo.

”Sadaqo markaad bixiso ilaahay wuxuu balanqaadey inuu kuu laban laabayo ilaa 700 oo jeer iyo intii ilaah uu doono ayuu yiri Sheekh Shukri oo ku booriyey dadka Islaamka meel kasta oo ay joogaan in ay ka qeyb qaataan howlaha Taburacaada ah ee lagu dhisayo Masjidka Jaamaca ee ku yaala Baardheere.

Sadaqo waa waxa ugu qiimaha badan mida xitaa marka aad dhimato ka gadaal uu ajarkeeda uu kuu soconayo oo ah sadaqada jaariyada ah sidii Nabigeena( SCW)uu ku sheegay xaddiithka saxiixa ah.

Si waxii aad sadeqaysan kartid aad u bixisid la xariir Accounts ka lacagta sadaqada la dhigayo oo ah Dahabshiil Account No.MUQD0009555 ama Email [email protected].

FG: waxii kale oo faahfaain dheeri ah la xariir telefonada Qaar ka mid ah Xubnaha Gudiga dib u dhiska Masjidka Jaamaca Baardheere oo kala ah.

1 - Maxamed Aden C/lle     +252615882491

2-  Cali Max,ed (Cali daqare) +25261-5576221,

3-  Aden Xasan Cilmi        +25261-5812950

4-  Sheekh Shukri xuseen     +25261-5858174

5- Sh.Ibraahin Sh.Mursal      +25261-5853967

6- C/risaaq Xaaji Cambe       +25261-5853765

7- C/laahi Seylaci Sh.C/risaaq. +25261-5811666

8- Faarax Hire Guhaad        +25261-5863897

9- Shariif Maxamed Nuur     +25261-5843440

Xasan Nuur, Hiiraan Online
[email protected]
Kismaayo-Soomaaliya













Click here
7/25/2013 1:06 PM EST
Khamiis, July 25, 2013 (HOL) — Magaalada Garoowe ee xarunta maamulka Puntland waxaa maanta soo gaarey wefdi ballaaran oo ka socda Midowga Yurub, islamarkaana uu horkacayey Nick Westcott oo ah ergeyga Midowga Yurub u qaabilsan qaaradda Afrika.

7/25/2013 1:05 PM EST
Khamiis, July 25, 2013 (HOL) —Talaal oo la doonayo in lagu xakameeyo cudurka dilaaga ah ee dabaysha oo maalmihii lasoo dhaafay laga helay degmada Laascaanood ee gobolka Sool ayaa ka billowday magaaladaas oo xarun u ah gobolka Sool.

7/25/2013 1:02 PM EST
Khamiis, July 25, 2013 (HOL) — Gudoomiyaha xisbiga taladda haya ee KULMIYE Muuse Biixi Cabdi, ayaa sheegay inay wada hadal u socdo siyaasiyiinta samaystay golaha wadatashiga,taas uu usoo jeediyey in labadda dhinaca ee xukuumada iyo goluhu aanay warbaahinta iska marin is eedeen dhexdoodda ah.

7/25/2013 12:07 PM EST
Khamiis, July 25, 2013(HOL)—Masaajidka Abuu Huraira Islamic Center ayaa Sanadkii Labaad waxa uu Afur u sameeyay dadka dariska deggan Magaalada St. Anthony, Minnesota. Afurkan oo lagu casuumay dadka aan muslimka ahayn Iyo Waliba Muslimiinta.

7/25/2013 7:52 AM EST
Khamiis, July 25, 2013 (HOL) — Soddon iyo shan (35) urur oo u dooda xorriyatul-qowlka caalamka iyo saxaafadda ayaa ka dalbaday ra’iisul wasaaaha Soomaaliya, Cabdi Faarax Shirdoon (Saacid) inuusan u gudbin baarlamaanka Soomaaliya sharciga qabayada ah ee saxaafadda.

7/25/2013 7:29 AM EST
Khamiis, July 25, 2013 (HOL) — Maalintii Salaasada ahayd ee lasoo dhaafay ayaa waxaa Muqdisho la keenay dhaawaca wakiil wareedkii Radio Dalsan ee magaalada Kismaayo, Mascuud C/llaahi Aadan oo ciidamada, Sheekh Axmed ay 17-kii bishan ay ku dhaawacmeen gudaha Kismaayo.

7/25/2013 6:53 AM EST
Madaxweynaha dalka Kenya oo todobaadkaan gudhihiisa madaxtooyada afur uga sameeyay hogaamiyayaasha islaamka iyo shacab kaloo badan ayaa maanta kulan la qaatay golaha sare ee Muslimiinta Kenya.

7/25/2013 6:53 AM EST
Khamiis, July 25, 2013 (HOL) — Guddoomiyaha maamulka gobolka Hiiraan Cabdi Faarax Laqanyo oo shir jaraa'id ku qabtay magaalada Baladweyne ayaa si adag uga hadllay lacago been abuur ah oo maalmihii ugu danbeeyay siweyn loo soo galinayay magaalada, taa oo keentay sare u kac ku yimid sarifka doolar iyo qiimo korar dhinaca maciishada ah.

7/25/2013 6:45 AM EST
Khamiis, July 25, 2013 (HOL) — Xarakada Al-shabaab ayaa sheegtay in tan iyo markii ay curatay bishan Ramadaan ay ciidamada dowladda iyo kuwa ay gacanta ka helaan ee AMISOM la beegsadeen in ka badan boqol weerar oo ay ku jiraan kuwo is-miidaamin ah oo khasaare nafeed geystay.

7/25/2013 6:44 AM EST
Khamiis, July 25, 2013 (HOL) — Mas'uuliyiinta maamulka heer gobol iyo degmo ee gobolka Hiiraan oo wadajir warbaahinta ula hadllay ayaa ka warbixiyay xaalada nabad-galyo ee magaalada Baladweyne oo labadii cisho ee la soo dhaafay ka jireen falal qal-qal ku ah ammniga, kadib markii ay kooxo hubeysan ku dilleen bartamaha magaalada guddoomiye ku-xigeenkii maxkamada degmada sidoo kalana weerar ku qaadeen mid ka mid ah ganacsatada magaalada.

7/25/2013 5:55 AM EST
Golaha ammaanka ee qaramada midoobay ayaa cambaareeyay jabinta cunaqabataynta hubka ee Soomaaliya iyo Eritrea, iyadoo la sheegay in labada waddanba uu hub ku soo qulqulayo.

7/25/2013 3:58 AM EST
Khamiis, July 25, 2013 (HOL) - Ciidamada ammaanka ee dalka Kenya ayaa shaaciyay inay qabteen kartoomo ay ka buuxaan walxaha qarxa oo saarnaa gaari ku sii jeeday magaalada Mombasa ee xarunta gobolka xeebta.

7/25/2013 2:27 AM EST
Khamiis, July 25, 2013(HOL) :-Wasiiru dowladaha wasaaradda arimaha dibadda Soomaaliya Dr. Max’ed Nuur Gacal ayaa kulan la qaatay wasiirka arimaha dibadda dalka Sudan Dr. Cali Axmed Kerti, waxaana sidoo kale kulanka labada masuul goob joog ka ahaa safiirka Soomaaliya u fadhiya dalkaasi Sudan Max’ed C/laahi Ugaas Faarax.