3/29/2024
Today from Hiiraan Online:  _
Wararka Maanta- Arbaco, July 24, 2013
Qarax lagu Weeraray Xildhibaano ka tirsan Baarlamaanka Soomaaliya oo ka dhacay Degmada Xamarweyne ee Muqdisho

Arbaco, July 24, 2013 (HOL) — Qarax xooggan ayaa goor-dhaw ka dhacay degmada Xamar-weyne ee gobolka Banaadir, kasoo ka dhashay gaari ay wateen xildhibaanno ka tirsan baarlamaanka Soomaaliya, iyadoo aysan jirin wax dhibaato ah oo xildhibaannada kasoo gaartay qaraxaas.

Qaraxan oo ahaa ka dhashay miino lagu xiray gaariga ay xildhibaannadu wateen ayaa dilay qaar ka mid ah ilaaladii gaariga la socday iyo dadka shacab ah oo goobtaas ku sugnaa, waxaana burbur xooggan uu soo gaaray gaarigii.

“Mar qura ayaan maqalay qarax aad xooggan wuxuuna ka dhacay meel ku dhow bacadlihii hore ee degmada Xamarweyne, baabuurka waxaa watay laba xildhibaan oo midkood uu ahaa Sheekh Aadan Mad-deer iyo mudane kale, markii ka dageen gaariga ayuuna qarxay,” ayuu HOL u sheegay mid ka mid ah goobjoogayaashii ku sugnaa goobta uu qaraxu ka dhacay.

Dadka rayidka ah ee ku dhintay qaraxa ayaa la sheegay inuu yahay hal qof, iyadoo ay ku dhaawacmeen toddoba qof oo kale oo rayid ah, balse lama oga khasaaraha soo gaaray ilaaladii xildhibaannadan ee gaariga saarnaa markii uu qaraxu dhacayay.

Ma jirto cid sheegatay inay weerarkan ka dambeyso, balse mas’uuliyiinta dowladda Soomaaliya ayaa ku eedeeya weerarrada noocan oo kale ah inay ka dambeyso Al-shabaab oo dagaal kula jirta.

Wixii warar ah ee kasoo kordha waxaad kula socon doontaan wararkeenna dambe haddii ALLE ogoladao.

Maxamed Xaaji Xuseen, Hiiraan Online
[email protected]
Muqdisho, Soomaaliya













Click here
7/24/2013 3:28 PM EST
Arbaco, July 24, 2013 (HOL) —Madaxweynaha Puntland C/raxmaan Maxamed Maxamuud (Faroole) ayaa wasiir cusub u magacaabay wasaaradda warfaafinta ,Isgaarsiinta ,Hidaha iyo Dhaqanka. Digreetada uu madaxweynuhu wasiirkan cusub ku magacaabay oo lanbarkeedu ahaa 116 ayaa soo baxday maanta.

7/24/2013 3:27 PM EST
Arbaco, July 24, 2013 (HOL) —Golaha Baarlamaanka ee Puntland - ee uu wakhtigoodu dhamaadka yahay - ayaa maanta isku raacay in qaabkii hore ee qabiilka ku saleysnaa lagu soo xulo xildhibaanada cusub ee iyaga beddeli doona.

7/24/2013 3:26 PM EST
Arbaco, July, 24, 2013(HOL)—Jawareer dhinac sarifka doolarka ah ayaa sacaadihii ugu danbeeyay ka taagnaa suuqa magaalada Baladweyne kadib markii uu siweyn sare ugu kacay doolar marka lagu badalanayo Shilin Soomaaliga.

7/24/2013 10:02 AM EST
Arbaco, July 24, 2013 (HOL) — Labadda Xisbi mucaarad ee Somaliland (Xisbiga UCID iyo WADANI),ayaa maanta kala saxeexday heshiish iskaashaanbooraysi mucaarad ah oo ay ku saxayaan xukuumadda.

7/24/2013 10:01 AM EST
Arbaco, July 24, 2013 (HOL) —Madaxweynaha Soomaaliya ayaa maanta ku wareejiyay, Nick Westcott oo ah agaasimaha Midowga Yurub u qaabilsan arrimaha Afrika waraaqihii dhul bixinta si Midowga Yurub ay xafiisyadooda ugu soo raraan gudaha Soomaaliya ayna si rasmi ah uga howlgalaan.

