3/29/2024
Today from Hiiraan Online:  _
Wararka Maanta- Arbaco, July 24, 2013
Wasiirka Arimaha Gudaha Somaliland oo Booliska Somaliland ku wareejiyay gaadiidka gurmadka deg-degg ah (SAWIRRO)


Arbaco, July 24, 2013 (HOL) — Wasaaradda Arrimaha gudaha Somaliland, ayaa shalay Taliska ciidamadda booliska  ku wareejisay gaadiidka gurmadka degdeg ah oo ka shaqayn doona amaanka xaafadaha magaaladda Hargeysa.

Gaadiidkan oo ka kooban ilaa labaaatan gaadhi ayaa wasiirka Arrimaha guduhu ku wareejiyey Taliyaha ciidanka Booliska, taas oo si rasmi ah uga shaqayn doona xaafadaha magaaladda dhexdeeda, waxaanay gaadiidkani ku rakiban telefoonadii lagala soo xidhiidhi lahaa iyo askar ku filan oo baabuur walba la socda.

“Waxa aanu ugu tallo galnay gaadiidkan ciidamadda gargaarka degdega ah in ay ugu gargaaraan dadweynahana reer Somaliland in ay kaga gam’aan ama kaga seexdaan, dawladuna in ay ka war hayso ay dareemaan”ayuu yidhi wasiirka Arrimaha gudaha Cali Warancade oo ka waramayey waxay ka shaqayn doonaan gaadiidkani, waxaanu intaas ku daray “Gaadiidkani waxa uu kaga duwan yahay kuwii hore ee jiray waxa uu leeyahay Numbar la yidhaahdo 999, kaas oo aan marnaba mashquul noqonaynin, qofkuna uu soo garaaci doono hadii uu wax yar dareemo, wax yar ka dibna waa la dul imanayaa”.

Wasiirka ayaa sheegay inay dhowaanahan soo baxeen dhalinyaro yaryar oo dadka dhibaatooyin u gaysta wakhtiga habeenkii, kuwaas oo moobiladda ka dhaca dadka,taas oo uu sheegay in ciidankani wax badan ka tari doono amaanka xaafadaha iyo wax ka qabashoodda, isagoo arrintaasi ka hadlaya waxa uu yidhi “Waxa soo baxay dhalinyaro iyagu habeenkii xaafadaha wareega dadkana dhibaato u geysta, waxaanu u sahlaya dadka in ay dhalinyaradaas oo iyagu Mobileka doonaya in ay ka qadaan qofkaasi uu hoosta ka garaaco 999 dabadeedna iyaga oo ku mashquulsan ay soo gaadhaan ciidamadu, sidaasna lagu qabto”

Wasiirka Arrimaha Gudaha Somaliland Cali Maxamed Waran-cade waxa uu xusay in ay gaadiidkaasi wareegi doonaan xaafadaha kala duwan ee Hargeysa 24-ka saacadoodba, waxaanu sheegay in laga maarmi doono qofkii iman jiray saldhigyada booliska ee la raacin jiray askarta ay u fududaan doonto oo uu soo garaaci doono numbarkooda oo ah 99 ka dibna halka uu joogo loogu iman doonno.

“Wasiirka arrimaha gudaha Somaliland isaga oo muddo yar oo kooban joogay waxa uu nagu soo wareejiyay gaadiidkaas badan ee aad arkaysaan, waxaanay wax badan ka qaban doonaan dhinaca nabadgalyadda, waana adeeg runtii u sahlaya shacabku in ay ku helaan wax ay doonayaan”ayuu yidhi taliyaha booliska Somaliland Fadal Iimaan oo sheegay inuu wasiirku ugu deeqay gaadiidkan, isla markaana uu isagu u gartay inuu gaadiidkaasi loo baahan yahay cid kalana aanay ku caawin.

Si kastaba ha ahaatee, dadweynaha Somaliland ayaa si wen usoo dhoweeyey gaadiidkan hawlaha degdeg ah ee xaafadaha ka hawlgali doona, kuwaas oo baahi weyn loo qabanay, isla markaana wakhti ku qaadan jirtay dadka inay ciidanku usoo gurmaddo ilaa saldhigyadda loogu taggo.




Barkhad-ladiif M. Cumar, Hiiraan online
[email protected]
Hargeysa, Somaliland













Click here
7/24/2013 3:28 PM EST
Arbaco, July 24, 2013 (HOL) —Madaxweynaha Puntland C/raxmaan Maxamed Maxamuud (Faroole) ayaa wasiir cusub u magacaabay wasaaradda warfaafinta ,Isgaarsiinta ,Hidaha iyo Dhaqanka. Digreetada uu madaxweynuhu wasiirkan cusub ku magacaabay oo lanbarkeedu ahaa 116 ayaa soo baxday maanta.

7/24/2013 3:27 PM EST
Arbaco, July 24, 2013 (HOL) —Golaha Baarlamaanka ee Puntland - ee uu wakhtigoodu dhamaadka yahay - ayaa maanta isku raacay in qaabkii hore ee qabiilka ku saleysnaa lagu soo xulo xildhibaanada cusub ee iyaga beddeli doona.

7/24/2013 3:26 PM EST
Arbaco, July, 24, 2013(HOL)—Jawareer dhinac sarifka doolarka ah ayaa sacaadihii ugu danbeeyay ka taagnaa suuqa magaalada Baladweyne kadib markii uu siweyn sare ugu kacay doolar marka lagu badalanayo Shilin Soomaaliga.

7/24/2013 10:02 AM EST
Arbaco, July 24, 2013 (HOL) — Labadda Xisbi mucaarad ee Somaliland (Xisbiga UCID iyo WADANI),ayaa maanta kala saxeexday heshiish iskaashaanbooraysi mucaarad ah oo ay ku saxayaan xukuumadda.

7/24/2013 10:01 AM EST
Arbaco, July 24, 2013 (HOL) —Madaxweynaha Soomaaliya ayaa maanta ku wareejiyay, Nick Westcott oo ah agaasimaha Midowga Yurub u qaabilsan arrimaha Afrika waraaqihii dhul bixinta si Midowga Yurub ay xafiisyadooda ugu soo raraan gudaha Soomaaliya ayna si rasmi ah uga howlgalaan.

7/24/2013 9:29 AM EST
Arbaco, July 24, 2013 (HOL) — Madaxweynaha Soomaaliya, Xasan Sheekh Maxamud ayaa maanta ka qaybgalay shir beesha caalamka ku yeesheen maanta Muqdisho kaasoo looga hadlayay shirka 16-ka September ka dhici doona magaalada Brussels ee looga halayo arrimaha Soomaaliya.

7/24/2013 9:16 AM EST
Arbaco, July 24, 2013 (HOL) — Wasiirka arrimaha gudaha ee Soomaaliya, C/kariin Xuseen Guuleed ayaa looga yeeray maanta golaha baarlamaanka, kaddib markii ay mooshin ka geeyeen xildhibaanno ka tirsan golaha baarlamaanka Soomaaliya.

7/24/2013 9:15 AM EST
Arbaco, July 24, 2013 (HOL) — Xildhibaan Sheekh Aadan Mad-deer ayaa ka warbixiyay qarax maanta haleelay gaarigiisa oo marayay gudaha degmada Xamarweyne ee gobolka Banaadir, isagoo sheegay in markii uu qaraxu dhacay ay gaariga saarnaayeen, balse aysan jirin wax khasaare ah oo kasoo gaartay.

7/24/2013 9:14 AM EST
Arbaco, July 24, 2013 (HOL) — Xildhibaannada baarlamaanka Soomaaliya ayaa maanta ansixiyay heshiiska CONTINOU oo ay horay u saxiixday dowladda Soomaaliya, kaasoo ay u soo gudbisay wasaaradda arrimaha dibadda ee Soomaaliya.

7/24/2013 4:38 AM EST
Arbaco, July 24, 2013 (HOL) — Ganacsadihii saddexaad ee todobadkan lagu dilo dalka Koonfur Afrika ayaa xalay lagu dilay duleedka magaalada Cape Town ee dalka Koonfur Afrika, kaddib markii lagu weeraray dukaan uu halkaas ku lahaa.

7/24/2013 4:18 AM EST
Arbaco, July 24, 2013 (HOL) — Qarax xooggan ayaa goor-dhaw ka dhacay degmada Xamar-weyne ee gobolka Banaadir, kasoo ka dhashay gaari ay wateen xildhibaanno ka tirsan baarlamaanka Soomaaliya, iyadoo aysan jirin wax dhibaato ah oo xildhibaannada kasoo gaartay qaraxaas.

7/24/2013 3:40 AM EST
Arbaco, July 24, 2013 (HOL) — Ergayga Qaramada Midoobay u qaabilsan arrimaha Soomaaliya, danjire Nicholas Kay ayaa sheegay in awooddii Al-shabaab hoos loo dhigay, balse ay weli tahay khatar muuqata oo Somalia ka jirta.

7/24/2013 3:09 AM EST
Arbaco, July 24, 2013 (HOL) — Ugu yaraan lix qof ayaa ku dhintay tiro intaa ka badanna way ku dhaawacmeen dagaallo xalay ka dhacay deegaanno ka tirsan gobolka Bay, kuwaasoo ay ka mid yihiin; Baydhabo, Goof-guduud iyo Awdiinle.

7/24/2013 2:51 AM EST
Arbaco, July 24, 2013 (HOL) — Madaxweynaha Soomaaliya, Xasan Sheekh Maxamuud oo xalay kulan kula yeeshay xarunta madaxtooyada Soomaaliya ayaa sheegay in dowladdiisu ay muddadii ay jirtay ay diyaarisay ciidammo gaaraya 5,000 oo askari oo loogu talogalay sugidda ammaanka dalka.

7/24/2013 2:32 AM EST
Arbaco, July 24, 2013 (HOL) —Dabley hubeysan ayaa xalay waqooyiga magaalada Gaalkacayo ee xarunta gobolka Mudug ku diley sarkaal ka tirsanaa Hay'adda Cilmi Baarista Puntland ee PDRC, xafiiskeeda gobolka Mudug.