7/24/2013 9:39 AM EST
Arbaco, July 24, 2013 (HOL) — Wasaaradda Arrimaha gudaha Somaliland, ayaa shalay Taliska ciidamadda booliska ku wareejisay gaadiidka gurmadka degdeg ah oo ka shaqayn doona amaanka xaafadaha magaaladda Hargeysa.

7/24/2013 9:29 AM EST
Arbaco, July 24, 2013 (HOL) — Madaxweynaha Soomaaliya, Xasan Sheekh Maxamud ayaa maanta ka qaybgalay shir beesha caalamka ku yeesheen maanta Muqdisho kaasoo looga hadlayay shirka 16-ka September ka dhici doona magaalada Brussels ee looga halayo arrimaha Soomaaliya.

7/24/2013 9:16 AM EST
Arbaco, July 24, 2013 (HOL) — Wasiirka arrimaha gudaha ee Soomaaliya, C/kariin Xuseen Guuleed ayaa looga yeeray maanta golaha baarlamaanka, kaddib markii ay mooshin ka geeyeen xildhibaanno ka tirsan golaha baarlamaanka Soomaaliya.

7/24/2013 9:15 AM EST
Arbaco, July 24, 2013 (HOL) — Xildhibaan Sheekh Aadan Mad-deer ayaa ka warbixiyay qarax maanta haleelay gaarigiisa oo marayay gudaha degmada Xamarweyne ee gobolka Banaadir, isagoo sheegay in markii uu qaraxu dhacay ay gaariga saarnaayeen, balse aysan jirin wax khasaare ah oo kasoo gaartay.

7/24/2013 9:14 AM EST
Arbaco, July 24, 2013 (HOL) — Xildhibaannada baarlamaanka Soomaaliya ayaa maanta ansixiyay heshiiska CONTINOU oo ay horay u saxiixday dowladda Soomaaliya, kaasoo ay u soo gudbisay wasaaradda arrimaha dibadda ee Soomaaliya.

7/24/2013 4:38 AM EST
Arbaco, July 24, 2013 (HOL) — Ganacsadihii saddexaad ee todobadkan lagu dilo dalka Koonfur Afrika ayaa xalay lagu dilay duleedka magaalada Cape Town ee dalka Koonfur Afrika, kaddib markii lagu weeraray dukaan uu halkaas ku lahaa.

7/24/2013 3:40 AM EST
Arbaco, July 24, 2013 (HOL) — Ergayga Qaramada Midoobay u qaabilsan arrimaha Soomaaliya, danjire Nicholas Kay ayaa sheegay in awooddii Al-shabaab hoos loo dhigay, balse ay weli tahay khatar muuqata oo Somalia ka jirta.

7/24/2013 3:09 AM EST
Arbaco, July 24, 2013 (HOL) — Ugu yaraan lix qof ayaa ku dhintay tiro intaa ka badanna way ku dhaawacmeen dagaallo xalay ka dhacay deegaanno ka tirsan gobolka Bay, kuwaasoo ay ka mid yihiin; Baydhabo, Goof-guduud iyo Awdiinle.

7/24/2013 2:51 AM EST
Arbaco, July 24, 2013 (HOL) — Madaxweynaha Soomaaliya, Xasan Sheekh Maxamuud oo xalay kulan kula yeeshay xarunta madaxtooyada Soomaaliya ayaa sheegay in dowladdiisu ay muddadii ay jirtay ay diyaarisay ciidammo gaaraya 5,000 oo askari oo loogu talogalay sugidda ammaanka dalka.

7/24/2013 2:32 AM EST
Arbaco, July 24, 2013 (HOL) —Dabley hubeysan ayaa xalay waqooyiga magaalada Gaalkacayo ee xarunta gobolka Mudug ku diley sarkaal ka tirsanaa Hay'adda Cilmi Baarista Puntland ee PDRC, xafiiskeeda gobolka Mudug.